على يال البحر
New member
مادري بنات اذا احد سامع عن هالعمليه والا لأ على العموم اعرف وحده سوت هذي العمليه مع ان قالها الدكتور ما انصحج فيها لان هذي العمليه للاوزان الثقيله حيل يعني اللي مالهم امل انهم يضعفون واهي كان وزنها 85 مو ذاك المتن يعني بعد اهي ما شاء الله طويله مو مبين عليها المهم ما سمعت كلام الدكتور والله وسوت العمليه والحين تعالي شوفيها ابيه وايد اضعفت امس رحت حق الدكتور وسألته عن العمليه قالي بالحرف الواحد هذي العمليه اجرام انا استغربت فشرحلي ايها قالي اهي عباره تحويل مسار الاكل من المريء الى الامعاء على طول يعني الجسم ما يستفيد من اي شي تاكلينه وطول عمرج تاخذين فيتامينات وبس 30% اهي نسبة الاستفاده من الفيتامينات فالجسم يظل يضعف ويضعف بالوزن وتضعف الصحه معاه الشعر يطيح والعظام يصير فيها هشاشه والوحده بسرعه تكبر لو بترد تسمن مره ثانيه مستحيل ما يصير يعني حسبيها انت اليوم وزنج 85 وبظرف 3 شهور نزلت 20 كيلو شوفي بعد 5 سنين او 10 شنو راح يصير فيج يعني باختصار اهي اسرع طريقه لفقد الوزن والهلااااااااااااااااااااااك وختم كلامه وقالي احسن لج تبقين متينه ولا تسوين هذي العمليه ...... اللي مفكره تسويها اقولها راجعي نفسج واللي سوتها اقولها الله يعينج
