عندج شغاله فلبينيه تعالي ..

[الحلوه بنت الحلوه]

زين سويتي فيهااا
هاي من اولها نزلت تبي تتصيد شكلها

 

[( روعه )]

يحليلكم موتوني من الضحك و أنا أقرا مغامراتكم مع الخدم خصوصا أم بدير لمن تقول عن خدامتها الهندية اللي تخزها بو ربع ساعه بعدين تتحرك من مكانها ........خلوها في القلب تجرح و لا تطلع و تفضح ..........اييييييييييه
تعبت و أنا أودي و أييب بهالخدم و صدقوني مو على الجنسيه ..الخدم حظوظ .. تصدقون وااااايد جربت حظي مع الأندونيسيات و ما توفقت معاهم تصدقون كل السوالف اللي قلتوها عن الفلبينيات أنا صارتلي مع الأندونيسيات
التحلطم و العياره و البوي فريند .. أنا ارتحت على الفلبينيات ما في أحد ما في عيوب أكيد بس على الأقل اهمه أنظف بشغل البيت .. تصدقون كنت يايبه أندونيسية كانت لمن تشوف ريال تجن تستخف و تقعد تلعب مع ولدي بصوت عالي و صراخ علشان ينتبه لها و مره شفتها خاشه صور رياييل الله لا يراويكم قلة أدب و طحت عليها بالأخير سوالف بالتلفون مع هندي لمن أكون بالدوام ..طبعا أنا شكيت فيها أول لأن أسوي ريدايل أول ما أرد و كنت دايما أشوف أرقام غريبه حطيت لها قلم التسجيل بالتلفون و سمعت البلاوي .. و المشكلة الريال ما يبيها ماله خلقها و اهي غصب الا تكلمه.. طولت عليكم بس ما أقول الا الله يكافينا شرهم أهم شي عيالنا

 

[( روعه )]

و أنا بالنسبه حق خدامتي ألبسها حجاب حتى اذا مسيحية و هذا أول شرط عندي ما أتحمل صراحه جينزات و شعر مفلول او اليونيفورم الطويل اللي مثل البنجابي و ما تطلع بروحها من البيت كلش لا جمعيه و لا فرع ..

 

[الحنان الدافئ]

والله ما نقدر انقول كله عالتساهيل ، والجنسية ما اتحدد النفسية ، أنا كله أجيب فلبينيات مسيحيات بس والله كل وحدة غير الثانية وكله عالحظ ....

أم خالد