عندج معلومات عن كلية العلوم بجامعة الكويت ؟؟ ونظام القبول بالجامعة ؟ حيياج ضرووري

[M!ss Fdeetny]

كويتيات عندج معلومات عن كلية العلوم بجامعة الكويت ؟؟ ونظام القبول بالجامعة حياج ضرووري









السلام عليكم ..

شلوونكم حبيباتي ؟؟

اناا تخرجت ولله الحمد بنسبة 86% علمـي

شنوو الكليات اللي تقبلني ؟؟

وانصحوني بكلية العلوم تخصص علوم بيولوجية ..

بس بغيت اعرف هالتخصص شلون دراسته ؟؟ حلوه ؟؟ صعبه ؟؟

ولو درسته وتخرجت شنو مجالات التوظيف ؟؟

يعني وين اتوظف؟؟ وشنو المسمى الوظيفي مالي ؟؟



ناطرتكم ... لاتبخلون علي بالاجابة ?

 

[M!ss Fdeetny]

هاا بنااات

بليييز فيدوووني

ما اعرف شي بالجاامعة
الحين هم رفيجاتي ناوين ع التربيـة

بس اناا احس نسبتي حلووه وعلمي

مااابي التدريس �� لانِ تعبــــــت

قولولي شرايكم ...


واللي تعرف الهندسسسسسسسسة ممكن انقبل ؟؟

يقولون الهندسة المدنية تاخذ ثمانينات ؟؟


شرايكم انتووو نصحوا اختكم الصغيرة

 

[أدووويا]

كليه علوم تنقسم كليتين
1 -علوم رياضيه

2-كليه العلوم البيولوجيه
تخصصاتها (علم حيوان -علم نبات -كيمياءحيويه-ميكرو-علم وراثه )

كل ماده معاها لاب و الابات تبدي الساعه 2

الوظيفه

وزاره التربيه
وزاره الصحه
الادله الجنائيه

مجالات العمل : ـ
فرص العمل لخريجي قسم العلوم البيولوجية متاحة وكثيرة وبإمكان خريج القسم أن يعمل في مجالات العمل الاتية:
النشاط التدريسي والبحثي في جامعة الكويت .
النشاط التدريسي والبحثي في الهيئة العامة للتعليم التطبيقي والتدريب .
البحث العلمي في معهد الكويت للأبحاث العلمية .
المختبرات الإكلينيكية والتخصصية، مختبرات فحص الأغذية، ادارة الرقابة الدوائية، وادارة التغذية والإطعام، مركز الوراثة في وزارة الصحة .
مركز الوراثة في مستشفى الصباح .
مؤسسة الكويت للتقدم العلمي .
مركز دسمان لأبحاث وعلاج السكري .
الهيئة العامة للزراعة والثروة السمكية .
الهيئة العامة لحماية البيئة .
وزارة التربية والتعليم العالي - التدريس بالمدارس بكافة مستوياتها .
مختبرات الإدارة العامة للأدلة الجنائية – وزارة الداخلية .
محطات تنقية المياه وإدارة الأعمال الكيميائية – وزارة الكهرباء والماء .
متحف الكويت العلمي .
المركز العلمي .
المختبرات البيطرية في القطاعين الخاص والعام .
المختبرات الإكلينيكية والتخصصية في المستشفيات والمختبرات الخاصة .
شركات انتاج الأغذية والشركات الدوائية في القطاع الخاص .
شركات انتاج وتسويق المنتجات الزراعية ونباتات الزينة


موقع كليه العلوم
مكتب التوجيه و الارشاد | كلية العلوم - جامعة الكويت

شنو ميولج ؟؟
هل تحبين الاحياء ؟؟
ونصيحه اختاري الكليه حسب الميول و التخصص اللي تبينه مو على النسبه

 

[M!ss Fdeetny]

اي احب الاحييياء

بس أكرهــ الكيمييياء

صراحة احسها حييل حلوووة هالكليه

ومجالات التوظيف فيها وااايد

داخليه وتربيه وصحة حلوووووووووو



بس شنو المسمى الوظيفي ؟!

 

[أدووويا]

110 كيمياء عامه
111 لاب كيمياء
114 كيمياء عضويه

ناخذ هالمواد من قسم الكيمياء اجباري للتخصص

و امتحاناتنا كلها اختياري
(صح او خطا - اختاري الاجابه الصحيحه و حسب الدكتور يكون فيه اختاري الكلمه من البوكس وحطيها بالفراغ المناسب )
بس الاب مرات فيه كتابه عن التجارب و اسم الاداه و هم فيه قسم اختياري

موقع التوجيه و الارشاد يفيدج وايد
مكتب التوجيه و الارشاد | كلية العلوم - جامعة الكويت

ماعندي خبره عن المسمى الوظيفي

وموفقه

 

[M!ss Fdeetny]

مششششكورةةةة

انتي تدرسين فيها صح ؟!

واذا تدرسين فيهااا شنوو ناويـة تتوظفين !!

 

[MayOumii~]

خل اقولج شغلة
كلية العلوم يسمونها مقبرة الجآمعة اسم الله علينا وعليج وعلى الكل

اولا من الدكآترة الي فيها مو كلهم مو زينين لكن الشر يعم والخير يخص
وانا اموت على شي اسمه احياء طول عمري مانقص فيه طول السنة اكثر من درجتين وودي اتخصص فيه
لكن الي اعرفه تصيرين مدرسة /:

وكملي ماستر وصيري معيدة بالجامعة احسن لج
ابلتي الاحياء وابلة اختي كلهم تخصص علوم بيولوجية
ابلتي تقول لا تدشون علوم محد ينصح فيها

وابلة اختي تقول اهيا كملت ماستر وشآطرة ومكرمها الشيخ ودرست بالجامعة معيدة بس اتقول الثانوية اريح مآدري ليش مع اني اشوف ان العكس احسن بس يقولج اسأل مجرب ولآ تسأل طبيب /:

بس انا مانفرج من كلية العلوم بس نصحتج وقتلج قناعتي وانتي الخيار الاول والاخير لج ومآدري يعني مو حلوة انج تدشين هالكلية ونسبتج تدخلج احسن منها )=
الله يعينج هالخيار فعلا صعب انا قاعد تييني حالات ابجي مآدري شسوي بس الله كريم

اما بالنسبة للهندسة
هندسة جآمعة الكويت مشكلة شوي فيها
يعني لمن تقدمين رآح تقدمين كونج تبين هندسة فقط بدون تحديد التخصص وتاخذين سنة الفاونديشن واذا عندج تمهيدي تاخذين تمهيدي يعني سنتين مع التمهيدي تدرسين بدون تخصص
لمن تيي سنة التخصص رآح تختارين اكثر من تخصص هندسة وتحطين رغباتج بالترتيب
ويخصصون مقاعد معينة لكل تخصص وكل تخصص الاولوية للي معدلآتهم اعلى والبآجي يقطونهم بتخصص فاضي ومو وايد مسجلين فيه عرفتي


الله يكتب لج الي فيه الخير

 

[MayOumii~]

110 كيمياء عامه
111 لاب كيمياء
114 كيمياء عضويه

ناخذ هالمواد من قسم الكيمياء اجباري للتخصص

و امتحاناتنا كلها اختياري
(صح او خطا - اختاري الاجابه الصحيحه و حسب الدكتور يكون فيه اختاري الكلمه من البوكس وحطيها بالفراغ المناسب )
بس الاب مرات فيه كتابه عن التجارب و اسم الاداه و هم فيه قسم اختياري

موقع التوجيه و الارشاد يفيدج وايد
مكتب التوجيه و الارشاد | كلية العلوم - جامعة الكويت

ماعندي خبره عن المسمى الوظيفي

وموفقه

الله غرامي الكيميا العضوية عجييييييييييييييبة :eh_s(22):
صج صاحبة الموضوع ليش ما تدشين كيميا ترى قوية :eh_s(15):
ومافي مدرسات وايد كيميا يعني ان شاء الله بسرعة تتوظفين

 

[M!ss Fdeetny]

مشكورين خواتي


بس كيميــاء وييييع

اهي اللي نزلت معدلي

 

[miss.42]

امممممم كلية العلووم و ما اردراك ما كلية العلوووم

حبووبه اذا انتي لج خلق تدرسين و تجااابليين و تراجعين اول باول و تدرسين 24 ساعه و تنكرفين و تتحملين غثاااثة بعض الدكاتره فانتي مناسبه لهالكلية و حطي احتمال كبير بعد كل هذا تعيدين الماده :dddds:

نسبتج ما شاءالله حلوه و ان شاءالله تدخلج هندسه انا اقولج خلي العلوم عنج و حطي الهندسة رغبة اولى لانها كدراسه و وظيفه وايد احسن من العلوم والله هذي نصيحتي لج و لما تخلصين اول سنه راح تختارين تخصصج و اولوية القبول بالتخصصات حق اعلى نسبة كل ما كانت نسبتج حلوه راح تضمنين التخصص اللي تبينه

انتي اختصري على عمرج الطريج و وفري مجهودج فكري عدل لانه هذا مستقبلج

انا درست بالعلوم سنتين و نص و خذيت صيفيين بعد المفروض اتخرج سنه اليايه :eh_s(16): بس الله ما كتبلي اكمل دراستي فيها و تبين الصج انا مليت و زهقت من كثر ما عدت المواد و الحين قاعده ادرس بتكنولوجيه و بكمل هندسه ان شاءالله و هذا اللي كنت ابيه من البدايه ضيعت 3 سنين لاني ما كنت ادري شنو ابي و قلت خل اجرب الكليه شنو وراي صج انها حلوه و هاديه و لي وايد ذكريات حلوه فيها بس صعبه واايد و راح تشوفين بنفسج اذا دشيتي هندسه او علوم لانه اول سنه راح تدرسين نفس المواد

ادري واايد قرقت بس ذكرتيني باللي مضى تقبلي مروري :eh_s(7):

 

[M!ss Fdeetny]

حبيبتي مشكووووووووورة

 

[الجـــوهرا]

بنوتات بللليزز فيدوني انا ككنت اببي كلية التربيه بس نسبتي مكانت تساعد اني ادش فحطيت علوم بيلوجيه الرغبه الثانيه وابي احول لتربيه شلللون وكم لازم يكون المعدل عشان احول وكمم كورس ادرس عشاان احول ابللليزز فيدونني