علاقه حب مطلقه .. ابي ردودكم

[آلاء22]

السلام عليكم
اشلونكم كويتيات ان شاءالله بخير
ابي مساعدتكم لاني بصراحة حيييل احترت خاصة بالوضع الي انا فيه
خصوصا اني مطلقه وعندي 4 اولاد وعمري30
انا لي علاقه مع شخص علاقه حب دامت 4 سنوات علاقه حب طاهرة غير مشوهه نفس الي سمعتوا عنها .. تقدملي شخص متزوج وعنده اطفال وع وشك ان يطلق زوجته لان يشكي حيييل من زوجته حيل مهملته ولاتحترمه وماتهتم فيه تقول امه وقت الخطبه ان شافني بمنطقتنا وانعجب فيني حييييل مدح فيني عند اهله بس:eh_s(2): افكر بالحب يقول ان راح يتزوجني بعد سنه ونص وخواتي يقولون جذاب نصاب لو يبي الزواج جان اهو زوج نفسه من قبل خصوصا اني مطلقه وانتو تعرفون وضع المطلقه موكل يوم جاي طاق بابها خطاب وخواتي حييييل ترسو راسي تضايقت من كلامهم مادري ليش كارهينه مع ان انسان خلوووق وطيب ياربي مادري شسوي تكفون ساعدوني ابي مساعدتكم تكفون لاتبخلون علي بردودكم الطيبه:eh_s(7):

 

[Dancing^Queen]

السلام عليكم والرحمه والبركات
اختي الحبيبه
الله يوفقك ويكتبلج الافضضل
بالنسبه للمشكله اللي تفضلتي بطرحها انصحج كاخت ماتاخذين اللي تقدملج مو عشان اللي تحبينه بس لان مو مناسب الريال مانفصل عن زوجته لي الحين حتا لو كانت فبيت اهلها وزعلانه ماتدرين يمكن من تسمع ان خطب تحاول تردله وتتعدل علي شانه وتصحا علي عمرها
وانتي بتكونين الضحيه لاتنسين عندج عيال مو حلوه تكونين مطلقه مرتين الاولي نتيجه الظروف الثانيه لانج ظلمتي نفسج
برايي استخيري ربج قبل تالي فكري فيها بالعقل عدل عدل شنو الحياه اللي بتعيشينها معاه؟ انسان متزوج مانفصل عن مرته وعنده مسؤولياته شنو ممكن يقدر يضيفلج او شلون يريج؟

 

[sanyoretaQ8]

انشالله البنات يفيدونج

 

[Abraaj]

الريال اذا بغلا يتعرف او يتزوج على مرته.. قال انها مو زينه و مو قايمه فيه ولا معطته حقوقه!! انا ماحس الخطيب مناسب!

واللي تحبينه.. ليش حاط مهله سنه ونص!!! وانتو تعرفون بعض من 4 سنين!!! لو صادق خل يتقدم لج او خليه! الحب بدون خطوة جادة ماينفع!

هذا رايي .. والله يوفقج حبيبتي

 

[حبيبي مالكني]

حبيبتي لا تضيعين هالفرصه من يدج وسبب وهم اسمه الحب
لوكان صج يحبج تقدم لج
قبلي الي متقدملج دامه زين
عشان لا تتحسفين

 

[شادن33]

استخيري ربج
وفكري في اللي يا خطبج مو الثاني

 

[بولندية]

استخيري والله يوفقج

 

[om 7sony]

الله يوفقج
اذا تبين رايي
الريال الزين اللي ممكن تعتمدين عليه كزوج
مو من مواصفاته انه يتكلم عن زوجته بالشينه ويذمها بهالطريقه
مهما يكون هي للحين على ذمته
ومثل ما قالت الاخت
ممكن ترجع له باي لحظه

وبالنهايه ... انتي ما شاء الله عليج كبيره وفاهمه وعارفه ضرف اللي متقدم لج والثاني عدل
والحكم بالاخير اكييد لج
والله يوفقج يا رب

 

[خلطات المذهله]

الله يعينج وان شاء الله يكون صادق وياج وحسبي الله علي كل من تلاعب بمشاعر بنات المسلمين ادعي ربج ان يرزقج الزوج باسرع وقت الي يحفظج ويحميج ويرعي عيالج

 

[hend6363]

لااااااااااااااااااااااااا
لا تتزوجيين الخطيب و شعرفك بعدين يتصالح مع مرته
و شنو هاريال الي لسا ما تطلق و يبي يتزوج شهالضميير ما عنده مشكلة الجو صافي عنده لهالدرجة

 

[خالتي قموش]

انا مع دانسنغ كوين

لا تاخذين اللي خاطبج

وبلاخير كل شي نصيب

 

[الجوهرا]

قرري بنفسج هذا قرار مصيري المفروض ماتدخلين اي احد بالموضوع ولان بالنهايه هذي حياتج

 

[أم بتول*]

يعني يلي خطبك مو نفسه اللي تحبينه ما فهمت
بس بشكل عام رح قلك إنتي من الاول بادية غلط شو يعني حب طاهر وما بعرف شو حاجة تحطو مبررات للعلاقات المحرمة شو يعني 4 سنين حب لو الله رضيان عن هالشي كنتي تزوجتيه من زمان بس هاشي حرام وبعدين اللي بيخطب ولسه زوجته على ذمته وعنده اولاد منها بتتوقعي يطلقها حتى لو مقصرة بكل شي بس عندو منها أولاد يعني رح يخليها مشان تهتم بأولادها

 

[al-musk]

مادري احس انتي مو موضحه أكثر ومافهمت عدل بس الي متاكده منه ان صلي استخارة وادرسي الموضوع عدل وشوفي الفرصه هل ممكن تتكرر ولا لا وشنو بتربحين وشنو بتخسرين وقيسي كل الأمور

 

[bride2011]

اربع سنين حب وسنه ونص مهله وين قاعدين
لا حبيبتي قولي له انخطبت تبي تخطبيني حياك الله ادخل من الباب
وان ماطل ورفض خلاص معناته مو راعي زواج وانتي توبي لربج
واستخيري بلي خاطبج

 

[انونا]

Bride 2011
Hend6363
Om 7asony
Abraaj
Dancing

كلهم قالوا الي ابي اقوله تقريبا

والله يوفقج حبيبتي ويسهل عليج.....ونصيحه اختبري الي يحبج ٤ سنوات مو شوي ليش ما يه اكيد عرف اخلاقج ودارسها لا تخلينه يستغل عاطفتج و احتاجج لتكوين حياة مستقره ..... والراي الاخير لج حبيبتي

 

[ام كوثر2007]

اربع سنين كافيه انه ياخذ قراره ..

خصوصا انج مطلقه وعندج عيال يعني لا عرس ولا مصاريف بتكلفه ..

حب هالزمن كله خرطي ..


دام يالج نصيبج توكلي علي الله وستخيري .. ولا تستعيلين بالاختيااار اول شي انتي عندج عيال


والللى خاطبج عنده عيال .. فكري بالنقطه هذى .. وحتي لو ما صارت مشاكل بينج وبينه بتصير مشاكل علي العيال ومشاكلهم ..


فكري مليووون مره ولا تحطين طلاقج حجه علي استعيالج ...


تريثي وفكري مليوون مره ترا هالزواجه بتنحسب لج وعليج . لانها الزواجه الثانيه .. مو حلوه كل يوم يكون لج ريل وكل يوم مطلقه ..


واستخيري مثل ما قلت لج وما خاب من استخار


موفقه .

 

[برنسس كاتي]

والله وضعج صعب ، خصوصا انه الي متقدم لج ما طلق مرته
ما تدرين يمكن بس يبي يكسر خشمها ويرفع ضغطها وبعدين يتركج ؟
وممكن ما توافقين عليه وهذاك ما يتقدم لج ..
ممكن تشرطين على الأولي انه ما تتم الخطوبة الا لمن يطلق مرته بالثلاث وتخلص العده بعد اذا هو ناوي يطلقها
خلاص اجل طلقها بعدين دورة على زوجه ثانية !
واللي يحبج على الأقل يتخدم كخطوبة ومتى ما الله سهل تتزوجون

 

[princess.78]

تعليقي راح يكون بس ع الحبيب ..

4 سنين ؟؟!! علاقه ويبي يمددها لـ سنه ونص زياده

ليش ؟؟ باقي على بلوغه سنه ونص ويصير رجال قد الزواج

انا رايي من راي خواتج

حبيبج جذااااااااااااااااب ولاتضيعين عمرج معاه

ما اقتح السنه ونص إلا عشان يحطها براسج ويقولج انتي اللي ما نتظرتيني

اعوذ بالله من هالاشكال

 

[دلوعة أبوهآ]

لو يبيكِ بالحلآل كان خطبك ..

لكن هذا شكله يتسلى ..
وانتي عارفه وضعك ومثل ماقلتي ماراح يجيكِ كل يوم واحد يتقدم لك

اتركي عنك الحرام والشيطآن
استخيري ووافقي عليه بالحلآل ..

استري نفسك وعيآلك وانتي مو صغيره عشان تحبين بالحرام ويضحك عليكِ