علاقتي بخطيبي رسمية

[ميرين]

مساء الخير

صارلي كم شهر مخطوبة ومازال بيني وبين خطيبي حواجز
احس علاقتنا باردة وجاافة ومافيها اي اثارة وشوق وغرام مثل كل المخطوبين
سوالفنا جدا عاادية شلونك وش تغديت وين رحت
واتصالاتنا شبه معدومة
اغلب شي واتسب وبعد سوالف سطحية

ماعرف اعبر عن مشاعري وهو مثلي بعد
والقهر هو يعيب على سوالفي .... يعني هو الي كلش مايحتاج
حتى لو قمنا نتكلم بالحب كلمة كلمتين ونقطع ونرد نرجع لسوالفنا المعتادة



خبري عن المخطوبين محد قدهم في الحب والشوق وانا ابد



احنا متفاهمين ومابينا خلافات لكن حياتنا ناقصة تفتقد للاثارة
وهو قاط اللوم علي يقول المفروض تجي منج مو مني صيري مثل البنات وتعلمي منهم




بغيت ناس تنصحني شلون اجذبه لي واخليه يتعلق فيني واتعلق فيه

​

 

[ميرين]

للرفع ...

 

[بوح الحنين]

بالكلام الرومنسي يعني لا جاء الصباح صبحيه بكلم حلو يعني مثلا صباح الخير حبيبي بالمسا كذلك مساءك عسل يالغلا يعني هيك سوالف بين كل وقت وقت فاجائيه برسايل حلوه رومنسيه وبعد بين وقت وقت باليوم ارسليله اشتقتله حبيبي وينه مثلا فقدتك مثلا كذا بدون مقدمات اكتبي احبك فاجئيه بالكلام الحلووو خليك رومنسيه لاجاء وقت النوم سولفوو وخليك هاديه وعوديه لابغى ينام قوليله احلام سعيده يالغالي او حبيبي او عمري اذا مارسلك قوليله حبيبي وش مشغله عن حبيبته لاشفتيه ماكلمك اتصلي انتي او ارسلي رساله واكتبيله فقدت صوت عمري ونبضي وقلبي فاقدك يعني هيك سوالف وصدقيني بينهبل عليك وماراح يسكت كل شوي بيرسلك وبيكلمك

 

[رنيم الروح]

ماقصرت بوح الحنين وان شاءالله يفيدونك اللبنات

 

[fayzouza]

حبيبتي انت ما بتحبو بعضكم اسفة لهيدا الكلام لكن انت بدورك يمكن تخليه ينجن عليك بكلامك الحلو و الرومانسي يعني قليلو
يا حبيبي يا عمري انا ما بدي انام حتي اسمع صوتك و لما يكلمك خصوصا اليل يكون الهدوء و الرمانسية كلميه برومسية اخفضي من صوتك يعني اهمي كلمات حب ما تقوليلو شعر عشان ما يحس انك بتمتلي لكن قوليلو نعم حبيبي سلامتك يا عمري الله لا يحرمني منك يا الغالي و الله انت احلي شيء حصلني في الحياتي حبيبي انا كل يوم بيزيد حبي لك .....يعني نوعي لا تخلي حديتك ناشف او خالي من الرمانسيه فالرجل بيموت في الدلع
نيحة اخفضي صوتككككك اجعليه شاعريا
في الصباح لما بتصحي كلميه قبل ما يروح اشغله و قوليلوا صباح الخير يا الغالي كيفك .......وودعيه و قوليلوا حياتي لا تنسا ان لك حبيبه بتمونت فيك الله لا يحرمنا من بعض و خلاص في النهار لا تخاوليي ان تتصلي به الا للضرورة خليه هو لبيتصل لكن يمكن تبعتيلوا مسج تقوليلو اشتقتلك يا عمري او بحبك موت....... و الله مع الايام رح تنقلب الامور و رح يصير يموت في الكلام بتاعك و هو لبيكلمك و هو لي بيطلب منك ميساجات حب .....

 

[~Jana]

عدل كلام fayzouza
والله يوفقكم ويتمم عليكم :eh_s(17):

 

[Patcholli]

خطيبج ولا زوجج ؟؟
مالجين ولا مكالمات قبل الملجه عشان تتعرفون في فرق
وبالحالتين انا اشوف ان مستحيل يكون في حب دام ان مابينكم الا عشرة جم شهر
ممكن يكون في تودد وكلام لطيف
بس ماتوصل لي حد الجراه خصوصا اذا كنتو بس مكالمات
لما تسكنين معاه وتصيرين وياه فبيت واحد اهني بيحس فيج وبوجودج
اما من مكالمه احس حيل صعبه ان تولد مشاعر حب وغرام ورومانسيه

 

[M!SS.LOBY]

أعتقد بعد الزواج افضل بكثيررر

 

[سور المدينه]

انا بعد مملجه
وزوجي مايعرف يسولف ولا يبدأ بمكالمة
لازم انا ابدأ بس يتفاعل معي كثير

 

[al-musk]

ان شاء الله تنكسر الحواجز اكثر وحاولي تلقين شي مشترك بينكم

 

[جوري الصالح]

حــــاولي تكــــسرين الحــــواجز بينكم بمـــواضيع زوجية للمستقبل

 

[ام مسلم3]

انا ارى ان علاقتك منضبطه وهذا يدل على ادبك لان انا ارى ان هذا حرام وعيب لان كلام الحب والغرام بتقولية بعد الزواج فى الحلال وصدقينى راح تحسى بيه وليس مجرد كلمات وانا مخطوبه ما كنت اتكلم فى التليفون الا رسائل ازكاار االصباح والمساء ونصحى بعض لصلاة الفجر والله انا متزوجة من خمس سنوات ولله االحمد كل يوم بيعدى كأننا فى شهر العسل من ترك شئ لله عوضه االله بخير منه اتركى متعه الخطوبه ابتغاء لوجه الله وان شاء االله تسمعية اجمل التعبيرات بعدالزواج

 

[حبيبي مالكني]

شوفي ريلج علا ما عودتيه
يعني كله خلي كلامج حب واشتياق
مثل
شخبارك حبيبي
ولهة عليك
مشتاقة لك
كيف اصبحت حياتي
فديتك
ومن هالكلام
مع الوقت اهو راح يقولج نفس شي
خلي لسانج ينقط عسل
ولا تخلين سوالفكم روتينية كل الوقت
والله يوفقكم

 

[حبيبي مالكني]

شوفي ريلج علا ما عودتيه
يعني كله خلي كلامج حب واشتياق
مثل
شخبارك حبيبي
ولهة عليك
مشتاقة لك
كيف اصبحت حياتي
فديتك
ومن هالكلام
مع الوقت اهو راح يقولج نفس شي
خلي لسانج ينقط عسل
ولا تخلين سوالفكم روتينية كل الوقت
والله يوفقكم

 

[song]

حبيبتي لازم تعطون بعضهم وقت مو بهالسرعه
يعني انتو مخطوبين مو متزوجين
حلاته مجابلج ومجابلته ذيج الساعه يطلع الحجي الحلو والسنع
وبعدين عوديه على الكلام الحلو وسأليه عن اخباره و دزيله مسجات اشتقتلك ومن هالسوالف
عوديه عليج

 

[ميرين]

تسلمون بنات على المشاركة واسفة ع التأخير بسبب انشغالي بالبحوث والجامعة


عندنا الخطوبة تكون بعد العقد مو قبل يعني انا الحين زوجته شرعا بس انما للحين عايشة في بيت اهلي
ونلتقي مرة وحدة في اليوم تقريبا ما عدا اذا عندي امتحان ماشوفه

ساعات احااول بس احس ماعندي ثقة بنفسي بسسب مشاكلي الصحية تحسسني اني اقل من غيري فصايرة رسمية اكثر



​

 

[حرف المها]

بديتي تحسين بمشاعر تجاهه ؟

 

[طريق السعاده]

حبيبتي فليها واستمتعي بشهور ملكتك كلها كم شهر وانتي ببيته ويخف الدلع عن ايام الملكه

بالبدايه خليك ع صباح الخير ي قلبي ولا صباح السعاده حبيبي كيف اصبحت يارب بخير حياتي من اليووم بكون اول انسانه تصبح عليك عشان يكون يومك كله سعاده ومساء الخيرهذي خليها اساسيه كل يوم تصيرين اول شخص يصبح عليه واخر شخص يقوله نوم العوافي حياتي

ومن هالحكي يعني وصدقيني مجرد ماتبدين تكسرين هالحاجز اهو بيصير يتفاعل معك وطوالي بيكسره لان بالعاده مايحبون الرسميه ترا يحبون هالسوالف بس احيننا مايعرف شلون يبدا ..
وعوديه شوي شوي يصير اهو يقول عرفتي بس انتي بالبدايه لازم تكسرين حاجز الرسميه
وحده من بنات خالي كذا كانت مره رسميه وهي شخصيتها روعه البنت بس معاه ماتعرف تتكلم واخذ عنها انطباع انها جديه ورسميه ودايم يحس انها ممكن تزعل لو قالها كلام زين خخخ تعبت ليمن صارت تحاول تكسرهالحاجز لدرجه بدايه تغييرها صار يحسبها مو اهي الي تراسله او ان احد يعلمها وش تقول بس شوي شوي تعود ع االكلام الحلو وصار اهو يرسل اشعار ويرسل خواطر ويفتقدها ف انتي لازم تبدين تربطينه فيك لان حلاتها هالفتره دلع وحب من بعيد ومايقدر يلمسك مو نفس بعد الزواج فهمتيني

يلا ربي يسعدك ويهنيك ويتمم عليك عسوله بس لازم ماتنهز ثقتك بنفسك وتكونين من داخلك تعززينها ولو اهو مو شايف انك قمر وحلوه ولو مارتاح لك كان ماخطبك ولاتزوجك عاد المحبه شوي شوي بس انتي اكسري الحاجز عشان اهو يبدا يحس بهالمشاعر تجاهك ويبدا يدلعك ..

 

[امـ خــزامـى]

خطيبج ولا زوجج ؟؟
مالجين ولا مكالمات قبل الملجه عشان تتعرفون في فرق
وبالحالتين انا اشوف ان مستحيل يكون في حب دام ان مابينكم الا عشرة جم شهر
ممكن يكون في تودد وكلام لطيف
بس ماتوصل لي حد الجراه خصوصا اذا كنتو بس مكالمات
لما تسكنين معاه وتصيرين وياه فبيت واحد اهني بيحس فيج وبوجودج
اما من مكالمه احس حيل صعبه ان تولد مشاعر حب وغرام ورومانسيه

بالضبط :eh_s(15):

 

[عاشقة هواك]

البنات ما قصروا ربي يوفقج