عمليه اللوز واللحميه

[gooogany]

هاي بنات


انا بنتي بسويلها عمليه اللحميه واللوز بعد جم يوم - بشيلهم


عفيه اللي سواها حق احد من اعياله ايقوللي لأني احاتي


ومشكورين

 

[بنت البذال]

مشاركة: عمليه اللوز واللحميه

لا تحاتين ياقلبي انشالله مافيها الا العافيه العمليه سهله وبسيطه ومافيها خطوره بالمره بس بعد العمليه دايما شربيها اشياء بارده او برد (ايس كريم) وماتشوف شر انشالله طمنينا عليها

 

[bnt q8 in usa]

مشاركة: عمليه اللوز واللحميه

انا بالصيف الي طاف سويتها عند خوش دكتور كويتي نسيت اسمه بمستشفي الاتصالات

تري ثاني يوم يطلعونها انشالله لاتحاتين سهاله العمليه بس ساعه اذا مو اقل

 

[gooogany]

مشاركة: عمليه اللوز واللحميه

مشكورين حبايبي إنشائالله اطمنكم عليها

 

[شهدQ]

مشاركة: عمليه اللوز واللحميه

ايو الله انا بعد ودي اسويها لولدي بس متردده ياليت الي مجربينها يقولولنا

 

[همسات ليالي]

مشاركة: عمليه اللوز واللحميه

تصدقون توني الاسبوع اللي طاف اقول بسوي اللحميه حق ولدي لان فيه خنه ووايد يمرض

وان شاء الله اذا الله سهل بسويها عند البوز وايد يمدحونه

 

[رهف قلبي]

مشاركة: عمليه اللوز واللحميه

والله ماعندي خبره بالموضوع بس انا طالعه عندي عظمه بلعومتي ورحت الطبيبي قالي احتقان وبجذي طالعه العظمه وانا حدي خايفه مادري شنو هاذي اهلي يقولولي لوز بس خايفه حدها قاسيه تكفين يختي الي كاتبه الموضوع تفيديني شلون الوز يصير شكله ؟؟

 

[على البال]

مشاركة: عمليه اللوز واللحميه

والله آنا سويتها حق ولدي العام عمره 10سنوات وكانت بمستشفى الهادي الحكومه مواعيدهم تطول وهو كان يمرض وايد ولدرجة أثرت على اذونه وصار مايسمع وسووله لوز ولحميه وركبوا له تيوب بأذنه وماطولت العمليه حوالي ساعة وكلفت 250الى 300 ما أذكر بس ماشاء الله ولدي بخير وبعد3ساعات رد معاي البيت واتمنى اكون فدتكم ومايشوفون شر عيالكم

 

[كويتية أمورة]

مشاركة: عمليه اللوز واللحميه

انا عندي لحمية بخشمي وبلعومي 2 في واحد ماشاء الله
عندي الفتحة اليمين من خشمي تقريبا مااتنفس منها الا شوية واللي ببلعومي احس تخليني اشاخر
بشيلهم بس اخاف يخترب شكل خشمي مالي خلق

 

[جكورة]

مشاركة: عمليه اللوز واللحميه

لاتحاتين ولاشئ العمليه سهله ..........أنا مسويتها لولدي السنه اللي طافت بطيبه كلينك عند دكتور مصري خووووش واحد ونفس اليوم طلع ومافي أي تأثيرات والحمدلله بعدها إرتاح.....بس لازم بعدها أشياء بارده بالمستشفى عطوه أيس كريم يأكله وروب.......

 

[النية الصافية]

مشاركة: عمليه اللوز واللحميه

سويها ولا تحاتيين انا مسويتها وخواتي وخواني ولد اختي كلنا مسوين اللوز واللحمية
اذا اللوز تلتهب واييد ويحتاج الطفل لمضاد حيوي باستمرار نصيحة شيليها
اذا الفترات اللي يتعب الطفل منها فلبلة وفترات بعديه عن بعض الافضل لا تسوينها
لانها تسوي مناعة للطفل الا مثل ما قتلتلج تسبب صديد مستمر ينل علي الرجل ويتعب مع حرارة مستمرة توكلي علي الله
وفي بعض الاطفال البلاعيم كبار خلقة من الله وهذا واح من خواني بس ما سوها لحد الحييين
والله يكتب اللي فيه الخير