عمليتي القيصريه بعد 10 ايام وعندي شوية اسئلة

[Shop Girl]

صباح ^ مساء الخير يا احلى كويتيات

تقرر اني اسوي عمليه قيصريه بعد عشر ايام بسبب وضع الجنين مقعدي

ودي اسأل ايش الممنوعات بالنسبه لبرنامج النفاس اقدر اشرب زنجبيل ، قرفه الخ ...

متى اقدر امشي على جهاز السيـر خصوصا وزني زايد 20 كيلو :eh_s(16):

اقدر اسوي حميه لو بسيطه خلال فتره النفاس خصوصا اني بسوي قيصريه ؟

ايش تنصحوني اسوي قبل ما ادخل غرفة العمليات ؟


مشكورين ياحلوات والله يسهل علينا وعليكم :yaaaaaarb:

 

[أم رتوجة]

صباح الخير
انا ولدت مرتين قبصريه
الاكل طبيعي بس بدون فلفل
وبالنسبة للرياضه لازم بعد 6 شهور من العمليه ولاتحاتين الوزن راح ينزل

والله يقومج بالسلامه

 

[نور دنياه]

اااااب

 

[طيف علي]

توكلي ع الله اول شي ثاني شي 6 شهور لاتشيلين شي ثقيل وكان الجرح عقميه لايتلوث هذا الللي اسمعه من الحريم

 

[brettey]

رياضه المشي بعد شهرين
رياضات عنيفه بعد 6 شهور
ماتشيلين شي ثقيل الا بعد 6 شهور
الاكل من غير فلفل
والله يهون عليج
الرضاعه الطبيعيه تضعف ترى

 

[مشتطـه]

الله يعينج
بس ليش ماتروحين لدكاترة يفرونه لج
حرام توج بداية التاسع

رفيجتي مثلج و ولدت اخر يوم بالتاسع
وراحت للأسطل وفر الياهل

 

[نور التفاؤل]

محسن طلبه يفره لج روحي لايسوون لج عمليه
بعدين تصيرين كل ولاداتج عمليات وحدج للحمال 4ولادات حرام روحي لايثبتونها لج وسلامااااااااااااااات

 

[احلى ديما]

حبيبتي انا امس والدة قيصرية والله تعب تعب وعوار انصحج صبري يمكن على اخر شي يلف مو شرط الحين او خليهم يلفونه لج وايد دكاتره شطار بهالشي صدقيني انا هذي ثاني قيصرية حقي صج صج تعب

 

[virgo88]

الله يسهل عليج يارب

 

[Shop Girl]

مشكورين بنات بالنسبة للف الجنين على الرغم من رفضي الدكاترة حاولو يلفونه ثلاث مرات وكلها كانت فاشله مؤ راضي يلف بالأخير قررو العمليه
والحمد لله على سلامتك احلى ديما ما تشوفي شر

 

[طير يحب سجانه]

الله يسهل عليش

 

[ريتال2010]

الله يسهل عليج يرب
بصراحه شغلات الفلفل والزنجبيل ممنوووع

وحتي الكورسيه همن ممنوع مع اني اخر الاربعين استعملته
لحفله استقبالي
والرياضه ممنوعه بس المشي عادي وورافعي ظهرج لاتصيرين منحيه عشان الخياطه

والله يتمم عليج وعلي يارب

 

[اخت خالتهم]

انا بجر وماعندي فكره
بس حبيت ادعيلج ان الله يقومج بالسلامه و يقر عينج بشوفة ضناج