عنايتي للبياض والصفاء والشعر (حملة سأقتل الانسان السوداني بداخلي )

[Pearla & Ribbons]

السلام حبايبي شلوووونكم

انا عدت اليكم رحبوا فيني من جديد ..
اشتقت لقسم العناية بالبشرة ....ورجعت لكم مع حملة بشنها على السمار اللي بدا يزحف الي ويجتاحني بسبب كسلي وتقاعسي ...وهي حملة سأقتل الانسان السوداني بداخلي مع احترامي لكل الاخوة العرب لكن هذا بسبب النكت التي تطلق على الاخوة في السودان (قصة نشرة اخبار)

طبعا رحت كل مكان رحت الصيدلية رحت الجمعية رحت الحواج لأن خبركم مايجيبها الا كريمات الحواج ...

هذه خلطة سنو ووايت مالتي نبتدي الخلط

(قد ماتقدرون حاولو تكون الاغراض يديدة من الجمعية والصيدلية اذا مافي روحوا حواج زين ارشح بوسعيد عبدالله المبارك )

اولا كريم بين الاصلي تلاقونه عند الشايع
كريم منيرفا الحواج
كريم ديالا
كريم فيراند لفلي ملتي فيتامين افضل الجمعية
كريم اولاي للتفتيح
كريم ديرموفيت الاخضر للحساسية
ممكن تضيفون فيد اوت البني

طبعا مبين علبتي وملعقتي الخشبية الكبيرة ...

طبعا نخلط المواد مع بعض لحد ماتمتزح المكونات عدل في ناس يخلطون المواد الصلبة او بعدين الكريمات السائلة انا افضل كريم خفيف مرة ثقيل افضل شي

طبعا الريحة قوية لانكم خالطين مواد وكريمات قوية بس على فكرة كلهم مافيهم كورتيزون وأمن انواع الكريمات ....

اعذروني لأني شانة حملة يعني ببتدي كريمات قوية بعدين راح استخدم كريمات طبية

وهذه خلطتي الثانية وهي معروفة
عبارة عن ريتن ايه والدوكين احطها على اثار الحبوب

 

[Pearla & Ribbons]

لحد يرد بليز

 

[Pearla & Ribbons]

طبعا مع الحمامات المغربية بالصالون
وحمام اسبوعي بالخطات والسنفرات وانصح بحمام زين التونسي بالفكر الفاسي يهبل
واتسبح يوميا بالخلطة الصابونية ويا صابونة فيراند وايت المقشرة


طبعا هذه كريماتي للترطيب وواضح بالصورة مجموعة كلينيك بصراحة الماركة صج طبية ومشهورة بس عادية احلى شي عجبني اهوا أول أباوت آي الكريم المدور الصغير احس خففلي الهالة حول العين شوية بس طبعا ماينفع فيها كريمات

 

[Pearla & Ribbons]

ادري بتذبحوني عالصور
تابع عنايتي ببشرتي (ساقتل الانسان السوداني بداخلي)

السلام حبايبي الحين بكمل وياكم وبتكلم عن عنايتي ببشرتي :



هذه غسولاتي واحد منهم كلينيك عادي الثاني احلى منه ومبين بالصورة مناديل غارنيه لازالة المكياج تهبل لاتنامون الا منظفين الويه بالميكب والحلو فيها انها تزيل بلطف بدون لاتجفف ...



طبعا ماي الورد عقب ماتطلعين مم الحمام ترشرشي فيه يعني خفيف موتخلصينه
احب اشربه مع الماي العادي
الاسكينول عقب السبوح فركي فيه جسمج وخاصة رقبتج والارداف بقطن او ليفة بس طبعا الجسم وهو جاف
بخاخ فيتامين سي احطه قبل الميكب يعطي رفريش للويه
طبعا هالثلاث اشياء لازم بالثلاجة عشان تغلق المسام وتعطيج انتعاش ..
عقب استخدمي يوميا البيواويل وهو غني عن التريف دلكي فيه جسمج واماكن السلولايت واثار الحبوب واللي ماتعرفه تشوف هذا الرابط
‫اسأل مجرب (15) كيف أتخلص من آثار الحبوب والجروح؟؟‬‎ - YouTube

 

[Pearla & Ribbons]

هذه عنايتي لليدين


المحفظة اللي ورا هذه مجموعة ماجيك من دبي تلمع الظافر وتنميهم

اللي عاليمين توني بادية فيه سنفرة من بوتس طبعا هذه تخلينها عند الحنفية عشان كل شوي تشيلين الجلد الميت وتنعم الأيد بس بصراحة خفيفة افضل الملح والليمون عليها او ميموريز روعة

اللي عاليسار كريم نيفيا بالتوت البري الحين قمت اخلطه مع خلطة الأيد اللي بسويها واقولكم عنها

اللي بالنص اللي على شكل نحلة مو عبالكم شغل يهال لا هذا كريم بالعسل من ماليزيا من اتيود هاوس وسعره مو هين على فكرة تقريبا ثمان دنانير الحلو فيه انه ثقيل مثل الزبدة يرطب اليد وريحته حلوة


الخلطة انا اخترعتها للقضاء على جلد الضب
بصراحة الجلسرين مع ليمون يكفي بس انا عندي كريمات بستفيد منهم لرطوبة قوية وتبييض

كريم جلسرين العصار الاحمر الاصلي
كريم جليسوليد
كريم الراعي شوية
كريم نيفيا التوت البري
ملعقة بودرة اطفال
ممكن تضيفين فير اند لفلي
او جلسرين سائل او زيت اللوز
او اي كريم ماركة
حطيهم بعلبة وكل بالليل اخذي شوي وعصري عليهم ليمونة ولبسي دسوس ونامي الصبح فركي ايدج بصابونة مبيضة وسنفرة ورطبيها بكريم حماية

 

[Pearla & Ribbons]

اليمين بخاخ لانتعاش الرجل وحمايتها من الفطريات مهمة عندي الرجل
الثاني كريم حماية من الشمس الحلو فيه انه ثقيل يسوي طبقة تحمي ومافيه دهون كنت استخحم بيودرما وروك هذا احلى ...

طبعا هذه امواس للرجل تنعم وتقشر الجلد الميت خذيتها من بوتس
انا ادمان بديكير بالصوالين عاد مرة قالتلي الفلبينية اللي تسوي ريلي ليش يجي يسوي هنيه بس حطي فازلين كل يوم يصير حلو وناعم والله صح كلامها الفازلين والدلاغ كل يوم ينعم الرجل من تحت بس المشكلة الاظافر ماعرف اسويهم بدكير

الفرشاة اللي بالصورة هذه فرشاة للوجه مصنوعة من نباتات طبيعية لتقشير الوجه تبون الصراحة استخدمتها مع غسول بس خفيفة ماتؤدي الغرض..وهي هما من بوتس

 

[Pearla & Ribbons]

عنايتي بشعري

طبعا هذه صورة من عنايتي بشعري اللي جاف وكله يتساقط
هذا سشواري النانو اهوا بروفيشنال مايذي الشعر لأنه مسوينه بتقنية النانو وهوا حق محترفين خذيته من الغانم بصراحة حلو يستاهل ولايخترب ماشاء الله عليه
وتونيك سورسير الثوم طبعا معروف وسعره تقريبا 12بقتل الانسان الافريقي بداخلي وبدلك فيه كل يوم
ومشط خشب من بودي شوب فايدته اسنانه عريضة ماتقطع شعر وايد وخشبي يمنع الشحنات بالشعر

طبعا لأن شعري فيه كراتين ومصبوغ يحتاج عناية خاصة لذلك استخدم مجموعة الاوركيد للكراتين من النسايم حلوة ورخيصة

وهذا زيت كريستاس من لوريال حلو للترطيب وعلاج الجفاف ومايدهن الشعر يعني بعد الاستحمام

وسلامتكم شرايكم
انصحكم تقصون اطراف شعركم سيدة عند الصالون كل شهر

 

[رقـة الاحسـآس]

يا سلاام عليج
خلاص بس من السودنه
وخطوه حلوه
و استمررري

 

[@عسايل@]

ووواؤ وناسه العنايه بالنفس تحسين صج انج انووثه
والله شكلي ناويه على الخلطه

 

[ضنـآني الشوق]

ما شاء الله
اسستمري حبوبه

 

[مسك إلمحآسن]

حلوووو جدوولج

بس الاهم الاستمرااار


الله يوفقج :*

 

[عنزية مبدعة]

حلوه العنايه بس اهم شي تستمرين مو تسوين مثلي اروح اخم الجمعيه والحواج واهبب يومين بعمري بعدين اطخ وما استمر وكله كوم والنسيان كوم ثاني

 

[كتكوته نورة]

Good luck


شجعتني انزل عنايتيي

 

[سـمـو الآمـجـاد]

ما شاء الله عنايتج حلوة

:ggdw:Go Go Go

 

[RO0O7Y KUWAITYA]

ماشاءالله
موووفقه حبيبتي بس ان شاءالله تستمرين مو مثلي

 

[*q8ya*]

ماشاء الله روعه عنايتج واستمري حبوبه
مجموعة ماجيك للأظافر عندي منها يايتني صوغة صج رهيبه وحلوه ​

 

[snowfoshya]

سؤال برا العنايه شوي


وين مسويه الكراتين ؟ وشعوج تساقط بعد الكراتين مو ؟

 

[ليه الجفآ]

الخلطه الاوليه حيل حلوه انا عن نفسي مجربتها ,,


وريتن ايه والدوكين يخلطون مع بعض للحبوب خيااال .. ومااستغني عنهم كلش ..

مع ان وجهي مافيه حبوب لكـــن وقت الدوره تطلع وحده مني او مناك وتبط جبدي لماتصير بنيه وتطول

بس من استخدمتهم ارتحت حيل عليهم


وباقي العنايه من مواد تقشير وترطيب وماي ورد حيل عجيب البعض استخدمه والبعض الاخر عندي من شركات


ثانيه بس عنايتج مثل عنايتي بس اانا مافي داخي سووووداني ههههههههههههه

بس ازيـــد عليــج بحمام الشعررر فاشنكوول ... وبديل الزيت من بانتين .. حي حيل روعه للشعر






ووويعطيج العافيه على مجهودج وماقصررتي وراح استبدل بعض اغراضي بغراضج



مووفقه​

 

[غرور الريم]

موفقه

 

[فرحتي زوجي]

استمري الله يوفقج