عملية فك عند نائل الهزيم

[من بعيد]

السلام عليكم

يا بنات انا محتارة

عندي مشكلة بالفك ، والتقويم لمدة 3 سنوات ما فادني

للحين عندي بروز بالفك العلوي ، وفكي السفلي راجع لي ورا

اليوم رحت للدكتور نائل الهزيم ، شرح لي العملية وقال فكري

ابقولكم الكلام اللي قاله لي وأبي رايكم ولو تعرفون احد سواها عنده ياليت تعلموني بالنتايج

قالي العملية مو سهلة

طبعا بنج كامل مدتها 5 ساعات ، وانام ليلة بالعناية المركزة
و3 ايام بالمستشفى
العملية طبعا تغيير بالفك ، فشكل الوجه كله راح يتغير

قالي يعني اللي يشوفج راح يقول مو هي ، وحدة تشبهها ، بس نفس البوهة
يعني الشكل راح يتغير حيل
احتمال الخشم ينفرش شووي

عقب العملية 6 اسابيع راح التزم بأكل ليّن ، واحتمال انتفاخات بالوجه تستمر لـ 6 شهور على الأكثر
واحتمال تنميل بالشفايف لمدة 6 شهور

قال حطي 5 آلاف دينار على جنب

المهم أنا محتارة وخايفة وكل شي

بس حيل ودي مو شوية ، لأني متأزمة نفسيا من الموضوع


شرايكم ؟

فيه أحد تعرفونه سواها ؟
ضروري لازم اقرر هاليوميييييييييين!​

 

[حنون المزيون]

شكلها خطره وماتضمنين نتايجها ولو الله مايقوله يمكن ياثر على النطق عندج
تدرين انا نفس مشكلتج وكنت دايم افكر اسويها بس قلت ماتسوى علي باجر الحجي ينقلب
المهم انتي استخيري لان هالشي مو هين

 

[من بعيد]

مشكورة أختي وما قصرتي

ودي لو أعرف أحد مسويها عشان يقولي شلون الدكتور

 

[سنتر الزين]

ودي افيدج بس ماعندي فكره انشالله البنات يفيدونج

 

[فـرفـر]

أختى بتروح له اليوم


عندها الفك العلوي شوي يبيله تعديل





استخيري حبيبتي وشووفي شالخيره فيها

 

[honey moon]

حبيبتي العمليه ا\ا صج تحتاجينها راح تغيرج حيل بس ترا ا\ا عينج شوي فيها بروز راح تبرز (تجحظ)حيييييل فيسير التاثير عكسي


راح تخلي الويه مدور شوي للامانه انا شفت نتيجه حلوه على وحده بس اما الباجي كانت النتيجه عكسيه موشي الصراحه يعني ا\ا مشكله بسيطه لا تسوينها

 

[ii DareeN ii]

نصيحة لوية اللة لاتسوينها عندة شوفيلج طبيب ثاني وانتي براحتج

 

[ســتارز]

شكلها عملية خطرة ومو مضمونة برايي استخييييييري والله يكتب لك اللي فيه الخير

اعتقد هالعمليات اسهل لو تسوينها بالخارج

 

[ii DareeN ii]

اذا تبين استشارة في جراحة الوجة والفكين انصحج تروحين لدكتور محمد المصري بريفسور في مركز طب الاسنان

ولا دكتور عباس الرازمي عندة عيادة

 

[سبائك]

استخيري حبوبه ترى العمليه كلش مو سهله

استخيري اكثر من مره والله يسهل عليج

وجربي تروحين حق اكثر من دكتور لا تعتمدين على تشخيص دكتور واحد بس

انا ولدي عنده مشكله بالفك ووديته حق 5 دكاتره تقريبا ليما رسيت على دكتور عادل اشكناني وبوديه بعد استشاره عند دكتور نائل الهزيم ان شاءالله علشان اتطمن أكثر

 

[من بعيد]

الله يعطيكم العافية ويجزاكم خير

والله أفدتوني حيل!

أبستخير آخر مرة

 

[^^ROSE^^]

انا نفس مشكلتج بالضبط وناوية اسوي عنده وايد مدحوه لي
بس دارين ليش تقولين خل تروح حق واحد ثاني؟؟ اذا الدكتور فيه شي قوليلنا لان انا عندي نفس المشكله عفية اذا عندج معلومة فيديني فيها

 

[ام حموود]

ولله بدون مبالغه اخذي الكلام مني آنا أشتغل في هذا المجال وحنا دكاترة الأسنان الي نسويها وهي ناجحه 100بالمية بس تبين تتحملين شويه تقريبا شهر أو شهرين بالكثير والعملية انشاء الله ناجحه جدا وايد من البنات سوها موبس انتي وشحلاتهم صاروا موفقه مقدما

 

[^^ROSE^^]

حبيبتي ام حمود شرايج بالدكتور نائل الهزيم دام انتي متخصصة بهالمجال ياليت تعطينا فكرة عن شغله
انا اللي مدحه لي دكتوري مال تالقويم
وهم بعد ناس وايد مجربين شغله بالتلبيس وزراعة الاسنان ايام ماكان بالاميري ومافي احد ذمه كللللللش
بالعكس طق مطاقق عليه
بس كلام دارين خوفني بعد انا ماعندي الا ويه واحد لا اخترب ابتلش بعمري من يتزوجني لوووول

 

[dantella]

حبيبتي انا مسويه عكس عمليتج يعني الفك السفلي وصارلي 6 شهور وتقريبا الي صار معاي نفس الي قاله لج الدكتور وفعلا تغير ويهي وايد وهم الخشم فرش بس قالي لاتفكرين بعمليه الخشم الا عقب سنه كامله

 

[JaDeL]

والله ماعندي فكره حبيبتي بس شكلها خطره استخيري انتي وشوفي وروحي لاكثر من طبيب مو بس هذا واسمعي كلامهم وشوفي

 

[من بعيد]

هلا بالبنات كلهم

الله يعطيكم العافية كلكم ما قصرتوا

حبيبتي انا مسويه عكس عمليتج يعني الفك السفلي وصارلي 6 شهور وتقريبا الي صار معاي نفس الي قاله لج الدكتور وفعلا تغير ويهي وايد وهم الخشم فرش بس قالي لاتفكرين بعمليه الخشم الا عقب سنه كامله

أهليين

شرايج بنتائج العملية ؟

صار وجهج مدوّر حيل ؟

خرعوني من هالسالفة

وتعبتي عقب العملية حيل ؟ ودخلتي العناية وكذا؟

وشلون فرش الخشم ، يعني حيل انفرش؟ ، انا مااااااابي عملية خشم
يعني لازم أسوي عملية خشم؟

وسؤال ثاني ، قبل العملية ، رسم لج النتائج؟ سواها لج عالكمبيوتر؟ أي شي ، المهم اللي شفتيه نفس النتيجة ؟

 

[F^@^S]

انا بعد ابي اعرف اكثر عن هالعملية ومنو احسن دكتور يسويها حتى لو بالخاص

 

[شيوخه]

ليش كل هالعذاب أنا مسويه هالعمليه بالفك السفلي بكندا بنج يوم واحد وطلعت صراحه اخذي راي أكثر من دكتور قبل لا تسوين

 

[CherryFa]

والله انا سويت عنده الفك السفلي سنه 2010 شهر 2
عقب العمليه بسبوعين قمت اكل عادي (مادري هالشي طبيعي ولا انا بلاعه مافيني صبر)
النتيجه 95٪ ناجحه و ال5٪ لا يمكن طق العصب بالغلط، احس فيه بس 100٪
و لمه رحت اسوي اسناني بالمستوصف قلت حق الدكتور دير بالك توني مسويه العمليه من اسبوعين، الدكتور ما صدق و ناده الستاف كله يشوف حالتي
كلفتني كلها مع قعدت المستشفى 4 ايام (المفروض يوم بس دلع زايد) 3500 دك
قبل ما اشتهي اصور و الحين كله شاقه ويهي حق الكاميره و الحمدلله خشمي مثل ما اهوه
الزبده لو يقولولي تردين تسوين العمليه .. حده اي