عمليتي التجميلية وولادتي

[روعه السبيعي]

السلام عليكم

بقولكم قصتي باختصار
ولدت مرتين ولادة طبيعية وبولادتي الاخيرة دكتورتي تاخرت علي فولدتني دكتورة من الطوارئ مو معروفة ومحد يولد عندها :bbbiu:
اللي صار اني عانيت بعد ولادتي يعني ولاجني والده بخاص جنه والده بالحكومة على وصف البنات
المهم سألت ولقيت ان اشطر دكتور بعملية تجميل المهبل الداخلية د. احمد الشاذلي
زرته وفعلا نصحني بالعملية بس قالي لو انتي معزمة تطولين عن الحمل وقلت اي بعد العملية بحط لولب
سويت العملية ومااجذب عليكم المها عذاب وكل يوم اروح اخذ ابر مسكن بالمستشفى ومرات اروح مرتين كل 12 ساعه تعذبت والله وكانت تجربه قااااااااسية
المهم الله كتب ان احمل بعد العملية بسنه وجم شهر ماتهنيت بالنتيجه :eh_s(11): الحمدلله على كل حال

الحين انا بالشهر السادس و راجعت اكثر من دكتور
في اللي قالي قيصرية افضل
وفي اللي قال ممكن طبيعي بس مثل الولادة البجرية تكون اصعب واطول :eh_s(2):
وطبعا اثر التجميل بيروح وراح اخيط خياط تجميلي العادي اللي بالولادة وبالعادة نتيجته عاديه مو بيرفكت نفس عمليتي

شنو اختار بنات انصحوني
قيصرية متعبه وكرش وحاله
ولا طبيعي ويروح تعبي والعذاب اللي تحملته بعملية التجميل الداخلية اللي قصو من جدار الرحم وشدو الاربطه الداخلية وكان الريكفري ماله متعب وطولت على ماقدرت اقعد. وامشي :eh_s(2):

ساعدوني والله خايفه ومحتاره واحس مو قادرة افكر واخذ قرار

 

[glby7sas]

والله مادري بس لو انا منج اختار قيصري حرام كل هالتعب يروح

 

[Wild Cat 007]

حبيبتي استخيري .. بس لو انا مكانج اولد طبيعي لانه بيسوونلج تجميل .. ولا اولد قيصرية و كرش و صعوبة بالحركة يعني بدل لا تكحلينها عميتيها مادري هذا رايي

 

[ام هالدنيا]

راي تولدين طبيعي والحمدالله تقدرين تسوين عملية تجميل ولااشق بطني

 

[طيبة83]

لا تخربين بطنج وتشقينه

بس قهر ليش سويتي العمليه انتي عندج بس ولدين ويبتي الثالث ما تحتاجين قص الرحم وشد الاربطه!! عيل حريم اول اتييب 9 ولا 10 ولا تجميلي ولا شي

 

[ربيع_الروح]

انا من رايي قيصرية لأن في رسك عالي إذا بتولدين طبيعي

ومدام قالولج مثل عوار البجر وممكن اطولين يعني
ممكن تعانين من الطلق وآخر شي يقولون لج قيصرية


والحين القيصرية حدها سهالات مو مثل قبل

وبالنسبة للكرش سواء كنتي طبيعي أو قيصرية إذا اهتميتي في أكلج وما خربطتي
راح ينزل وزنج ويروح كرشج
إلا إذا بتخربطين في نفاسج فبالحالتين راح يطلع لج كرش

 

[انوار المحبه]

مثل ما قالو لج البنات

 

[الأميرة جوري]

يمكن القيصري يسبب لج كرشه ومعاناه خليج عالطبيعي يمكن ما ياثر بالتجميلي الا قليل

 

[Bnt-USA]

@@ امبي حملتي على اللولب ؟؟؟؟
والله اولدي طبيعي وخليهم يشوقنج يوسعونج ويردونج خياط طبيعي
ولا انج تشقين بطنج وتعانين شهوووووووور

 

[مذهلة2013]

معروف الطبيعي مو نفس القيصري

بس حرام على هالعوار بس الحمدلله ربي يتمم لج على خير

من ناحيتي الطبيعي احسن القيصري

 

[mafio98]

من رايي قيصري وفكي نفسج وعوار القيصري تحملينه مو نفس لطبيعي والتجميلي وسالفه الكرس اعرف وايد ناس والدين قيصري ولا حنه عندهم عيال

 

[البابانه توته]

حبيبتي اخذي راي رب العالمين ( استخيري )

ومن رايي طبعا طبيعي احسن
القيصريه بتعانين والبطن ماترجع نفس اول

 

[مــتــنــحــة]

حبيبتي اول شي استخيري وماخاب من استخار

وربي راح يسسرلج الافضل باذن الله

واذا فيه مجال للطبيعي فاكيد الطبيعي افضل

وخلي دكتورج نفسه اللي سوالج العمليه هو اللي يولدج ويضبطج

ولا القيصريه

اي صارت اسهل من قبل بس ماتعتبر بسهالة الطبيعي

يومين انتي مافيج شي واسبوع او 10 ايام الم خياط بسيط وتخلصين وتمارسين حياتج طبيعي

القيصريه لها اثار شكثر لحد يقص عليج

 

[Aloe Vera]

بولادتي الثانية سويت تضييج تجميلي و كان القياس ٢ سانتي مادري نفسج ولا لأ بس كان تضييج قوي و بعدها ب٣ سنين ولدت طبيعي الحمدلله
و ماكررت التضييج دكتورتي حذرتني منه و الوضع طبيعي جداً

 

[أم حسوون]

السلام عليكم ، استخيري ولا تنوين على العمليه وخليها على الله واذا لا سمح الله احتجت عمليه سويها ، ولا تحاتين التجميلي تقدرين تسوين تحميلي بسيط واهتمي بنفسج بالأربعين وبالتحاميل الطبيه وتطلعين أحلى عروس ، توج أم ٢ بس ما له داعي الوسواس .

 

[أأأميرة الورد]

قيصري افضل لج واستخيري

 

[sweeta77]

انا والده مرتين طبيعي و يولدي الثالث قيصريه
القيصريه ولا شي سهاله وقلت هالبنات اللي مسوينها قصه
اول شي لا عذاب ولا طلق
ثانيا الجرح ما يعور مثل تحت
اصلا ولا حسيت اني والده سهالات
الطبيعي بالنسبه لي خياط اقعد 20 يوم ما اقدر اتحرك

 

[بيبي غيرل]

تــــــــــــــــكفى دااااااااااااااام قالو لج قيصري سوي قيصري لان تجميلج الي وصفتي مبين ان قص من اللحم والله يا حبيبتي حالات كثيرررررررررررررررررررررررررررررره انفجر عندهم الرحم الله يكافيج يارب ويكافينا الشر والله لاتجازفين وتهولين بعمرج عشان تولدين طبيعي دشي قيصري غلطااانه والله هالتجميليه الي سويتيها المفروض لمن تسكرين تكتفين من العيال انتي وريلج لكن خيره ان شالله ونصيحه من قلبي لج والله سوووووووووووووووووووووي قيصري لاتجازفين طبيعي

 

[حمرة الورد]

قيصري اصلا هذا غصبا عنج مايحتاج تسالين بنات مو عارفين شسالفه قبل فتره وحده نزلت موضوع وشنو صارلها انفجر الرحم والولد نزيف وغيبوبه ودخلو على موضوعها اكثر من بنت ايدو كلامها هذي نصيحتي وسالي اكثر من دكتور لازم عمليه والي اعرفهم بعد التجميل لازم عمليه

 

[رويال ديزاين]

بالولاده تقدرين تطلبين تضييق و عادي الحين مافي الم مثل بجر ولا غيره بان اغلب اللي يولدون طبيعي يطلبون تضييق و تحمل السنه اللي بعدها و اللي بعدها عادي اما القيصريه عذابها و اثارها وايد اذا ما كرشتي في خطورة الالتصاقات و التهاب الجرح و غيره اناي زيدي خمسين دينار و اولدي طبيعي وطلبي تضييق مو تجميلي التجميلي كل الخياط بالخاص تجميل ومايتخذون عليه فلوس اما التضييق بالطلب و ياخذون فلوس وانصحج بالشتذلي تولدين عنده و يضبطج