عمليه الربط ,, عسى ربي يثبت حملكم :"\

[Blue BerrYa]

السلام عليكم ورحمه الله وبركاته


بسألكم عن عمليه ربط عنق الرحم ؟؟ منو سوتها ؟

انا اول حملي اجهضت وقالولي لازم نسويلج بكل حملاتج ربط
حدي خايفه ومادري اذا سويتها مره عادي المره الثانيه ما اسوي ربط ولا خلاص اذا سويته لازم كل مره اسوي ؟؟؟؟


ومنو احسن دكتوره تسويها ؟؟؟؟؟؟؟؟ عفيه لاتقصرون معاي ما تتخيلون شكثر مخترعه ومأجله سالفه الحمل بس عشان هالموضوع :eh_s(11):

وأي معلومه تعرفونها عن الربط قولولي اياها بلييييييز

عسى الله يرزق كل من تساعدني الذريه الصالحه وثبت حملكم يااااااارب :yaaaaaarb:

 

[غنوة ستايل]

عادي ياقلبي الربط ما فيه اي مشكله
رفيجاتي في منهم ربطت بالمستشفى الحكومي وفي اللي ربطت عند ماجده
الربط معناه ان عنق الرحم عندج صغير . فيربطونه عشان لو في حمل بإذن الله ما يطيح . ويكون من الشهور الاولى بالحمل يعني فوق 3 شهور ا اتوقع يربطون الحكومه . انتي اول ما تحملين باذن الله بسرعه روحي الطبيبه عشان تربط لج . لا تتهاونين .

 

[Tosta M7mSha]

لا تاجلين سالفة الحمل ولا تحاتين شي حبيبتي سهال
انا باخر حمل لي سوولي ربط لان توائم وسوتلياه د/ماجده اليتامى وكانت اول مره بحياتي اسوي عمليه يعني داشه غرفة العمليات وضروسي اتجكجك من البروده مالت الخرعه لوووول بس ماحسييييت الا وانا نايمه احلى نوووومه هههه وعقب اهم يسون الي يسوونه لا تحاتين تصحين من النوم يعطونج مسكن وينزل شوية دم اول جم يوم وعااادي جدا ما فيها اي مشكله وقت الولاده يفتحونه ولاتحسين بشي اصلا توكلي على الله ولاتحاتين شي موفقه

 

[من حقي أغير]

الربط يبدا من الشهر الثالث واحسن دكتوره ماجده اليتامي

 

[قشطـــة]

ربي يثبت حمل كل حامل يارب يالله

توكلي على الله ... دامهم قالوا بكل حمل معناته عنق الرحم عندج قصير ويحتاج ربط بكل حمل ..

ربي يسهل على الجميع إن شاءاالله

 

[([عطر رومانسي])]

لاتخافين ولاتحاتين

توكلي على الله


انا الحين رابطه
والاربعا موعدي اشيله >> ادعيلي خايفه لانه مادري شلون ينشال


سويته بالصباح
وسوولي اياه بنج نصفي (ابره ظهر) بالاسبوع 14 من الحمل يعني بالضبط لما ختمت الشهر الثالث

وترى عادي الوضع والله


تروحين واتيين وماتحسين بشي بس اهتمي بنفسج لاتمشين وايد والسلم مرتين باليوم او ثلاث بالكثير

وماتشيلين شي ثقيل يعني اخر دلع ههههههه


بس والله ماعندي فكره اذا المره اليايه يسوون لي ربط ولا لأ

والله يكتبلج الحمل الهين والذريه الصالحه ياااااااارب

 

[_Pure_]

لاتحاتين وايد يسوونه و قولي الحمدلله العلم تطور و صار في ربط

 

[Daleela]

هلا والله

انشالله افيدج

انا اجهضت من قبل

ولمن حملت مره ثانيه سويت ربط لان عنق الرحم مو قادر يستحمل وكان قصير تخيلي ربطت بالشهر الخامس والمعروف ان

الربط بالاشهر الاولى بس سبحان الله البيبي كلش كان بيطيح لو ما ربج كتب له عمر

وريلي مسكين كان خايف يعني حامل وبنج وعملية ويها كان حيل معبر فقير

وصدقيني الربط مثل سير يربطون عنق الرحم وينزل دم شوي بس خليج منسدحه والعملية مافيها شي

ولاتجازفين وما تربطين ضروريه العملية لج وحق اللي مثلي

والله يسهل
:eh_s(8):

 

[G.H.N]

انا سويته بمستشفى السلام عند د.امل الراشد بالاسبوع ١٢ يعني بآخر الثالث

العملية بالمرة ما تحسين بشي بس اذا خلصتي تحسين بشد في الرحم و ما يعور بالمرة

بس نصيحة لا تسوينه عند امل الراشد لان طلع ربطها مووو شي

اذا عنق الرحم طلع قصير بعد شيلة الربط معناته تحتاجين ربط الحملة الجاية

انا ان شاء الله بيشيلونه اول التاسع اذا ربي تمم علي

بس اهم شي لا يصير جماع لانه راح يزحزح الربط من مكانه و تتلعوزين

 

[احب المنتدى]

رد : عمليه الربط ,, عسى ربي يثبت حملكم :"\

الله يسهل عليج يااااااااااارب

 

[أحلى^حياه]

على أي اساس تقولون هالدكتوره زينة بالربط ولا لا ؟؟ !!

 

[Blue BerrYa]

ماقصرتو والله

عسى الرحمن يرضى عنكم :*

انزين بعرف شلون يعرفون اذا احتاج ربط ولا لا ؟؟

او عنق الرحم قصير ؟؟؟؟ يعني في فحص معين ولا بس كافي لاني اجهضت خلاص لازم اربط ؟؟


والله صج محتاجه حيل اعرف هالاشياء وسامحوني على كثرة الاسئله بس المحاتات ذابحتني :"(

 

[حلوة الحلوين]

ترى سهلة

 

[Blue BerrYa]

حلوه

مشكوره :*


ابي تجارب :"\

يعني اشوف الكل ينصح بـ ماجده اليتامى تهقون اروح لها ؟؟ اذا ربي كتب وحملت ؟

 

[noo7a]

انزين بعرف شلون يعرفون اذا احتاج ربط ولا لا ؟؟

او عنق الرحم قصير ؟؟؟؟ يعني في فحص معين ولا بس كافي لاني اجهضت خلاص لازم اربط ؟؟


(

ياليت البنات يجاوبون على الاستفسار
حتى انا ابي اعرف

 

[Tosta M7mSha]

على حسب الحالة حبيبتي انا اربطولي بدون فحص بس اكيد لازم يفحصون انا لان اول حمل اجهضت وثاني يحمل الحمدلله تم ولا يابو سيرة الربط بس توه اخر حمل لي لان توأم قالولي الربط احسنلج خاصة اني مجهضة من قبل وبدون لا يفحصون

 

[قشطـــة]

لما يكون عنق الرحم قصير مع تقدم الحمل يصير اقصر اكثر فاربط يساعد على انه مايقصر اكثر

. بحملي الاولي سويت الربط وهم بحملي هذا ربي يسهل علي وعلى كل حامل سويت ربط

سويته بالاسبوع ال14 والحمدلله والشكر له

توكلي على الله وسويه ... وربي يتمم على كل حامل حملها إن شاءالله