عمليه رفع اللثـــه ... اللي سوتها او عندها فكره عنها تساعدنــي

[Ga6waah83]

السلام عليكم ورحمه الله وبركاته

بنات الموضوع امبين من عنوان
ابي واللي يعافيكم اللي مسويه عمليه رفع للثه
ابي معلومات عنها
لاني انا الحين حاطه تقويم وبعد جم شهر بشيله وقاعده افكر اني اسوي عمليه رفع للثه ... لاني من قبل لا احط التقويم لما اضحك واايد اتبين لثنتي
واسناني وايد اصغار فكلش مو حابه شكلي جذي
وبنفس الوقت اخاف من العمليات ...
اليوم شفت برنامج بالصراحه احلى والا المتسابقه سوولها عمليه رفع اللثه بالليزر

ما ادري اذا موجود عندنا بالكويت جذي والا لا

ابي اعرف اهني بالكويت اشلون طريقته بالليزر والا بشنو ؟؟
هل يشقون اللثه ويطلع دم ومن هالاشياء لاني اموت خوف ومابي يخيطون شي بحلجي اخاف ....

واللي سوتها يا ليت تقول لي عن التفاصيل شنو صار معاها بالضبط عشان انا استفيد وغيري يستفيد ...



ناطره ردودكم ....

ويعطيكم العافيه ....​

 

[عبير28]

هلاا والله قطووه


انا مثلج لثتى شوى نازله واسنانى صغار سووويت عمليه رفع اللثه بالليزر من سنه عند دكتوور سليم فى مركز ابهاا


فرقت اسنانى طلع شكلها حييل حلوو وتغيرت حتى ضحكتى


رفيجتى شاافتها وراحت سووت تقويم وبعدها هم سوت رفع اللثه عند دكتور سلييم شنو رووعه


انا اقول لج سوويها ولا تترددين خوش دكتور

 

[المستحية]

امممممم
انا بعد حاطه تقويم ولثتي نازله شوي
بس الدكتور يقولي لازم تفرشين اسانج على طول عشان ماتكبر ازيد
وقالي لما تشيلين التقويم راح ترتفع شوي بس اهم شي تفرشين اسنانج
لان اكو ناس اسنانهم ولثتهم نوعيتهم جذي
انشالله البنات يفيدونج

 

[dr_enshalla]

شلون يرفعون اللثة والاسنان شصير فيهم ؟

 

[ثلج]

فرقت اسنانى طلع شكلها حييل

اختي عبير ... لايجوز شرعا تفريق الاسنان .... حبيت اقولج حتى ابري ذمتي امام رب العالمين
..

وتفبلي تحياتي يالغاليه

 

[ii DareeN ii]

انا مسوية عملية رفع لثة عند دكتور ديفد جونسون في مركز رميثية قبل جم سنة العملية حيل سهلة وماتعور انا الي اموت من الخوف عادي حيل يقصون شوية من اللثة طبعا لدواعي صحية

 

[dr_enshalla]

دارين شلون يقصون اللثه وا سنانج ما يتأثرون ؟

 

[آل خزف]

حتى انا ودي اسويها بس اخااااااااااف
عبير جم يوم عورتج ؟
وهل انتفخ وجهج لما سويتيها ؟

 

[آل خزف]

اختي عبير ... لايجوز شرعا تفريق الاسنان .... حبيت اقولج حتى ابري ذمتي امام رب العالمين
..

وتفبلي تحياتي يالغاليه

المسكينة ماقالت فرّقت اسناني
قالت فرقت يعني تغيرت



وانتي بعد لا تقولين تحياتي
لأن التحيات لله فـ قولي تحيتي وبس << برّت ذمتها ههههههه

 

[عبير28]

ثلج انا ماقلت فرقت .؟؟ قلت فرقت معاى طلع شكلها حلو

 

[عبير28]

هلاا ال خــزف

ماعورتنى ولا حسيت باى شى وطلعت عادى لانه مبنجنى ماطاولت سواها لى بنص ساعه

اما وجهى لا اتنفــخ ولا شى طبيعى

بس بعدها يعطيج جل احمر من الصيدليه ادعكين فيه اللثه وماتفرشين اسنانج ليوم فقط

رفيجتى الثانيه الحين مسوويتها بعد

سويها ولا تخافيييييين ماكو اخوف منى بس سويها عند دكتور سليم شاطر وترتاحين معاه

لانه يبنصح اذا تكونين محتاجه او لا

 

[عنايد]

انا قال لي الدكتور الزلزله اللي بمركز ابها طبعا قبل جم سنه
انه لازم تخدير كامل
بس ماسويتها خفت

 

[عبير28]

عنايد انا مسويتها بمركز ابها عند دكتور سليم

ماحط لى بنج كامل بس بنج اللثه ولا حسيت بشى واهو يشتغل

وطلعت عادى يمكن كان شيلت الضرس تعوور اكثر من رفع اللثه

 

[*عهد*]

انا سويتها ماتعور بس بنج لثه وقصها وخيط يقعد لمدة اسبوع بعدين يشلها سويتها في الميدان عند دكتور احمد

 

[عبير28]

عهد انا ماقعدت نص ساعه الا خالصه والاحلاا انه مافيهااا خياط سواها بالليزرر

 

[A7la 7la]

انزين تعتقدون التقويم اهو السبب؟؟؟ اهو اللي يخلي اللثه تنزل ؟؟؟؟؟؟؟؟؟؟

 

[Fashion]

طيب بنات بجم سوتوها

 

[عبير28]

المملوحه انا مو حاطه تقوويم بس من الله من طلعت على الدنيا واهى نازله ماله شغل التقويم



فاشن انا سويتهابـــ 300 دينار

 

[Fashion]

عبير مشكوره حبيبتي على الرد وماننحرم منج

 

[عبير28]

ولو حبيبتى العفو