عمي ابووو زوجي فلم !!!!!!!!

[زوزو قلب حمادة]

قوة بنات بدش بسالفه سيدا انا صارلي متزوجه 6 شهور تزوجت عن حب بعد طلعت الروح المهم امي زوجي عسل وطيبه من اهل الله علي قولتهم امطلقه وعمي ملتحي احليو بس ماارتاحله احسه يدخل بكل صغيره وكبيره و حده يقهر يسال زوجي مرتك مااحملت !!!!!!! شكوووووووووووووووووووووووو!!!!!!!!!!!!!!!!!! الحريم ما تحجو بس ناقص يقول تاخذ حبوب مانع امبيه ويععععععع صج زوجي وحيده بين بنات بس هم عيب هالسؤال انا امخططه احمل بعد مااضعف وهالشي متفقه مع زوجي بس زوجي ينحرج من ابوه مايتحجي بس اخاف عمي يشيش زوجي يتزوج علي لانه عمي مزواج بس زوجي مو مال هالسوالف حسسني عمي اني 20 سنه مااحمل والي يغث زيادة زوجي كل مايكلمه ييب طاري:rgewrg:عطوني حل يا خواتي تكفوووووون

 

[BoxCouture]

الله يعينج عليه......ماكو إلا تتفقين مع زوجج على موضوع واحد انتو تلاقونه مناسب لكم

 

[ريميه حلوه]

عادي انا من ثاني شهر سالونا عن الحمل ونشبوه بحلوقنا ومن كثر حنتهم جلست 8سنين ادور الحمل
والحمدلله بعدها رزقنا الله كل الناس كذا مو بس شايبكم
وانتي احملي ليش مأجله الحمل عادي بتنحفين من الوحااااااام

 

[طـفولية]

السؤال مو عيب .. عادي
وترى هذا ابوه ..
اسفة بس ما ادري ليش بعض الحريم اذا خذوا الريال يبون امه وابوه ينتهي دورهم بالدنيا ..
مستكثرة عليه يسال عن هالشي ..
صج ان الحنة مو زينة ..
وغلط ان قاعد يسال ..
بس اعتبري ان ابوج وسأل ..
يبي يفرح بذريتكم ..

ومسالة يتزوج ريلج من ثانية او لا

الريال محد ياثر عليه .. وعلى قرارة ..

والله يوفقج ويهنيج يا رب

 

[فديت منورة]

يبه شايب و يسأل ولده مافيها شي يبي يشوف عياله قبل يموت

بالعكس شغله ما تضايق

 

[•Brown•Sugar•]

المفروض ريلج يتكلم ويقول حق ابوه انا مأجل سالفه العيال الحين بستانس مع مرتي وانتهى الموضوع

 

[القلعة الذهبية]

ما عليه الكبار لهم تفكير قديم شوي

 

[ام كوشه منكووشه]

حبيبتي لا تصيرين حساسه واايد
هذيلا حموالتج حسبة اهلج ومافيها شي عمج لو سأل اتوقع ان زوجج البجر او اول واحد يتزوج ببيتهم فيمكن عشان جذي ابوه متلهف يشووف احفاده

 

[عذاري الحلوه]

حبيبتي انتي جاوبتي على نفسك فكلامك هذا ولده الوحيد هذا ظهره و سنده و يبي يفرح بعيال ولده

 

[رواضي قطر]

عاادي يسااال اعتبرريه مثل ابوووك واكيد هو اول واحد بيفرح بحملك

 

[شقرديه كيوت]

سؤال ابوه سؤال طبيعي خاصه ان مطلق ام الولد فمنين يعرف اذا كنتي حامل او لا ؟ فالرجال متلهف ع عيال ولده خاصه انه وحيد خواته

 

[*ريما*]

لو ابوك الا سئلك كان صار عادي عندك
اعتبرية ابوك ولا تتحسسين من اسئلتة

 

[om_dodo]

الله يهدى البال

 

[PuPa^^SWeeT]

مافيها شي لو سال ولده الوحييد

 

[نـعـومـه]

قولي حق زوجج يقول حق ابوه اذا حملت انت اول واحد راح تدري

عشان مايسأل

 

[كويتية أصيله]

من صجج؟ هههههههه والله ضحكتيني عاااادي خل يسأل ..... وشنو زوجج جاهز بس أبوه يقوله تزوج عليها بيتزوج؟؟؟

كبري عقلج حبيبتي وخذي الموضوع بسهاله ترى الدنيا والزواج ياماااا بتشوفين منهم بلاوي ....

 

[متواضعة]

حبيبتي ليش تنتظرين انج تضعفين ترا كلش ماله داعي

يبي العيال عقب ضعفي روحج تضعفين وبتحملين باذن الله بيزيد وزنج دبل وبتنبط جبدج

بخصوص ابو زوجج ترا عادي مافيها شي يبي يشوف حفيده لا تصيرين حساسه زياده عن اللززوم

ترا الريايل عندهم عادي يسالون حملت او لا .... يبي يشووف رجولت ولده مثل مايقولون ......

لا تضايقين ولا شي

والله يسر امورج

 

[om MaRyooM]

شتسويين بعد ماتقدرين تجعمينه

اللي عليج ان زوجج متفهم هالشي وخلاص


وخل يقوله نبي ننطر شوي بعدين نييب ياهل



صدقيني لأنه وحيده جذي قاعد يسوي

 

[زوزو قلب حمادة]

مشكورين بنات كلامكم علي راسي بس خالتي مااسالت حتي امي احس هالسؤال حريمي بعدين عمي احس انه وايد يدقرني مثل اهما ساكنين بمنطقه بعيدة وزوجي اجر شقه قريب من منطقنا بيت اهلي يقول يبي منطقه قريبه يم دوامه بالديرة بالزوارة يقولي بنفسيه سحبتي زوجج صوب اهلج والله انج قوية سوالف ام ريل مو ابو ريل وانا تحز بخاطري

 

[نشيج الروح]

طوفي ولا تتأثرين ... بس ابتسمي