عملية الجفون العلويه

[غروري اني كويتيه]

الحمداللللللللله على سلامتج
وانشالله تشيلين الغرز ويروح الورم وتصيرين احلى واحلى
وناطرين التفاصيل :*

 

[Moon~Light]

رد : عملية الجفون العلويه

انشاااااااللله يخف الورم بسرعه وتفرحييين بالنتيجة .. وااااي من صجج بتج موضعي من غير مهدئ انا اول ما دشيت عطوني ابرة مهدئ مع اني بنج عام غريبه والله .. حتى انا عيني اليمين منتفخه اكثر من اليسار بس وايد احسن من قبل ومكان الجرح صاير لونه وردي ومنتفخ شويه بعد بس بشكل عام وااااااايد العملية مغيره شكلي للاحسن وخواتي شايشيييين ودهم يسوونها مع انه مافيهم وايد نفسي .. احسن عيوني اليمين اصغر شويه من اليسار والدكتور يقول لانه عين تفش اسرع من الثانيه .. عندي موعد يوم الاربعا الياي بشوف شيقول وشيصير .. ناطرييين تفاصيلج على احر من الجمر

 

[ذبحني صمتي]

يااقلبي انتي الف الحمدالله ع سبلاااااااااااااااااااامتج ..

ويارب تطلع النتيجه ع ماتبين واحسسسن ..

ريحي عمررج ولاتشبكين وااجد اتحقه علينا ...

<< تحااتيج اهئ

 

[Q8yatمحدمثلنا]

:eh_s(17)::eh_s(17)::eh_s(17):لولولولولولولولولولولوش:eh_s(17)::eh_s(17)::eh_s(17):

غزال والشر زال ان شاء الله(سوالف عجايز):krkrkr:

الف الف الف مليون تريليون حمدالله على السلامه يادايموند...ياعيني عينج...

 

[Fatima]

حمد الله على السلامة وبشرينا بالنتايج وشلون الدكتور معاج واستشارته بجم يعني يقول الصج والا مادي

 

[diamonda]

الحمداللللللللله على سلامتج
وانشالله تشيلين الغرز ويروح الورم وتصيرين احلى واحلى
وناطرين التفاصيل :*

حياااتي غروري الله يسلمج حبيبتي
تسلمين عالدعوه الحلوه فديتج:eh_s(7):

 

[diamonda]

رد: رد : عملية الجفون العلويه

انشاااااااللله يخف الورم بسرعه وتفرحييين بالنتيجة .. وااااي من صجج بتج موضعي من غير مهدئ انا اول ما دشيت عطوني ابرة مهدئ مع اني بنج عام غريبه والله .. حتى انا عيني اليمين منتفخه اكثر من اليسار بس وايد احسن من قبل ومكان الجرح صاير لونه وردي ومنتفخ شويه بعد بس بشكل عام وااااااايد العملية مغيره شكلي للاحسن وخواتي شايشيييين ودهم يسوونها مع انه مافيهم وايد نفسي .. احسن عيوني اليمين اصغر شويه من اليسار والدكتور يقول لانه عين تفش اسرع من الثانيه .. عندي موعد يوم الاربعا الياي بشوف شيقول وشيصير .. ناطرييين تفاصيلج على احر من الجمر

حبيبتي مون ان شالله تستانسين بالنتيجه اكثر لما يروح الورم بالمره ويخف الاثر
اي والله تصدقين ما عطوني ابره مهدئه ولا حتى ياني دكتور البنج حتى لو بنج عام لازم اييني يسألني قبل العمليه!!!! صراحه كلش مو شي كانوا بالمررررررررررررررره وتحسفت سويتها هناك بس يالله يوم وعدى الحمدلله
بيني وبينج اهيا العمليه تغير العين وايد وللاحلى وعلى قولتج انا متحسفه اني ما سويتها من زمان بس يالله خيره
وتفاصيلي الحين بكتبها لكم :eh_s(7):

 

[diamonda]

يااقلبي انتي الف الحمدالله ع سبلاااااااااااااااااااامتج ..

ويارب تطلع النتيجه ع ماتبين واحسسسن ..

ريحي عمررج ولاتشبكين وااجد اتحقه علينا ...

<< تحااتيج اهئ

هلا وغلااااااااااا
الله يسلمج ياقلبي تسلميييييين عالدعوه الحلوه فديتج
اي ريحت عمري وتدلعت لما قلت بس لوووول.. يسوولي الاكل وييبولي ويحطولي حدي متدلعه ما ودي اقوم هخخخخ:eh_s(22):
فديت اللي تحاتيني والله

----> ملاحظه خقج: قلت حق الدكتور ابي صورتي اللي صورتها لي بيوم العمليه لان في ناس مطالبيني صور قبل وبعد.. والله العظيم ان انتي اللي ابالي صرتي بهالوقت وبصراحه نسيت اصور عيوني من الواهي والله وكنت متوتره فا طلبت من الدكتور الصوره وقالي بالموعد الياي راح اييب الكاميرا :eh_s(22):

تابعيني ياقلبي بكتب التفاصيل:eh_s(17):

 

[diamonda]

:eh_s(17)::eh_s(17)::eh_s(17):لولولولولولولولولولولوش:eh_s(17)::eh_s(17)::eh_s(17):

غزال والشر زال ان شاء الله(سوالف عجايز):krkrkr:

الف الف الف مليون تريليون حمدالله على السلامه يادايموند...ياعيني عينج...

احرجتينـــــــــــــــــــــــي اوووومبيه:eh_s(22):
فديييييييييييييتج كروز
ياحلوج ويا حلو سوالفج:eh_s(17):
بعد عمري الله يسلمج

وانا وايد وااااااايد مستانسه لانكم فرحانين عشاني وتدعولي ومتابعين من الاول فديتكم :eh_s(17):

لا تباعدون بكتب لكم تفاصيل العمليه

 

[diamonda]

حمد الله على السلامة وبشرينا بالنتايج وشلون الدكتور معاج واستشارته بجم يعني يقول الصج والا مادي

الله يسلمج حبيبتي ان شالله الحين بكتب لكم كل التفاصيل اللي تحتاجون تعرفونها
استشارته مع فتح الملف 25
وحيل متعاون مع مرضاه ويخليج تسألين كثر ما ودج واهوا يقولج اذا عندج اي اسئئله اي شي بتعرفينه قولي . ويشرح لج كل شي.. انا طلعت روحه بالاسئله كل ما اروحله ما اخلي شي بخاطري.. وللامانه اللي راح اتحاسب عليها.. الدكتور كلش كلش مو مادي.. ولو شي ما تحتاجينه او مو مقتنع فيه ما يسويه وهالشي قاله لي .. ويقولج الصج شنو راح يصير وشنو يصلح لج وشنو الاحسن من وجهة نظره كــ دكتور
وغير كل هذا والاهم ان شااااطر بشغله وفااااهم لان تخصصه تجميل عيون وكان يسوي عمليات بره مو اهني
وحتى العوارض اللي بتصير فيني بالضبط مثل ما قالي قبل العمليه .. وللحين يقولي بيصير جذي لا تخافين .. وبتشوفين جذي
وكلامه يصير بالمللي

تابعيني حبيبتي اذا ودج تعرفين تفاصيل العمليه:eh_s(7):

Note :حياتي مو جنه انتي اللي مره كتبتي انج رحتي حق دكتور كانوا مادحينه بالمنتدى نسيت اسمه وسويتي فلرز حق عيونج؟؟؟ جني مشبهه على نكح.. اذا انتي ترى انا بعد كنت بطق ابر عشان جفوني لان مستبعده العمليه.. بس ما سويتها لان مابي شي وقتي ومادري اشلون بيصير شكله !!

 

[diamonda]

الحين بكتب لكم تفاصيل العمليه وبعد العمليه ليما اليوم:

بعيد بعض التفاصيل حق اللي يقرون توهم

كنت ادور صارلي اكثر من سنه على شي يحل لي مشكلة جفوني عندي يلد مترهل شوي + دهون زايده+ فتحة عيوني اليمين اصغر
رسيت على الدكتور عادل البلوشي
فتح الملف+ استشاره 25
حددت موعد عمليتي تاريخ 6-3-2011 يوم الاحد الساعه 6 بمستشفى الهادي
المستشفى اخذ 188 دينار
والعمليه شغل الدكتور 600 دينار للجفن العلوي بس شامله التحاليل
سويت التحاليل قبلها بيوم بنفس عمارة العياده الدور الرابع اسمها جلوبال للتحاليل

بيوم العمليه:
رحت المستشفى قبلها بساعه سويت اجراءات الدخول ..دفعت حسابي ورحت الغرفه
انا كنت مسويه عملية خشمي عندهم وكان السيرفس والغرفه زينين
بس هالمره لا السيرفس زين ولا الغرفه!! الغرفه قرقووووور وكلش مو شي وتكرمون الحمام ما يتسكر الباب وغصب تمشين بالغرفه
مو مشكله انا قلت بسويها وماني نايمه اذا جذي شغل المستشفى

خذوا وزني وضغطي والسستر اسألتني عالسريع
وماياني دكتور البنج ولا عطوني ابره مهدئه!! مع ان بنج موضعي يعني احتاج اكثر من اللي يسوون بنج عام!!!
وغير جذي الدكتور ياي امبجر وسأل عني قالولي لا ما يت قالي انا قلت هونتي!! قلتله انا يايه من الساعه 5 !!

المهم..تفاصيل التوتر والضغط اللي مريت فيهم ماني كاتبتها مابي اخرعكم لان العمليه تسوي ان الواحد يسويها وينسى التعب
دخلوني غرفة العمليات تقريبا 6 الا عشر الدكتور كلمني وقالي كل شي بيسويه وعاد لي شنو محتاجه وشنو بيعدل
وانا بعد ما قصرت فيه كل شوي اوصيه هخخخخ
خذى صوره حق عيوني ووراني اللي محتاجته وقالي قبل كل شي اسويه راح اقولج لا تخافين
صراحه الدكتور كان وايد طيب ومتعاون وباله حيييييييييييييييييييييييييييييييييييييييل طويل .. شهادتي مجروحه بهالدكتور والله شاهد علي

للامانه لما العمليه ابرة البنج عورتني صراحه
واول شي قالي ببلش بفتحة العين اليمين اللي فيها اختلاف عن اليسار 2 مللي فا اليسار ما طقها بنج عشان لا يروح
والشغل اكثر شي طول بعيوني اليمين .. طول فيها ساعه او ساعه وشوي بعد
وكنت ببنج موضعي فا قبل كل شي يسويه يقولي..
والدكتور احتاجني بالعمليه ( ما اشتغل وياه بالعمليه لول لالا ) احتاج ان افتح عيوني عشان يقارن
وهم مره قمت قعدت وفتحت عيوني عشان يقيس ويقارن
تعبت بالعمليه شوي صراحه بس ما حسيت بعوار
خلص فتحة عيوني بلش بجفوني .. ما طولت وايد تقريبانص ساعه او ساعه الا ربع تقريبا

طول العمليه وانا ايدي ترجف وخايفه حدي بس الدكتور طول العمليه يسولف وياي ياحليله
وهم يطمني
خلصت العمليه مدتها ساعه ونص او شوي اكثر
وقالي اي شي تشوفينه او اذا في اي شي دقي انا المسئول عن العمليه وعن كل الشغل

تابعوني ما خلصت

 

[diamonda]

كنت ناويه انام بهاليوم بس لما شفت المستشفى والغرفه والسيرفس هونت
بس كملت الدريب تقريبا ساعه وطلعت
الدكتور بالعمليه قالي ان نظارات الجل تلقينها بالصيدليه او بودي شوب عشان اسويها كمادات
وصج طلعت من المستشفى اختي مرت الصيدليه خذتهم لي وحطتهم بالفريزر
ومن نفس اليوم سويت كمادات
حسيت شوي بألم بنفس يوم العمليه
بس مقدور عليه ما احتجت اخذ مسكن ولا شي
الدكتور اول ما خلص من العمليه راح حق اهلي عطاهم الادويه وعلمهم اشلون اخذهم
وطبعا الادويه فري من الدكتور
مرهمين واحد داخل العين عشان الجفاف وواحد عالجفن بمكان الخياط
وانبولات دموع صناعيه هم عشان الجفاف
لان بعد العمليه العين ما تتسكر عدل عشان ما يصير جفاف عطاني القطرات والمرهم

طبعا بعد العمليه العين تورم بس انا من نفس اليوم ورمت.. اصلا من العمليه الدكتور يقولي عيونج ورمت!!
طبعا كل جسم تختلف طبيعته عن الثاني
ثاني يوم ما حسيت بأي ألم الحمدلله .. بس ما اقدر ابطل عيوني اغلب الوقت مسكرتها .. لي 3 ايام وبعدها قدرت ابطلها بس وارمه وصارت فيها الوان بس مو وايد.. اهلي قالولي كنا متوقعين اكثر

بعد العمليه بنفس اليوم العياده طرشولي مسج الحمدلله عالسلامه
طبعا التمت باالمراهم والقطره 3 مرات باليوم من جذي عيوني كانت تضبب ولان وارمه فا ما اقدر ابطلها عدل يادوب شوي
وبلشت كمادات من نفس اليوم
وكنت ناقعه مره مع ماي ورد حاطتهم بغرشة اسنيكول فاضيه وحطيتها بالثلاجه

ومسويه مره مع ماي فلتر عشان اخلطها مع حليب بارد واشربها

سويت كمادات وطريقتي:
اييب قطنتين مدورين

احط فيهم منقوع المره اللي مسويته
وفوقه احط نظارة الكمادات

تلقونها بالصيدليه سعرها تقريبا 3 وشوي

او من بودي شوب

والطريقه الثانيه احط قطنتين مع مره على عيوني الثنتين
وفوقهم احط فوطه بيضه صغيره داخلها ثلجتين واحطهم على عيوني تكون ابرد واحسن

واحط منقوع جاي اخضر
وطريقتي سخنت الماي وحطيت عليه جاي اخضر ليبتون

وعبيتها بعلبة تونيك فاضيه وحطيتها الثلاجه
واستعملها بنفس طريقة المره

والحمدلله الكدمات وااااااااايد خفت يادوب شي خفيف حيل
والورم الحمدلله خف وايد بس طبعا للحين

اليوم كان موعدي بعد العمليه بأسبوع عشان يفج الغرز.. حطلي كريم عشان تتخدر المنطقه
ونطرت ربع ساعه بعدين فج الغرز يادوب تحسين فيه شوي بس وايد بسيط

كشف على نظري وقاس عيوني بالمسطره
وقالي النتيجه حلوه فتحة عيوني متساويه
وحتى الجفن من الحييييييييين اشوف النتيجه وااااااااااااااااااايد وايد وايد حلوه ماكو يلد مترهل ولا دهون والجفن حيل طبيعي الحمدلله مستانسه وااااااااااااااااااااايد مع ان عيوني للحين وارمه وما اقدر ابطلها عدل
عطاني موعد بعد 3 اسابيع تاريخ 3-4 جنه!!
وهم قالي اي سؤال بخاطرج قوليلي
وسألته عن مكان الجرح قالي راح يكون نفس الشي بعد ما يروح الورم
وعلى فكره بنات ترى مكان الغرز اهوا الي بيكون مكان طية العين او الخط اليديد
والحين شكله وردي بعد ما شال الغرز
وسألته عن اليلد قالي للحين وارم كله بيصير اوكي بعد الورم
تقريبا 3 اسابيع الى شهر
وكان اهوا بعد مو مرتاح من الهادي على فكره بنات
اللي تبي ارخص تروح الهادي
واللي تبي الاحسن لا تروح له نصيحه لان حتى الدكتور لما قلتله ماكنت مرتاحه هناك وما عطوني ابره مهدئه قالي انا بعد كلش ما كنت مرتاح هناك
والخيار لكم بالنهايه
وللامانه وبكل امانه اقولكم الدكتور وايد وايد شاطر ومتعاون ومحترم لأقصى حد ويرد على كل الاسئله بشرح وافي
وسعر العمليه يسوى صراحه على الشغل اللي سواه والنتيجه اللي اشوفها من الحين

واخر شي اقوله لكم طبعا الحين ما اقدر احط الصور لان عيوني وارمه
ان شالله لما يروح الورم احطلكم الصور قبل وبعد
وصيت الدكتور اخذ منه الصور اللي صورها حق عيوني بيوم العمليه الزياره اليايه باخذهم منه

اي سؤال تبونه او اي شي بتعرفونه لا تترددون

 

[Q8yatمحدمثلنا]

ماشاء الله ....الله يتمم عليج بصحه وعافيه ...بس فيه شغله مافهمتها..:eh_s(10):


انتي تقولين اول شي بلش الدكتور بفتحة العين بعدين الجفن!!! شدخل العين بالعمليه؟؟ وانتي اساسا" عمليتج ازالة الدهون والترهل من الجفن؟؟؟:eh_s(10):

واذا ممكن طرشيلي رقم الدكتور ع الخاص فديت عويناتج:wqedqw:

 

[diamonda]

ماشاء الله ....الله يتمم عليج بصحه وعافيه ...بس فيه شغله مافهمتها..:eh_s(10):


انتي تقولين اول شي بلش الدكتور بفتحة العين بعدين الجفن!!! شدخل العين بالعمليه؟؟ وانتي اساسا" عمليتج ازالة الدهون والترهل من الجفن؟؟؟:eh_s(10):

واذا ممكن طرشيلي رقم الدكتور ع الخاص فديت عويناتج:wqedqw:

الله يعافيج ويسلمج قلبي
انا اقولج
من اول ما رحت له استشاره لو تلاحظين قلتلكم ان لما كشف على عيوني قالي فتحة عيونج اليمين غير اليسار وهالشي يخليني اكره الصور على فكره ما احب اصور
بس مادري ان في عمليه تقدر تضبطها فا كنت رايحه عشان الجفن بس
ولما قالي جذي قلتله اشلون تقدر تضبط الفتحه
فتحه عيوني يعني اشلون اشرحلج ممممم
شفتي الجفن اللي فوق مكان الرموش اللي فوق؟؟ اهني كان الشغل
لان عيوني اليمين كانت شوي نازله
ما اقصد الجفن لا غير الجفن
ان شالله فهمتيني.. نفس باريس هلتون عيونها مو متساوين
انا كانت عندي اليمين مو نفس اليسار فا ضبطلي اليمين لان اهيا اللي نازله
ولما خلص سوالي جفوني الثنين والترهل والدهون
يعني 2 في 1 هخخخخخخ :eh_s(7):

 

[diamonda]

انا جذي قصدي
تقريبا عيوني كانت جذي نازله ( الدكتور يسميه الجفن بس انا عشان اشرحه لكم اقولكم فتحة عيوني ومن ضمن تجميل العين والجفن يدخل) + الجفن يعني مسوين شغلتين بالعمليه مو بس الجفن المترهل

وانا عيوني شوي كبيره فا كانت تبين
بس يمكن اللي بالصوره اكثر انا الفرق عن الثانيه 2 مللي
وماكنت مصدقه ان بيوم من الايام راح يصيرون نفس الشي حدي مستاااااااااااااااااااااااااااااااانسه بنات
وماكان ابالي اسوي هالشي كنت ابي بس جفوني اعدلهم والحمدلله كانت التأخيره خيره لي

 

[Moon~Light]

الف الف الف الف الف مبروووووووووووووووووووووووووك والحمدلله عالسلااااااااااااااااااااااااااااااااااامة والله فرحتلج من قلب الله يتمم عليييييييييج يااااااااااااااارب ويطيييييييب الجرح بسرعهههههه ... انا يوم الاربعا الياي يصيرلي ٣ اسابيع وحدي حدي مستانسه من شغل الدكتوووور ماشالله عليه الله يوفقه انشاااااااااالله وييين ما راااااااااااح صج فنااااااان وعارف شغله عدل ... رحت حق الدكتور اللي نصحني فيه برويال حق خشمي والصرااااحه ارتحتله وااااااايد يمكن بعد شهر اسويه عنده انشااااالله .. حتى انا سألني بعد العمليه شلون مركز الزهير .. قلتله ما اذوني ارتحت لهم .. قالي انا بعد ارتحت لهم كنت اشتغل بروحي هدووووووء ماخذ راحتي بس جريب اخلص شوي صار لويه ..لا التخديييير عندهم وايد وايد احسن من الهادي على كلامج .. اول ما دشيت عطوني ابره مهدء معني بنج عام ودكتور التخدير يه قبل العمليه سلم وطمني وعطاني ابره مع الدرب وغبت عن الدنيا بعدها .. يعني وايد ارحم من الهادي حيل كانو حبوبين معاي .. بس طبعا خذوا اكثر من الهادي مني .. بشرينه عنج اول باول حبيبتي عاد لا تقاطعييييين .. انا عندي موعد الاربعا الياي لاني قلتله ابي مرهم يروح اثر الخياط قالي ماقدر اعطيج الحين لاني مادري كل جسم شلون يتصرف مع الجرح والكريمات عشان جذي عطاني موعد بعد اسبوعين مو شهر .. اشوف شنو يصير معاي واوافيكم باخر المستجدااات انشالله

 

[diamonda]

الف الف الف الف الف مبروووووووووووووووووووووووووك والحمدلله عالسلااااااااااااااااااااااااااااااااااامة والله فرحتلج من قلب الله يتمم عليييييييييج يااااااااااااااارب ويطيييييييب الجرح بسرعهههههه ... انا يوم الاربعا الياي يصيرلي ٣ اسابيع وحدي حدي مستانسه من شغل الدكتوووور ماشالله عليه الله يوفقه انشاااااااااالله وييين ما راااااااااااح صج فنااااااان وعارف شغله عدل ... رحت حق الدكتور اللي نصحني فيه برويال حق خشمي والصرااااحه ارتحتله وااااااايد يمكن بعد شهر اسويه عنده انشااااالله .. حتى انا سألني بعد العمليه شلون مركز الزهير .. قلتله ما اذوني ارتحت لهم .. قالي انا بعد ارتحت لهم كنت اشتغل بروحي هدووووووء ماخذ راحتي بس جريب اخلص شوي صار لويه ..لا التخديييير عندهم وايد وايد احسن من الهادي على كلامج .. اول ما دشيت عطوني ابره مهدء معني بنج عام ودكتور التخدير يه قبل العمليه سلم وطمني وعطاني ابره مع الدرب وغبت عن الدنيا بعدها .. يعني وايد ارحم من الهادي حيل كانو حبوبين معاي .. بس طبعا خذوا اكثر من الهادي مني .. بشرينه عنج اول باول حبيبتي عاد لا تقاطعييييين .. انا عندي موعد الاربعا الياي لاني قلتله ابي مرهم يروح اثر الخياط قالي ماقدر اعطيج الحين لاني مادري كل جسم شلون يتصرف مع الجرح والكريمات عشان جذي عطاني موعد بعد اسبوعين مو شهر .. اشوف شنو يصير معاي واوافيكم باخر المستجدااات انشالله

بعد قلبي مون فدييييييييييتج يبارك فيج ويسلمج حبيبتي
والله انا بعد فرحت لج لان ماشالله عمليتج امبين الفرق واضح
بصراحه حتى انا مستانسه حيييييييييل مع ان عيوني وارمه للحين وما اقدر ابطلها عدل بس قادره اشوف نتيجة الجفن حده وناسه وصح كلامج الدكتور وايد شاطر وفنااااااااااااااان وايده خفيفه وشغله دقيق حيل
والله يمدحون مركز الزهير بكل شي حتى ستاف الدكاتره.. بس الهادي لا انا ولا الدكتور ارتحنا فيه الله يسامحهم.. اخر مره اتعامل معاهم..
انتي عطاج موعد بعد اسبوعين صح مون؟؟
انا عطاني بعد 3 اسابيع قال على ما يروح الورم واقدر اشوف الفرق
وقلتله عن المرهم اللي حق الجرح خلص فا كتبه لي مره ثانيه وشريته استعمله 3 مرات باليوم
والمرهم اللي داخل عيوني صار بس مره وحده وقت النوم ..صراحه وايد ارحم لان يصبب عيوني الحين اقدر اشوف عدل شوي عالاقل

ولا تنسين المره داولي عليها للحين ونظفي عيونج بماء ورد ولا تضغطين عليها حيل..
انا سألته متى اقدر احط ميك اب عشان اخش الجرح قالي بعد اسبوع تقدرين بس لما تشيلينه نظفيه عدل ..خصوصا مكان الخياط ييبي قطن اذون ونظفي المكان عشان لا يتراكم فيه

اكيد قلبي راح اقولكم كل المستجدات اول بأول وانتي بعد حياتي :eh_s(17):

 

[سهم وردي]

حمد الله عالسلامه الله يتمم عليكم يا رب ويروح اثر الخياط
انا عندي سؤال ؟؟؟؟ جم يوم يعطي مرضي

 

[سهم وردي]

دايموندا ترا انا اللي نصحتج وقلت لج روحي عند دكتور عيون تحصص دقيق تجميل عيون وعطاتج السايت اللي فيه الدكاترة وتخاصصاتهم بس حبيت اذكرج فيني

 

[غروري اني كويتيه]

الحمدالله انج راضيه عن النتيجه
بس بسالج لو أخذ طبيه أسبوع كافي عشان يروح الورم
ويصير شكلي طبيعي ؟؟ لأن أجازه أسبوع شي مقدور عليه
بس أكثر صعبه شوي لازم انطر جم شهر