عملية التكميم عند د. هيثم الخياط

[الشوخ]

مرحبا بنات​

حبيت اشاركم بتجربتي بعملية التكميم​

مع الدكتور الاكثر من خلوق ورائع​

دكتور/هيثم الخياط

ببلش لكم قصتي من البداية انا كنت حاطة حلقة لمدة خمس سنوات ومسويتها بالخبر ولما رجعت

الكويت وكنت اراجع عند د.هيثم بدار الشفاء اذا بغيت اضوقها او اوسعا بس للامانه ما استفدت منها

ذالك الزود :eh_s(22): لانه وقت ما ابي افتحها كنت اروح اوسعها وتيميت فترة علي هالحاله:eh_s(14):​

وعقبها قررت اشيل الحلقة واسوي التكميم​

ما اجذب عليكم كنت حيل خايفة :eh_s(16): ورحت براجع د.هيثم الخياط وانصدمت انه طلع من دار

الشفاء ضاق خلقي وقعدت اسال عنه لين عرفت انه انتقل حق عيادتة الخارجية

في مستشفي المواساة​

ما اتخيلون بنات اشكثر اهو مريح واتحسين فية دين مو من الدكاترة المادين ويقعد معاج ويعطيج​

كل الوقت الي تبينه ويشرح لج المخاطر كلها وينصحج بالرجيم والرياضة قبل العملية المهم​

دخلت له وقلت له ابي اشيل الحلقة واسوي تكيمي هو قالي تبين اتشيلينها ماعندي مشكلة بس تكميم​

حرام ما انصحج فية وانا عن نفسي ما راح اسويلج وطردني :eh_s(11):​

رديت البيت وحدي متضايقة انا حيل اثق فية وابيه اهو يسوي لي اياها وعقب شهر رجعت له مرة​

ثانية وقعدت احن علية طفرته قالي تبين اشيل الحلقة وعقب انشوف ما عندي مانع وانا وافقت علي

طول :ggdw:​

ما صدقت علي الله​

ولما سالته عن التكاليف قالي بسويها لج بالحكومة :eh_s(9)::eh_s(9)::eh_s(9)::eh_s(9):​

الله يجزاه الخير ما قصر مع اني ما احب الحكومة بس كنت مرتاحة اني معاه ورحت وشلت الحلقة​

وكان عوارها رهيب فوق ما اتخيلون :eh_s(2): قعدت شهر وانه تعبانه​

وبعد ما شلت الحلقة بشهرين بس زاد وزني 25 كيلو انصدمت لا اتشوفون شكلي اشلون صار​

صار وزني 105​

وانه طولي 170​

خذيت موعد عندة ولما دخلت علية انصدم من شكلي من غير ما يعرف جم زدت بهالشهرين _03BA:​

فشلة قالي ليش انتفختي جذية حرام عليج مت من الاحراج وانصدم اكثر مع الميزان وقعد معاي​

وشرح لي عن التكميم بالتفصيل​

وقالي انها خطرة واحتمالات الجلطة فيها والتسريب وكل شي​

بس ماكوا فايدة كنت مصرة علية​

والاهم من كل هذا بسويها لي بالحكومة بعد​

انه كنت عاملة احسابي علي 3000​

بسويها بمستشفي السيف​

بس الحمدالله قالي بسويها بالحكومه​

خذيت الموعد منه و كان تاريخ​

30/3/1213​

وزهبت جنطتي حق الطبيب وانه خايفة وبين اي ولا وتوكات علي ربي​

وكلمته الدكتور بخصوص الاغراض​

وقالي هو راح يخلي شركة الادوات تتصل فيني وبالفعل اتصلوا فيني شركتين وحدة مالت الاجهزة​

وطلب مني 630 وشركة الثانية مالت الحماية خذوا مني 420 يعني مجمو الاغراض 1050 دينار​

صار موعدالعملية دخلت عندهم علي الساعة 7 بليل الجناح سولي تحليل دم شامل عقب جاء دكتور​

البنج وكشف علي والحمدالله كل شي تمام بس ما اتخيلون اشلون هاليله مرة علي كل ما نمت نطيت​

قمت اتحلم من الخوف واقول جني خقيت ما ابي واتعوذ من ابليس لين صارة الساعة 6 ونص​

الصبح جاني دكتوري العجيب ضحك وتغشمر وقالي ناطرج تحت نزلت مع السسترات وانا فيني​

نفضه من الخوف ولا اتشوفون اشلون اترجي دكتور البنج وعقب دكتوري واهي كلها ثواني وما​

وعيت الا انا بالجناح والسستر تقولي خلاص عملية زين وبنات ما توقعت السسترات بكونون جذية زينين واحليوين مع انه الاغلبية مايمدحون الحكومة :bbbiu: وعقبها مرني الدكتور وتطمن علي بس​

انه كنت خايفة حاطين لي جهاز القلب وكمام التنفس ولما سالت السستر قالت عادي عشان جيك اب​

لااتخافين وللامانه ماحسيت باي عوار غير بالجرح​

الي بالسرة والبربيش الي علي جنب كان مضايقني بس ما فية عوار ولما صار اليل مشتني​

السستر بالممر وكان وضعي زين لله الحمد​

وثاني يوم جاني الدكتور وقالي بشيل البربيش شكلة كان يخوف :080402ask_prv:​

واسحبة واهو يسولف ويتغشمر عشان ما انتبه للعوار بس كان فية اشوي عوار بس الخوف اكثر ههههههههه​

والحمدالله ما خيطة حطلي لزقة وبس​

وقالي اذا اموري طيبة راح يطلعني بكرة بديت اشرب ماي بالغطاء مال الماي وعصير تفاح بنفس​

الطريقة واليوم الثالث جاني الدكتور وطلعني :eh_s(9):​

وقبل ما اطلع جتني دكتورة التغذية وعطتني ارشاداة​

ود.هيثم كتب لي ورقة فيها فيتامين وبروتين خذيتهم من المارينا​

ومشيت علي عصاير الخفيفة + روب الفواكة​

اليوم صار لي اسبوعين من بعد العملية​

صار وزني فيها 96

نازلة 9 كيلوا

وحدي مستانس​

والعملية كلها كانت سهل ما تخيلتها جذية​

ودكتور هيثم الخياط ماشاءالله عليةايده خفيف​

وشاطر والاهم نفسيته الحلوة

وكان متابعني خلال الاسبوعين بالواتس اب

واي سوال اساله يتصل علي

نصيحه عن تجربة الي تبي اتسوي تكميم​

لا اتفكر بغير دكتور هيثم الخياط​

مع خالص تحياتي لكم

واعذروني هذي اول مشاركة لي​

 

[الشوخ]

اشدعوة بنات كل الي مروا
ما كتبتوا شي
​

 

[ناتشوو]

الله يقومج
بالسلامة
اعرف ثلاث سووها عنده
لما كان بدار الشفا
وفعلا يمدحونه
وانطباعهم جيد عنه
الله يوفقه
ويجزاهرخير

 

[الشوخ]

مشكورة حبيبتي
والله يسلمج​

 

[اميره بكلمتي]

الحمد الله ع السلامه