السلام عليكم شلونكم بنات شخباركم
هذا اول موضوع لي
وانا من طبعي ما حب اشكي بس همومي كثرت وايد وحبيت اسمع ردود بنات ديرتي عن حالتي
انا بنت عمري 24 توني متخرجه توني ، بس ماتوظفت لان امي مريضه وحبيت اساعدها في شغل البيت , لان انا ابوي الله يرحمه متوفي من سنة 99 ومسكينه شغل البيت كله على راسها ،
احنا 3 بنات وولد ، انا الوسطيه ، انا لي علاقه مع شخص قريب مني والحمدلله هالشخص تقدملي وانشالله بحيل الله لما تتعالج امي بنتزوج ، لاني مو راضيه اتزوج واخلي امي جذي ، واحنا اهلنا وايد يخبون نفسهم بسوالف الزواج وحوسه وماعرف ايش ، وفوق هذا لما ما يكون ابو في البيت يتحكم فيج خوالج وعمامج ، لان ابوي توفى واخوي صغير ماعرف الدنيا عدل ، فا امي ما تتكل عليه وايد
مشكلتي
اني انا فالبيت لما اقول وجهة نظري بأي موضوع محد يسمع محد يقدر ، والكل على باله انا ناويه شر ، صار موضوع بسيط امس وصل لي بيت خالتي ، وانزفيت وانا مالي ذنب .
المشكله ان انا انظلم واسمع وجهات نظر احس اهلي ما عندهم منطق ولا حكمه فالكلام ؟ّ!
انا بنت اذا مافهمت شي فهمونياااه ، ليش انتو تعلموني على الاصول والعادات والتقاليد وانا اشوفهم مايطبقون هالشي اميه فالاميه ، ابوي لما كان موجود والله ماكان يسوي جذي كان خلله ياخذ الامور بالتفاهم وبالركاده ، اهني لا تفاهم ولا هم يحزنون ، وان غلبتهم في الحجي من خلال رايي ووجهة نظري ، انتي وانتي ومره ثانيه ماكو جذي وحرموني من أي شي احبه ، ياجماعه والله انا ماني صغيره عمري 24 لي متى امي مو راضيه تفهم ؟
اللي يقهر ويعل الجبد صج
عندي اخت اكبر مني اب 3 سنين حيل انانيه وحييل قاسيه بالكلام ، ومايهمها شي بهالدنيا الا نفسها ، حتى خطيبي ما تبيني اتزوجه لان ريلها ما يحبه ، وبغيت اخسرها واخسره لانها قالتلي يا انا يا هالريال ! ، والحمدلله بعد عناااء طويل اقتنعت ان هالريال حييل شاريني واني انا حيل احبه ،
الشي الوحيد اللي مغروس في بيتنا ان كلنا نحترم بعض ومانغلط على بعض وحيل متعاونين ، يعني حتى اختي الكبيره متعاونه ، وانا يا بنات من كثر ماخترم اختي عمري ما طولت الساني عليها ولا حتى كلمة جب ولا سكتي ماقتلها !! حيييل احترمها وكلله اطوف واسكت
اليوم بتاريخ 17-10 طقييتهااا !!!
ليش يابنات ياناس ياامهات ليش الواحد لما بيتكلم يصرخ ويتناجر علشان تسمعونه ؟ّ!! ، كلل اللي سوته اليوم ان تناجرت مع امي ورحت اكلمها توقف معاي صرخت علي وكل ما تكلمت قالت سكتي سكتي ، وتجعمني وانا معصبه
ليش حضرتها تقول امي ماتتحمل أي صراخ أي كلام !!
عدل كلامج عدل ، بس شنو اللي يقهر ان اهيه تصارخ عليها كل يوم !!!!!!!
انا مالازم اصير نفسها واقول كاهي اهي !!! ، بس انا انسانه محتاجه ابدي رايي واقوله ، مو لما اكلم امي تقوم وتقول مالي خلق اتكلم وتمشي عني وانا قاعده اكلمه بهدوء
علشان انا تكلمت رحتوا فردتوا عضلاتكم وقلتوا الصح والصح
شللي قاعد يصير بالدنيا !!!
انا وايد متضايقه تعبت وااايد وايد مليت من هالعيشه انولدت حساسه حييل وماتحمل أي هم ييلي ، يابخته اللي هادي وقلبه بادر ولا يعصب ، توها صايره السالفه ومن كثر الصراخ ماعاد فيني صوت اتكلم فييه !! ،
ودي اتزوج اريحهم مني وارتاااح منهم لاني انا غير عن اهلي معذيني اني انا غير عن اهلي وااايد افكارهم نظرتهم حق الناس غييير
الله يرحمك يا يبه كنت ماترضى يصير شي بينا وان صار ماننام زعلانين
والحين انا بنتك اللي تموت فيها تطق اختها الكبيره ونسب بعض ونغلط بكلااام كبير ماينقال جدام امي
تعبت والله حابسه نفسي بهالدار لا هوى ولا ماي ولا اكل بس منسدحه بالفراش ، وقلت بلهي نفسي بالنت وماحصلت الا هالمنتدى اللي احبه وايد
وانشالله ردودكم تكون سريعه ومشكورين على القرايه
