عمليه التكمييييم والمخاااطر الي محتمل تصيرلي وسويتها عند الدكتور الشاطر عبيد الحربي

[rana777]

هاي بنات شلونكم شخباركم طبعا حابه اقولكم قصصي مع عمليات السمنه تعبت وانا اسوي طبعا اول عمليه سويتها كانت سنه 2005 سويت تحزيم معده طبعا هالعمليه فاشله نزلت بس 20 كيلو فيهامن 2005 لين 2010 شهر 7 شلتها قالو لازم بعد 3 شهور تسوين التكميم المهم رحت بتاريخ 27-11-2010 مستشفى الفروانيه قلت بجرب حظي لان المستشفى العسكري يطولون سنه سنتين على مايي دوري رحت ودخلت عالدكتور وقتله قالي انتي مسويه اللحلقه من قبل وممكن التكميم يفشل معاج قالي سوي تحول مسار قتله لاابي تكميم وانشالله تنجح وقتله دكتور ابيها تاريخ 13-12 مع البنت الي قبلي فقالي ان خلصتي تحاليلج ومنظارج وسونار مبجر تعالي واسويها لج والله ركضه سويت كل شي خلال اسبوع طبعا واسطات من العدان والاميري والفروانيه ههههههههههههه ابي اسويها وخلاص المهم رحتله كل شي كان اوكي وقالي دخول مستشفى 14-12 وتسوينها 15-12 واايد استانست انا ابيها بهالوقت لان كان وراي سفره 23-12 امهم رحت يوم 14-12 حق الدكتور جان يقولي انا ماراح اقدر اسويها لج لانها راح تفشل وكنت متوقع تغيرين رايج تبين تسوين تحويل اسويلج تكميم ماراح اسويلج قتله لادكتور انا مهيأه نفسي اسويها باجر قال ماراح اسويلج تكميم تبين تحويل اسويلج وقمت ابجي عنده وقتله خلاص سولي تحويل بس بسوي عمليه قالي لازم تكونين مقتنعه قتله مقتنعه بس سوها وااابجيييي قال دخلوها دخلوها بسويلها تكميم ههههه وايد استانست طبعا وقعوني ورقه على مسئوليتي العمليه لان كان ممكن يحوشني نزيف او تسريب من العمليه المهم سسويتها والحمدالله كان سهالاتت ووايد تعبت صج شوي من الجرح والبربيش الي بخشمي وبطني بس كل شي يهون عشان الرشاقه هههههه المهم قبل ماطلع بيوم قالي شنو اشرب وماشرب وقتله انا بسافر الخميس والحجي كان السبت قالي ممنوع تسافرين الا بعد شهر من العمليه قتله دكتور لازم اسافر عندي امتحانات قالي لو ادري ماسويتها جان اقوله مو عشان جذي ماقلتلك [/size]المهم جان يقولي انتي انسانه غريبه سويتي العمليه على مسئوليتج بتسافرين على مسئوليتج ويضحك بس واايد دكتور طيب وجدي بمعاملته لدرجه انه عطاني رقمه ان سافرت وصار معاي مشكله بالعمليه اكلمه وايد دكتور شاطر ومايحب عملياته تفشل واهو نظامه صعب بالنظام الغذائي اول شهر سوائل خاليه وماي وثاني شهر سوائل ثقيله وتنضرب بالخلاط ثالت شهر مهروس رابع شهر اكل طبيعي انا نزلت اول اسبوع 5 كيلو والحين صارلي شهر واسبوع تقريبا نازله 13 كيلو ووايد قالي ماعجبني نزولج كان يبي 20 كيلو لان في ناس تيله نازلهه هالوزن والحمدالله نفسيتي احسن وداشه نادي من اليوم ببدي واللله يارب يعطيني الي في بالي والبنات الي خايفين خل يتوكلون على الله كاني انا خاطرت بنفسي والعمليه مافيها الا العافيه والي عندها اي استفسار انا راح اجاوبها وبسعه صدر حبايبي وشكرااا [/

 

[اميره بكلمتي]

مبروووووووووووك

الحمدالله على سلامتج وفاالج الرشااقه ان شاء الله

بس كان كم وزنج قبل العمليه ؟

وان شاء الله ترجعين ومعااج الشهاده حبووبه

 

[rana777]

كان وزني 124 والحين 111 وانشالله اليااي اكثررررر بدعائكم ياحياتي

 

[sweety cup]

ماشالله تبارك الرحمن

الحمدالله على لسلااامه ..

والله ينولج الي بالج ..


بس حبيبتي بغيت استفسر منج ..

الحين يصير اذا انا تابعه للعدان اقدم اوراقي للفروانيه ؟ وبفلوس ولا حكومه ؟


وغير هاذا .. الي فيهم خمول بالغده الدرقيه انا اكل 150 الحين تصلح لي العمليه ولا ماتصلح لي ؟؟


ويعطيج العافيه يارب

 

[اميره بكلمتي]

كان وزني 124 والحين 111 وانشالله اليااي اكثررررر بدعائكم ياحياتي

ماشاء الله تبارك الله

يالله ان شاء الله تنزلين اكثر يااارب وتصيرين مانيكان

بس امشي ع النظام الغذائي وامشي تراا مهم بهالفتره

ماقووول الله يعينج على تسااقط الشعر )))) خرعتج لوووووووووووول


:33_1185028183:

 

[rana777]

ااااي وووواللله بروحه شعري مافي حت من الولاده
حبيبتي المزون انا عندي ملف بكل المستشفيات ههههههههه دشي عالدكتور ان عطاج لامانع تفتحين ملف دشين عالطول وسويتها ب900 دينار وبالنسبه للغده مادري بس اهو يسوي اذكر وحده مركبه جهاز للسكر للانسولين بجسمها راكب وسوالها والله اذا وزنج 150 يسويها لج زي اللوز بس ماتوقع تكيم لا تحويل مسار والله يوفقج

 

[اميره بكلمتي]

عاد لاتنسين رنا تكتبين يوميااااتج احسن

 

[دلع مطيريه]

مرحبا رنا شلونج

انتي نفس حالتي انا بعد كنت مستعجله عالعمليه وناشبت الدكتور عبيد ليما سواها لي صراحه دكتور يستاهل المدح وفعلا اهو جد بشغله

انا سويت كل تحاليلي خلال شهر لان مواعيد المستشفيات اطول ويوم خلصت المنظار رحتله وكان بيسولي عمليتي 23/3 وانا عرسي 3/3

انثولت قدامه وشوي وابجي امي قالت له عرسها شهر 3 شلون قال لا ماراح اسويلها شي كل عمليه ولها مضعفاتها وايجابياتها
وقلت له انت كنت حاط موعدي شهر 1 ليش غيرت الموعد قعد يدور بالمواعيد طلع موعدي 22/1 استانست وهما ماكان راضي اني اسويها
وانا طالعه قلت له انا عندي ااجل العرس ولا ااجل العمليه ضحك علي وقالي لا يمديج تصيرين زينه بس ماراح تاكلين قلت له مو مهم الاكل

سبحان الله بس رديت البيت وبليل صليت استخاره لان امي خوفتني وقعدت الصبح على تلفون الدكتور قالي في وحده كنسلة عمليتها تبين تدشين مكانها تعالي الحين وفزيت من فراشي ورحت لهم واول ما شافني ضحك قالي جاهزه قلت له اكيد والدكتوره اللي معاه قالت او ماكنسلة المريضه الاولى تذكرناج وكانت عمليتي تاريخ 21 /12 /2010 يعني قبل عرسي بشهرين وزياده بس غريبه سالفة السفره انه مارضا عنها

انا سافرت بالطياره البحرين والخبر علشان اتشرا لعرسي بس ماصار فيني شي الحمدلله ولا قلت له.صراحه .... سافرت تاريخ 1/1 / 2011
ورديت والحمدلله طيبه مافيني شي ولما رحت مراجعتي كان وزني بالاول 101 كيلو ولما وقفت عالميزان طلع 92 يعني نازله 9 كيلو خلال 18 يوم وهما بعدها عطاني شوربات ثقيل بطاط وجزر اطقهم بالخلاط مع السوائل الشاي الاخضر والحليب خالي الدسم والشاي الاحمر والنعناع بس للحين ماسمح لي بالعصاير كلش وانتي بعد نفسي

 

[العنود 99]

حمدلله على سلامتج حبيبتي

انا بعد نفسج سويت كذا عمليه اولها عمليه الربط الفاشله والشفط الافشل منها ولي بهدلتني وتعبتني وايد

وبعدها سويت شد في جزء من الفخذ تصحيح لعمليه الشفط واخر شي سويت عمليه تحويل معده من سنه بالضبط والحمدلله مرتاحه وايد بعد ما سويتها

بس الشي السلبي الوحيد سقوط الشعر ان شا الله مع الايام يرجع طبيعي

وحمدلله على سلامتج مره ثانيه

 

[rana777]

الله يسلمكم حبايبي انا مستعيييله ابي اضععف بسررعه
ومبروووك دلع والله يتمم عليج يااارب ويرزقج بالذريه الصالحه يارب

 

[xxx]

رد : عمليه التكمييييم والمخاااطر الي محتمل تصيرلي وسويتها عند الدكتور الشاطر عبيد الح

حمدالله على سلامتج

والدكتور عبيد الحربي شاطر ويستاهل الشكر

 

[miss-one]

مشالله فالج الرشاقة


ومشالله علي الدكتور بدا يبرز اسمه والله انه خوش دكتور بس شديد بمسأله الاكل ههههه والشرب

 

[shams2008]

الحمدلله علي سلامتج

 

[الزهرة الخضراء]

موفقة بحياتج ....ان ىشالله كلها سعادة ورشاقة وهنا

 

[caramil]

أنا الللي أعرفه بعد التكميم لازم أول بأول تاخذين فيتامينات ؤلا الوئ يذوي وتصيرين جنج عيوز ! ديروو بالكم بنات