عمرج فوق 25 ماتزوجتي تعالي

[7elwa na3ma]

بسأل سؤال ؟
انا غرفتي اهي محور حياتي
امي تسميها الجحر :dddds: لاني اذا قعدت بالغرفة ما طلعت
عيشتي كلها على السرير ،، اكل شرب كتب هدوم كل على فراشي :eh_s(6):
انتو مثلي؟؟

اي اي

انا مثلللللج والله كل شي ع السرير اكل قهوه حلى شاهي اخضرر لاب توبي واشبك بالساعات وكله ع السرير مع ان عندي كمبيوتر مكتبي ومكتب وشغلي واغراضي كلها ع المكتب بس اذا جيت اشتغل ع السرير

 

[قـہۈه فـرنسيـہ™]

هاااااااااااي ...يصير أشارككم ولا مايصير عمري 23

بنااااااات منو قال ان سن العنوسه من 25 ...بالعكس ,,الناس الحين خلااااص ينطرون البنت تتوظف بعدين يتقدمووون ,,,
العانس من 30 وفوووق,,,
وموفقين كلكم يارب ,,,وعسى يرزقكم بأزواج المستقبل... عااااااجلا يارب,,,ونصيحه خلوا الشي هذا آخر همكم ,,,ترى بتكرهون نفسكم وحياتكم من كثر التفكير...

 

[7elwa na3ma]

حياااج قهوه احنا ماقلنا موضوع عوانس خخخ

احنا قلنا اللي ماتزوجت وعمرها وق 25 بس نبي نشوف نمط البنت المو متزوجه وهي اساسا بسن زواج

لان البنات اللي اعمارهم 17 18 19 20 معروفه يومياتهم بين الجامعه او المدرسه والبيت لكن نبي نعرف الكبار شوي شلون يقضون وقتهم واتوقع من سن 25 تكون البنت خلصت جامعه واشتغلت او او انها بالبيت اذا ماهي جامعيه وووبس

يعني الموضوع ماله شغل بالعنوسه او الزواج

وحياج قهوه اشتهيتها مع اني بصوم باجر خخخ وماقدر اسوي لي الحين

 

[قـہۈه فـرنسيـہ™]

^^
سوووري بس أشوفهم يتكلمون عن فارس الأحلااام

 

[7elwa na3ma]

خخخخخخخ اي يعني لو جا فارس الاحلام السنع ماراح ايردووونه

ياحلوج يااقهوه تهبليييين

 

[طموح مفقود]

الصراحه موضوع مميز
انا عمري 32 غير متزوجه والحمد لمقسم الارزاق على كل حال .
كان الموضوع في البداية يجرحني خاصة اذا عزيمة حريم واحاتي بس الحين كبرت وعقلت.
.والموضوع هذا صار عند من بيده ملك السموات والارض فليش احاتي؟؟؟؟؟؟؟
يومياتي اقعد الصبح مبجر علشان ما اتاخر على الست نورية وكيلتنا في المدرسة
واوقع حضور (قصدي تاخير ) مع اني اقعد مبجر بس ماادري ليش دايما مناخرة.
سوالف وريوق وقهوة وحلو ؟
ارجع البيت القى امي وابوي في الصالة ينطروني لاني اول وحده ارجع البيت من اخواني وخواتي اسولف معاهم شوي واعطيهم اخباري .
اصعد غرفتي اصلي وانام واقعد العصر وانزل على امي وبعد المغرب يتجمعون حريم اخواني وسوالف .
وبعد العشاء ارجع انام .
هذا روتيني اليومي .

الصراحه عجبني الموضوع وحسيت انه مو بروحي ​

 

[علولي]

لا تنحرجي ولا شي الحياة حلوة
وااااااااو اشتهيت القهوه
من تغى حياها بقوم اسوي

 

[Namlah]

يعطيكم العافيه.....اخواتي لا تخلون الزواج هو همكم الاول والاخير صحيح انه شي مهم للبنت لكن من تجربتي كنت متزوجه من سنتين ودام زواجي 5 شهور بس وكانت كلها الم...والحين ادعي ربي ان يرزقني الزوج الصالح واهم شي هذا اللي تفكرون فيه يكون صالح ودين ويعرف مسولياته وبدون هذي الاشياء راح تشوفين الوجه الثاني من الزواج وانشاءالله ماتشوفونه مثلي....عمري الحين 25 والحمدلله موظفه الصبح اروح الدوام طبعا الحين عطله مافي...واغلب وقتي مع اهلى الله يخليهم لي وناستي معاهم وعرفت من بعد تجربتي ان البنت مالها الا اهلها...
والله يوفق الجميع ويرزقهم الزوج الصالح

 

[رزة الكويت]

موضوع راااائع
انا عمري 27 وموظفه والحين ان شاء الله ناويه اكمل دراستي
بالبدايه كنت انحرج وحسيت ان لازم اتزوووج لان كل بنات عائلتنا اللي كبري واصغر مني متزوجااااااات
لكن الحين فهمت ان كل شئ بيد الله سبحانه وتعالى
والحمدالله الموضوع جدا عادي عندي
يعني الزواج مو كل شئ اذا جااااااا حياه الله واذا ماجااااا خيره
وترى العزووووبيه تهبل والله خصوصا اذا رديتي من الفراره وحطيتي راسج ونمتي وااااااااااو ونااااااااسه

 

[7elwa na3ma]

اي والله ياارزه

الحمد لله على نعمة الفراااره

 

[7elwa na3ma]

اب اب

 

[dantella]

فديتكم ..... انا مريت بتجربتين زواج وفشلو ........ نصيب ........... عقبها ماحبيت ان اكرر التجربه صارت عندي رده فعل ......... لكن عاجبتني حياتي الحاليه وايد ....... دوامي عندي ومستقله ماليا الحمدالله ما اطالب احد ومحد يطالبني ........ الحمدالله اهلي راضين عني........ صج ودهم ان يفرحون فيني بس محترمين قراري ........ حياتي الدوام ....... رفيجاتي ...... طلعات ....... زواره ........ سفر......... وحاليا قاعده اتعلم العزف عالبيانو ....... احب اقرا كتب ...... طبعا لا كتب طبخ ولا ابراج ولا تفسير احلاه ههههههههههه كتب علميه ........ طبعا مثل اغلب البنات احب اهتم بنفسي وبصحتي وبشكلي الخارجي والداخلي بعد ....... عمري 30

 

[7elwa na3ma]

هلا دانتيلااا نورررتي الموضوع

ونمط حيااتج عججججبني بصرراحه

والله ييسر امرج ويوفقج بحيااتج

 

[كرستالهـ]

عجبني الموضوع حييييييييييييييييييييييييييل
انا عمري24 الحمدلله ع كل حال
الرزق من الله>>احس اني قاعده ببسطه خخخخخخخ
خلنا نعيش حياتنا لبس طلعات كشخه ع كيف كيفنا احنا سيدات روحناولا زوج يطلع عيونج>>بعضهم طبعا موكلهم
ولاحموله تغث >>تسمع مشاكل خواتها
اهم شئ اعيش يومي بفرح وضحك وهبال ولاعااش منهو يكدر مزاجي
اممم اما عن يومياتي
نوم الصبح وسهر بالليل
اما ع النت مسن ومنتدى او افلام وبلع وضحك وسوالف مع بنات اختي
اما ايام الدوامات
طبعا اقعد الصبح وارجع الظهر اما انام او اقعد ع النت احضر
والعصر اما انزل تحت اقعد مع اهلي او اروح اخلص شغلي للدوام
ارجع والساعه 12 انام
تدرون بنات
انا اقول اذا زوج صالح ويريحني او بلاها زواج
بس المشكله ان اذا مافي زوج مافي عيال خخخخخخخخخ

 

[الحراير]

الله يرزقكم بالزوج الصالح يارب

 

[7elwa na3ma]

والله كرستاله تونسين حدددج يعني ضحك وهبال وطلعات احلى شي بالدنيااااااا وموفقه يالغلااا

يالله يابنات وينكم نبي نشوف يوميات غريبه وعجيبه وحلوه بدووووون رياااييييل

 

[سعودية واضحه]

السلام عليكم يا احل عزابيه :dddds:
عاد انا تعجبني المواضيع اللي كذااا ويلا معااااااااااااكم بـــــــــــــــــخ :ggdw:

انا عمري 25 ومو متزوجه مشكلتي طموحي الزايد كل ما احد تقدم لي قلت لسا بحقق شي في حياتي ليش انا درست وخلصت بس عشان اتزوج :dddds:

المهم انا من السعوديه جده وجيت للكويت قلت ابي اتوظف معلمة ولاكن باءت محاولتي بالفشل قالولي اكتفينا تعالي شهر 10 قالي ابويا تحلمين :krkrkr:
خلي احد ياخذ اوراقك المهم مابي احكي كل قصه حياتي

طبعا لاشغل ولا مشغله زي ام هلال عبايتي على راسي وافرفر بين جدتي وعمتي وجارتنا عجوز اروح اطل عليها :krkrkr:
وطول الليل بغرفتي على قولكم اكل واشرب واطقطق فيها واغير مكان السرير اكثر من مره لو يتكلم يقولي خلاص طفشتيني :dddds:

عاد اجلس على النت طول الليل وعلى التلفزيون عين هنا وعين هنا واصلي الفجر واجلس الين 8 او 9 وبعدين نووووووووومه

بس يلا لقيت احد زيي خلونا هنا مع بعض نتونس ونكون احلى عزابيه لعام 2009 _2010 _03BA:
وعلى قولتك كرستاله مافيه رجال مافيه عيال هذي المشكله :krkrkr:

 

[كويتيه_1984]

انا عمري 25 وموظفه

الحمدلله على كل حال

بالي مرتاح

ارد البيت احط راسي على مخدتي ما افكر بحنة هذا وعلة هذاك

النصيب من الله وهذا اختياره

( ارضى بما قسمه الله لك تكون اسعد الناس )

 

[rosemary777]

أنا تقدمولي وايد بس الاشكال اللي تقدمولي ما عجبوني وشكله ماراح القى احد يعجبني


ودي اسافر رحله حول العالم بس بالنسبه لي شي مستحيل لان مافي احد يروح معاي

 

[MassComm]

انا 24 عادي اكتب نمط حياتي الكئيب؟