اختي بكل بساطة استمتعي بحياتج لا تخلين كل اهتمامج منصب انهم بيطفشونج وغاثينج بالعكس شوفي ان وجودهم من رب العالمين
امان لعيالج وحس ونس في البيت ويااااج
ما يضرج لو تقعدين وياهم حزة العصاااري سوالف وناااسة وقهوة ما يضرج ان قالوا تزوج على مرتك تقولين لهم انا حافظة زوجي
وعياله وبيته وان لقى خلل بسيط فيني او تقصير انا اخطب له وابتسمي ابتسامة ثقة . . .
لا تخلين حياتج معارك ماتدرين هالدنيا شنو خاشة لج ؟
ومتى هالنفس يتوفاها رب العالمين انتي او اهمه
بعد عمر طويل ان شاء الله
ونروح لسالفة السفرة
ليش معارضة يا اختي ؟!!
وعيالج وين بتخلينهم ؟!!
اذا بتخلينهم عند ام ريلج فحطي في بالج هذيلا امانة برقبتج وبرقبة ريلج وهالزمن ما تضمنين شنو يصير فيه
الله لا يقوله يطلع واحد منهم الشااارع ومحد يدري عنه والا يقص عليه واحد ويناديه والا اذا عند حمولتج سااايق ماتدرين شنو
ممكن هالسااايق يقدر يسوي من مصااايب
اهم شي عيالج ومو معناتها انج تتوقفين عند عيالج لا شوفي نفسج لكن لما تأمنين على عيالج . . .
وسالفة سفرة عمتج واخته
قعدي ويا نفسج وحطي نفسج مكان هالعمة او خل نقول بنتها اللي وصفتيها بالعااانس وهالشي دليل انج مو خايفة ربج فيها !
لان النصيب بيد رب العالمين وماتدرين يمكن هالدنيا تدور عليج ولا سمح الله عالعانس تقول لج يالارملة او يالمطلقة
مع اني اشوف ان هالاسلوب مو حلو كلج وان نم عن شي ينم عن عدم مخافة رب العالمين في بنات الناااس لان ربي كاتب
للكل نصيبه وما يجوز اننا نعلق او نطلق صفات عليهم
يعني لو انتي في مكان هالبنت وبخاطرج تسافرين وطلعت مرت اخوج وحطت العقدة في المنشااار وماتبيج تسافرين وياهم
بالامااانة شنو شعورج ؟
يا اختي والله ثم والله ثم والله اني من تعاملت ويا الناااس وفق مبدأ وهالحكمة :
عامل الناااس بما تحب ان يعاملوك
وانا مرتاحة نفسيا
وقدمي الخير لله فقط ولا تترجين شي من عباااده
جربي وبتشوفين شلون الحياة حلوة وان ربج بيرضى عنج وبيحبب عباااده فيج وبالتالي ترتاحين في حياتج
ادري طولت عليج لكن اهي نصيحة واتمنى تتقبلينها بصدر رحب وتتقبلين بعض المفردات اللي استخدمتها
