السلام عليكم بنات
انا مطلقه صارلي سنه و 3 شهوركنت مغصوبه على زواجي هذا عن طريق اخواني وشفت منه أنواع العذاب بس لمن تطلقت امي خذتني وعشنا بشقه بروح بعيد عنهم .. بدش بالموضوع على طول دايما قاعده بالبيت وماكو لا شغله ولا مشغله من البيت لي الجمعيه لي السوق مالي بطلعات وروحات .. من الملل تعرفت على واحد عن طريق الانستقرام و سوالف يوميا حطلي الشمس بيد والقمر بيد على يوم واعدته طلعت معاه واهو متزوج وعنده عيال بس مزيون والله بنات ماشاءالله جماله يخلي الوحده تنثول .. المهم قال لي انا ابيج وماقدر اتزوجج رسمي واحطلج بيت وجذي لاني متزوج وعندي عيال انه قال بيتزوجني زواج عرفي او شكلي جذي يعني .. المهم على يوم كنت متهاوشه مع البيت وضايق خلقي اقوى نوع دقيت عليه مرني جان يقول لي خنتزوج وجذي قتله اوكي رحت معاه بيتهم كان فاضي وانا كنت مطاوعته مادري شفيني وضعي كان زفت حشاكم .. سمعت كلامه وصار الي صار .. وحلفلي انه الي قاعد يصير بينا حلال وهالسوالف وانا صدقته وظلينا على هالحال 3 أيام بس .. بعدين صارتلي ظروف ماقدرت اشوفه بس عللى تواصل معاي .. بعد أسبوع تقريبا كنت رايحه الجمعيه وعلى عبط مريت الصيدليه خذيت تحليل حمل حللت .. ولا حاامل انا انصدمت وقمت ابجي ودقيت عليه قال لي ماعليج انا اييبلج حبوب وتطيحين وهالسوالف انا قلتله ما اطيح تعال املج علي رسمي بعدين طلقني جان يقول لي لا انا عندي عيال شنو نورو نسيتي بلا مشاكل وطيحي سكاتي وانا ابجي اترجاه .. شوي ولا امي تدش سمعت كلامي كله وجان تكلمه تهاوشت وياه .. المهم انه صكرنه الموضوع ورحنا فحصنا فحص الزواج واليوم الصبح تطلع التحاليل ويوم الاثنين املج .. بس المصيبه انه انا وعدته اني اطيحه عقب ما نملج بس انا مابي اطيحه ابيه بس احنا متفقين انه اول ما نملج اروح معاه احط الحبوب واطيح .. انا قنعته عشان افتك من هالمصيبه واخليه يملج علي قبل لا يكبر بطني .. بس متفقه مع امي انه اول مايملج علي ارد البيت عند امي واسحب عليه يبي يطلق كيفه بطقاق والله يعلم اني مابي منه لا فلوس ولا حتى طلبت مهر ولا مؤخر واذا ولدت بأذن الله ماراح اخذ منه ولا فلس حق الولد ولا راح اطلب نفقه ..
ادري سالفتي طويله بس بنات ابي اعرف شنو رايكم وعفيا بلا تجريح الي فيني كافيني وكل انسان يغلط وانا بصلح غلطتي .. <ملاحظه : انا رفضت اطيح لانه فيني انيميا فقر دم وجسمي ضعيف مايتحمل>
ادري سالفتي طويله بس بنات ابي اعرف شنو رايكم وعفيا بلا تجريح الي فيني كافيني وكل انسان يغلط وانا بصلح غلطتي .. <ملاحظه : انا رفضت اطيح لانه فيني انيميا فقر دم وجسمي ضعيف مايتحمل>
