عمليات السمنه يا بنات استفسار

[moony77]

السلام عليكم اشلونكم يا بنات

عندي استفسار بالنسبة لرفيجتي سوت تدبيس في مصر شهر 7 اللي طاف وكان وزنها 97 تقريبا ونزلت 11 كيلو بس وثبت وزنها على 86 مادري ليش وحدها مضايقه وتفكر انها ترجع تسويها مره ثانيه لان احتمال يكون مسويلها الدكتور معدتها مو صغيره نفس الباجي وهاذي العملية همن صارت اقدم من التكميم محد يسويها اهنيه الحين تبي نصيحتكم اهي مفكره تروح حق دكتور محمد العجمي وايد امدحوه لها
هل فعلا تضييق المعده يختلف من شخص الى شخص يعني هي بس نزلت 11 كيلو وقف واهي ودها يصير وزنها 70 لان اهي طولها 165 وحاليا اهي مربربة شوي بس اهي تبي تصير عصله يا ليت تفيدونا يا اهل الخبره وخصوصا اللي سوت العملية مرتين

 

[الصواني]

رد : عمليات السمنه يا بنات استفسار

موفقه

 

[moony77]

رد: رد : عمليات السمنه يا بنات استفسار

مشكورة على الرفع

 

[miss-one]

رد: رد : عمليات السمنه يا بنات استفسار

معقوله ما نزل الوزن

في عدة حلول

اول شي تسوي اشعه ملونه تشوف حجم المعدة

او تجيك علي الغدة

وشنو طبيعه الاكل ردت تاكل طبيعي مثل قبل



انا مسويه العملية بعدها ووزني مثل وزنها تقريبا ونزلت مشالله اكثر


في غلط بالموضوع لازم تعرفه

 

[fato_kw]

رد: رد : عمليات السمنه يا بنات استفسار

حبيبتي التدبيس اهو التكميم الاختلاف اختلاف الاسم بس

خليها تراجع الطبيب يسويلها منظار معده

لان فيحالات يكون فيها خطا طبي بحيث انه ما يخصر المعده بالطريقة الصحيحه فبهالحاله ما ينزل الوزن بكميات كبيره

وفي حالات تكون سبب انها مانزلت سبب نفسي مو عضوي
وفي حالات تكون الدكتور نفسه متلاعب بالعمليه

وفي حالات حسب نظامها الغذائي اللي اتبعته بعد العمليه

انا اقول والافضل تسوي هالشي تروح الطبيب يسوي لها منظار واشعه ملونه ويشوف الخلل وين ويساعدها بالحل


وفي دكاتره وااايد تماااااام

هيثم الخياط , جابر الشمري , فهد الاصفر , سلطان التمياط ....>>> هذيل اللي جربناهم وشفت بعيني عمليات ابوي واختي وبنت عمتي وبنات عمي يعني اوكي تمااام التمام

وفي اللي سمعت عنهم كل خير مثل العنزي والسميط والشرهان

خليها تتوكل على الله وسهالات ياارب