عمليات الليزك

[BlackRose]

اشلونكم بنات

حبيت اسألكم كعن عمليات الليزك مالت العين

جان زين اذا في بنات مسوينها حق عيونهم انهما يفيدونا

وين سووها؟؟؟؟

عند اي دكتور؟؟؟؟

جم كلفت؟؟؟؟

ومن متى؟؟؟؟

واذا في اي مضاعفات؟؟


تعور العملية؟؟؟؟

واشكثر مدتها؟؟؟

لان بصراحة خاطري حيل اسويها وافتك من العدسات والنظارة

فهالله هالله بنات بخبرتكم ولا تبخلون علي

 

[baskotah]

مشاركة: عمليات الليزك

انا بعد ، العدسات تعبت عيني
يمدحون الدكتور السبتي .

 

[إشراق]

مشاركة: عمليات الليزك

انا سويتها عند بهبهاني ب480
و الحمد لله نجحت بس الحمد لله ما مت من الخرعة
بصراحة انا خوافة حيل و العملية رعبببببببببب
مادري انا ابالغ و الا لأ
بس انا خفت من الأصوات و الريحة و ووووو....

الحمد لله صار لي سنة كل شي تمام
بس اختي سوت عنده وبعد شهر تراجع عندها النظر
!!!!!!!!!!!!!!!!!!!!!

 

[أغلى حبيبه]

مشاركة: عمليات الليزك

انا سويتها صارلي 3 سنوات

عند الدكتور محسن أبل

وكلفتني 500

والفحص 50

ومده العمليه ربع ساعه

والحمدالله لاتعور ولا شي

وافتكيت من العدسات


واي سؤااال حاضره

 

[bambena]

مشاركة: عمليات الليزك

انا رفيجاتي بالدوام مسوينها توهم عند عبدالمحسن ابل مسوي عرض التكلفه كامله 400 دك وكلهم ماشالله داوموا بعد جم يوم ومافيهم الا العافيه

 

[كتكوت مشيب]

مشاركة: عمليات الليزك

انا رفيجاتي بالدوام مسوينها توهم عند عبدالمحسن ابل مسوي عرض التكلفه كامله 400 دك وكلهم ماشالله داوموا بعد جم يوم ومافيهم الا العافيه

لو سمحتى وين عياده محسن ابل وكم التكلفه واذا تبى فحوصات قبل ما تسوينها وكم يوم لازم اقعد فى البيت وما اطلع منه

 

[BlackRose]

مشاركة: عمليات الليزك

المملوحة خرعتيني

ليش تراجع عندها النظر؟؟؟؟؟

عاد انا كان خاطري اسويها عنده

أغلى حبيبة ماتعورتي اثناء العملية؟؟؟؟

وجم يوم لازم تقعدين بالظلمة؟؟؟؟

 

[حبيبته آنا]

مشاركة: عمليات الليزك

خواتي وحريم اخواني مسوينها عند الدكتور عبدالله المنصور ماشالله كلهم مرتاحين ولا مضاعفات ولا شي

 

[أغلى حبيبه]

مشاركة: عمليات الليزك

لاوالله العمليه كلش ماتعور لانه العين مبنجه

مو ابره لا قطره بس قبل العمليه بربع ساعه


وعلى طول من خلصت طلعني بره العياده قالي شوفي

يعني ماله داعي تقعدين بالضلمه لانها ليزك مو ليزر


وعياده كانت بالبدع الحين راح بنيدالغار بس مادري وين بالضبط