عمرج حسيتي انهم يحاولون يستغلونج ويستغلون طيبتج؟؟

[حجيه هيونه]

صباحكم خير بنات

من امس وانا افكر بالسالفه هذي بعد ما وحده من البنات كتبت سالفتها مع جارتها الي تحاول تستغلها

ولما فكرت بالموضوع لقيت اني تعرضت للموضوع هذا اكثر من مره وباكثر من شكل

واخر مره كانت حيل غريبه كنت اشتغل بمكان وتعرفت على زبونه وبحكم انها تبيع حنه وكريمات اشتريت منها وعرفت رقم تلفوني

المهم الاخت حيل طيحت الميانه ظلت تحن تبي تجي تزورني ببيتي عشان تشوف البضاعه الى اجيبها و مع انه وريتها الصور الا انها جت زارتني ببيتنا وخذت مني اغراض وخلتني 3 اشهر اركض وراها يالله دفعت

ثاني مره خذت ولي الحين لنا 3 اشهر وانا انطرها تدفع وكل مره اقول مابيعها لانها ماتدفع تقعد تتمسكن ومادري شنو وانا انحرج


بعدها صارت تدق تبي اغراض مره دقت تبيني اعطيها كمبيوتر !! قلت لها ماعندي زياده واكو وايد رخاص بالسوق

ثاني مره دقت تبي الاي قو حق مرت حماها ولدها مادري شنو يبي يطلع من النت

يعني انا وياها مو ذيج الميانه عشان تطلب شي جذي وحتى مو لها لا لناس تعرفهم

اخر مره دقت طلبت سلف 120 دينار !!!

بصراحه قلت لها ماعندي وانا صادقه بس بقلبي كنت اقول الحين 20 دينار وصار لج 3 اشهر مارديتيهم شلون لو 120 !!


يعني حسيت طريقتها بس تتعرف على احد تحاول تستغله


الحين سؤالي لكم سولفوا لنا عن الناس من هالنوعيه الي تحسون بس يحاولون يستغلونكم ويحللونكم لوول باي طريقه !! هل هالشي صج منتشر بالكويت حاليا ولا بس حالات فردية؟؟؟


اترك لكم المايك:tongue22:​

 

[spanish-girl]

للاسف الناس تفهم مفهوم الطيبة بمفهوم ثاني وغلط وعاد هني دورج تميزين بين الي تبي تتمصلح من وراج ومن الي تبي صداقتج

انا عن نفسي وايد تعرضت حق هشي بس كشفتهم على حقيقتهم من التعامل يبين

 

[swarvoski^girl]

انا ملييييييت من الروضه وسوالفها

 

[كسر قلبي زماني]

انا الحين اعتقد متعرضه حق هالشغله بس بجووف اخرتها

 

[حجيه هيونه]

قولولنا بنات شلون عرفتوا وشنو الى صار معاكم ؟؟؟

 

[بنت الظهر]

الله يعينج عليها أظن أنج أنتي متساهلا ويها حيل الأشكال هاذي بصراحة ماتنعطى وجه *

 

[عهود الحب]

اي شكثر كانت تصير معاي
انا اكثر شي يضايقني لما واحدة تقول دفعي عني للقطية مثلا قطية مدرسات
وعقب تسوي روحها ولاكأنها بالدنيا
تتناسى الموضوع بكبره
صارت فيني اكثر من مرة وانقهرت وطاف بلعناها ونسينا


ومرات يكون لج جارة تتلزق وتقولين ياربي هذي شتبي في شي قلبي ناغزني
هالمعزة مو لله في شي تبيه

وفعلا طلع مرة تبيني ابيع لها بضايع بين المدرسات زميلاتي
ومرة تبيني انتخب واحد من ربعهم
استغفر الله
في ناس يكونون علاقات اجتماعية مو لله

بس عشان يستفيدون من ورى هالعلاقات
سبحان الله شلون هالناس تفكر جذي ما ادري ؟
واذا شافوا ما وراج فايدة وما تلبين لهم طلباتهم الي اشكرة او الغير مباشرة
خلاص حتى سلام ما يسلمون

عقليات استغفر الله مو طبيعية


واللي يضحك اكثر لما يكون بنطاق العمل وزميلات ما يسلمون الا لما يبون شي

انتوا شفتوا جذي ناس ؟؟؟؟؟؟؟؟؟؟؟؟
سبحانك يا ربي

السلام لله والسوالف مو مفتاح للطلبات والمصالح

 

[ريماس77]

للاسف استغلو طيبتي وايد وانا عالنيه:0bee2e8d89:

 

[Flower20]

اي الله فيه وحدة من هالنوعية استغلتني حييل بس قمت انفس عليهاا وكله اقولها مااقدر

وحست اني مالي خلقها فإنسحبت وما قامت تدق

 

[بنت شيخ]

يووووو كثير مرينا بهالمواقف الاستغلاليه

لا والمشكله اغلب اللي يستغلوونج ناس قراب منج حيــــــل

هذي المصيبه

 

[Mazyoona]

إيه بس مآ أمشيهآ لهم
بس جد يآ شين هالنوعية !

 

[حجيه هيونه]

مشكوورين بنات على تجاربكم


بعد نبي تجارب اكثر

 

[حجيه هيونه]

وينكم بنات !!

 

[miss_math]

بصراحه ما حسيت أنه أحد استغلني

أمكن لأني اشوف الأمور بمنظور ثاني

يعني انا لي خدمت الناس ما انطر الأجر منهم ..

لا انا اسوي هالشيء لله

لكن بنسبة للمواقف اللي حاصلة لج

فيها تمادي بصراحه أكل لحقج مو بس استغلال للطيبة ..

 

[حجيه هيونه]

للاسف الناس تفهم مفهوم الطيبة بمفهوم ثاني وغلط وعاد هني دورج تميزين بين الي تبي تتمصلح من وراج ومن الي تبي صداقتج

انا عن نفسي وايد تعرضت حق هشي بس كشفتهم على حقيقتهم من التعامل يبين

والله صج من يشوفون احد طيب على طول طلع الاستغلال بس المشكله يعني لو ناس تعرفينهم قريبين نقول مو مشكله بس احد مالج علاقه فيه شكو !!


وياله قولي لنا انتي والبنات شنو الى مر عليكم من هالمواقف

 

[حجيه هيونه]

اب اب اب اب

 

[حجيه هيونه]

!!!!!

 

[وردة بيتنا]

اختي المفروض دام انج شفتي منها مواقف جذي ان ما تتساهلين معاها مرة ثانية

قوليلها سامحيني ودي اساعدج لكن الدفع عند الاستلام مو بعد الاستلام بثلاث اشهر !!

خلج واضحة معاها . هذا حقج يعني مو عيب ولا شي . و الحق حق .

اذا اهي نوعها تدفع مبجر و منتظمة و زبونة و مرة صاادف ان بتدفع متأخر ، اهني ممكن . لكن اذا كل مرة على هالحال !!! ما يصير !!

كل شي له حد . التساهل فيه اشياء يخربها ما يسنعها !

 

[غايتي الجنة]

السلام عليكم

الله يعينج على ما بلااج خيتوو :s

وترى امثالها كثيـــــــــــــــــــر

يعني فيه بنت اعرفها ماتدق الا لحاجات واشكرره لما تااخذ الي تبيه تقول يالله اخليج فمان الله!!

الله يهديهم بس ونصييييحه اخذيي فلووسج منهاا وان دقت بعدها حقراان لان ناس جذي صراحه لا حيا ولا مستحاا وماينفع معاهم غير جذي

 

[كتكوته ورديه]

الله يهينك