عمرج شريتي شي غالي ولقيتيه برا بنص السعر وساعات اقل

[حرم راشد الماجد]

بسم الله الرحمن الرحيم

السلام عليكم ورحمة الله وبركاته


باختصار شدييييييد اختي شاريه نفنوف حق بنتها من انوتا بشي وثلاثين المهم وانا اتسوق لقيت النفنوف اللي شاريته بثلاثين بسته ونص بسسسسسسس


وهذي مو اول مره تصير ويانا هالسوالف



عموما مابي اقرق وايد اللي عاجبها كولكشن انوتا هالصيف ترا 40% من موديلاتهم موجوده بسوق شبي اسمه خان الخليلي اللي بالسالميه شارع سالم المبارك

اما انا فلي نصيب الاسد بهالمواقف

مثلا مره شريت حق بنتي من اكسسورايز الفنار نفانيف حق بنتي على 10 والحين منزلين منهم برد تاغ على 3 وهالطقه.






بس للامانه هم انا كنت محظوظه في بعض الاحيان

يعني مره خذيت تريننقات حق بنتي من محل بفحيحيل طلعو ماركة ببنتون

ومره هم خذيت جنزات زارا من محال بالسالميه يم المنصورين على 2

وخذيت نفنوف من النصر الرياضي ماركة غاب ونزل عقب ماشريته بثلاث اشهر واضعاف سعره

المهم هذا اللي حضرني حاليا واللي تعرف مثل هالمحلات تفيدنا ولي عوده مع محلات ثانيه

 

[MaZyOoOoNa]

وااااااااااايد تصير

 

[بنت العقربيه]

بصراحه صارت لي وكثير يعني مرة شريت ليقنز اول ماطلعت موضته من ستراديفاريوس ب80ريال بعد فترة باعوة في التخفيضات وبكميات كبيرة على 25ريال اواقل ولازال موجود بسعر رخيص لان العالم اكتشفت النصب التجاري عند بعض او ثلاثه ارباع الماركات
عشان كذا ماصرت اشتري الا وقت التخفيضات نصب مو طبيعي على العالم متى الله يفكنا من جشع التجار والمشكلة كلها صينية حتى لو غالية وحلوة احيانا اظطر اشتري غالي خاصه في موسم العيد وبعد فترة اروح الاقيها رخصت انقهر
اشتري من كل مكان ومن ماركة وغير ماركة مو مهم المهم يعجبني مو شرط ماركة لان بعض الاحيان ملابس من الهند او تركيا او سوريا حلوة ورخيصه والوانها ماتروح وغسيل ولبس مية مرة

 

[نـعـومـه]

انا بعرف شلون جذي !!؟؟

شلون جذي محل معروف راقي تييب بضاعه من سوق شعبي !!!

خايفه يصير فيني جذي

 

[PuPa^^SWeeT]

انا اللي يصادف


اني اشتري من المحل اليوم

بعد اسبوع اشوفه نص السعر بنفس المحل مايقولي متى السيل ؟؟

 

[بنت اليوفي]

حبيبتي وين مكان محل المنصورين

 

[حرم راشد الماجد]

محل المنصورين بالسالميه يم مجمع منيره عالشارع يصير في يمه محلات بيجامات وجذي

انا سالفة السيل هذي وايد تصير فيني بس عادي يعني مانقهر كثر لما اشتري شي على ابو ان ماركه وتالي القاه بسوق شعبي

 

[حرم راشد الماجد]

نعومه الفكره ان الحين كل المحلات المعروفه تستورد من الصين والصين تصنع هالاشياء بمبالغ رخييييصه فالاسواق الشعبيه تستوردها وتبيعها بسعر اقل يعني الفكره ان التصاميم حق المحلات المعروفه تطلع باسمهم ويحاسبون عليها مبالغ محترمه بفرنسا ويدزونها الصين للتصنيع فالصين تسوي حق الكل والجميع

 

[ام سعود ديكسون]

تصير معاي بس اكثر شي ألاقي تقليد الموديل اللي توني شاريته من افنيوز بسوق السالمية الأحمر اللي يم دوار الجوازات
او فلاتات زارا و مليسا الأسطورة تلاقين نسختهم بقيصرية السالمية
بجايم و تريننغات المحلات الغالية احيانا تلاقين نسخة منها بالأسواق الشعبية و سوق السالمية
خاصة موسم الشتا الخامات تلاقينها كوبي

بس ولا مرة صادفتني أني اجيك التاق ع الملابس >>> اتوقع بضاعة مصفية عشان جذيه لقيتي البراند الاصلي

خوش موضوع حروووووومة عاش من شافج بالمنتدي

 

[جــوريــه]

ااب ااب

 

[عسله]

مشكوره علي الموضوع الحلو انا قبل جم سنه هبيت اشتري من وحده ببيتها والحين تعرض ببيت ديفا اخذت منها اشياء وايد وعلي فترات متقاربه وبعدها كنا طالعين انا وصديقاتي والااشوف وحده لابسه نفس الي انا شاريته سالتها بجم قالت لي النفنوف ب12 من النقره وانا والله ماخذته منها 57 انصدمت ومن يومها مااشتري منها ولقيت محل بسوق السالميه ستي سنتر يبيع كل الي اهي تيبه وفرق بالاسعار

 

[حرم راشد الماجد]

عاشت ايامج ام سعود صاجه كلالبلاوي تلاقينها بالسالميه



عسله صاجه انا عشان جذي ماشتري من حريم الا المكياج والملافع ملوت الامارت

 

[عسله]

عسله صاجه انا عشان جذي ماشتري من حريم الا المكياج والملافع ملوت الامارت

اي والله حتي انا تبت بعد مااشتري من هالحريم الي يضربون بالعالي وتلاقينه بمكان ثاني موفرق 5 لا فرق كبير واايد وحلو الواحد يعرف ويدور موبخل بس السنع حلو :eh_s(7): وليش اشتري بالغالي مع انه نفسه بسعر مختلف وارخص

مكياج وملافع ممكن اشتريهم كبضاعه من وحده ام شي ثاني اشك انه ممكن القاها بسعر افضل لا مااشتري

 

[احساس السعوديه]

اول شي حيااااااااااااك حرم راشد منوررررررة من طول الغيبات جاب الغناااايم
من زمااااااااااان عنك عساه خيرر


وثاني شي تصيييييييييير بس انا احسسسسسسسسس قهر

اذكر مرة وحده شارية تنورة من الفيصلية ب 400
وجات عندنا وصادف انها هي ووحده ثانيه لابسينها قالت لها من وين خذتيها قالت الخبر الراشد ب100
قالت من جددددددددك !!!!!!!!!
انقهرت تقول انا ماخذتها ب400 وهي ب100

 

[ايطاليه]

سبحان الله وبحمده سبحان الله العظيم

حبيبتي خان الخليلي وين صاير بالسالميه بالضبط وماله فرع ثاني؟؟

خل نسوي هجوم عليه خخخخخ

 

[simone]

موووضوووع مفيـــد


اب
اب

 

[عيالي...حياتي...]

واو الموضوع يونس

اب
اب
اب

نبي نستفيد

 

[عيالي...حياتي...]

واو الموضوع يونس

اب
اب
اب

نبي نستفيد

 

[بائعة الورد]

بنات هقولكم شيء عجييييييييب
كنت مره في سوق الجمعه "الحراج" ولقيت فجاة بايع هندي اعرفه من محل كنت اتعامل معاه في محل راقي في مول "بدون ذكر الاسم "
المهم طبعا عارض نفس البضاعه اللي في المول كنت اشتريت منه كل بلوزه او بنطلون ع الاقل 10 دينار وطالع في المحل , وعارضه بالسوق ب 2.5 دينار !!!!!!!!!
قلت له انت اللي في محل ... مول ... قالي ايه انا وبنعرض كل جمعه هنا
انصدمت وقلت له بشتري منك كل جمعة هنا افضل هههههههههه
الله كريم

 

[وحيدة امى]

يستاهل رفع اسمع بس ماحصلت معاي