على وشك ولاده ومتوهقه بليييز مساعده

[مطر هتــآن]

قوه امهات

انا كنت ابي الدكتوره ناهده العلي تولدني بس ماراجعت عندها بسبب المواعيد ما تناسب او بعيده او يصير لي ظرف او تطلع ولاده

وامس كان عندي موعد عندها بس مارحت لانها طلعت عندها حالة ولاده وتاخرت شوي واضطريت ااجل الموعد ومواعيدها بعيده بعد اسبوعين

وانا حاليا بالتاسع يعني ما اقدر انطر اكثر احتمال اولد قبل الموعد

وانا سمعت ان الوحده اذا تبي دكتوره معينه تولدها لازم تكون مراجعه عندها ومع ذلك اقرا مواضيع بنات تكون دكتوره غير دكتورتها مولدتها


ابي اسألكم جم سؤال واتمنى تساعدوني

الحين لو صار الطلق ورحت لدار الشفا يصير اختار دكتوره من عندهم حتى لو ما كنت مراجعه عندهم ؟ ومنو احسن دكتوره وخياطها حلو ( الخياط التجميلي )

ودكتوره ناهده تستقبل اللي بالتاسع ؟ ويصير اروح لعيادتها بدون موعد وانطر لربما وحده تكنسل موعدها

بليز ساعدوني مالي حظ بالدكاتره بسبب المواعيد والزحمه :eh_s(2): اي شي يقدر يفيدني

 

[ام ساره 4]

إي يصير تروحين المستشفى تولدين حتى لو ماكنتي تراجعين عندهم انا كل ولاداتي أراجع بعياده خاصه ووقت الولاده أروح المستشفى وأولد هناك بس إذا إنتي تبين دكتوره معينه أعتقد لازم تراجعين عندها أما إذا عندج عادي أي دكتوره تروحين المستشفى ويولدونج عادي وبالنسبه لدكاترة دار الشفا ماعندي فكره بس قبل يومين مرة أخوي والده عندهم بعمليه ولدتها الدكتوره فوزيه القطان بس كانت تراجع عندها بالحياة كلينيك

 

[مطر هتــآن]

يعطيج العافيه بس انا احاتي الخياط يعني حتى لو رحت لهم بدون اراجع عندهم شلون اتأكد انهم بيسوون لي تجميلي اقصد التضييق

 

[مطر هتــآن]

اب

 

[ام ساره 4]

الله يعافيج بس حبيبتي إنتي بجر يعني تو الناس عالتجميلي

 

[مطر هتــآن]

لا انا مو بجر هذا ثاني حمل لي

 

[ليمون ونعناع]

الله يهون عليج

يصير تطلبين دكتورة من عندهم بس ماعندي فكرة عن دكاتره دار الشفا

ويصير تروحين عند ناهدة وتنطرين قولي لهم انا بالتاسع وطول فترة حمال ايي ويكون زحمه وماادش يمكن يعطونج الاولويه بالدخول

 

[ليمون ونعناع]

اهم شي حبيبتي كثري استغفار
وكثري من ادعيه تسهيل الولادة ربج يسهلها ويهون عليج الطلق

 

[مطر هتــآن]

مشكوره حبيبتي وجزاج الله خير

 

[كتالونيه]

اب
اب

 

[أم صقر المنصوري]

إنشاءالله البنات يفيدونج
الله يسهل

 

[нάγoηά cнεмίsтяγ]

ديربالج من دكتورة زينب بدار اشفا شكثر تسوي اخطاء بالولادة

 

[ريح قهوه]

نفسج انا بس دكتورتي سافرت ومسكت وحده مكانها وعلى الله بشوف

 

[((غلاي))]

الله يسهل عليج

انزين اتصلي على العياده و كلمي السكرتاريه
قوليلها انا بالتاسع و ابي الدكتوره تولدني
اشلون يصير او لا و ختحاول تدخلج عليها لو على الويتنق نطري بعد شتسوين

 

[عذبة الروح..]

التجميلي انتي تطلبينه منهم عادي قبل الولاده لمن تدفعين الحساب
انا الحين اراجع عند الدكتوره مي بدار الشفا ما جربت ولادتها بس انشاءالله ناوية اولد عندها

 

[FJ style]

انا والدة عند مي مرتين شغلها زين وتسوي تضييق داخلي تطلبينه لما تسوين دخول عندهم
عموما راجعي عندها هالايام وطلبي منها تولدج
اذا زامها الحين بتولدج

انا سوت لي توسيع ودشيت بطلوق باردة وبطت الماي وحما الطلق وولدتني قبل لا تمشي