عندما يغدو العشق افداداً تشرب منه الدماء ..(روايـة السـاديــة)لـ احمد العوضي

[F.a.r.a.7]

عندما يغدو العشق( اقداحاً) وليس افداداً غلطه مطبعيه بالعنوان


وانا احوس بالمعرض شفت رواية لفتني عنوانها

كانت السادية (حب العنف والسيطره والإذلال)

وماشريت الرواية إلا بعرف شنو المقصد من كلمة سادية :\ .!!


وهذا المكتوب بغلاف الرواية من ورا

مرحباً.. أرحب بكم هنا ومعي .. لأقوم بتعريفكم على قصة رسمها خيالي وكتبتها اصابع يدي .. وسترويها لكم أسطري ..
تعالوا واطلعوا على أحداث قصتي .. التي بكيت معها وضحكت مع شخصياتها وتأثرت بين اروقة اسطروها وكلماتها ..
فانظرو برفق وهدوء إلى ماستجدونه على سطورها وفكروا فيما يخفى بين كلماتها.. فهناك الكثير من الأسرار التي تستوجب البحث عنها فأبحثوا جيداً وبتمعن.. هنا بروايتي ومعي.. فحبوهم وتعاطفوا معهم وانتقدوهم كما فقلت حينما اخرجتهم من ذهني ووضعتهم بين اسطري...






مابي احرق القصه عليكم بس بقولها برؤوس اقلام


القصة تتحجى عن بنيه كويتية إسمها "ليال"


وهالبنيه فيها مجموعه من الحالات النفسيه تقريبا نقدر نقول ان اهيا قريبه من التخلف العقلي إذا ماخاني التعبير
توصل لعمر على ماتذكر 15او اقل تاخذ مقص وتقص شعرها وتتشبه بالصبيان وتعيش حياتها بستايل صبي !!
والناس يطالعونها بنظره انها بويه ,, واهي اساساً فيها حالة الساديه !

عن نفسي الرواية بصراحه ماعجبتني :\ .. ماميل حق سوالف الجرايم والبوق والي فيهم حالات مثل جذي :×
بس مثل ماقلتلكم شريت الروايه عشان اعرف شنو يعني" الساديه " وكاني عرفت
بس حسيتها حيل متعوب عليها خصوصا ان قال خذا راي دكتور نفسي عشان يجمع بالشخصيه الحاله الي بيوصلها


امممم بس الحين لو تسألون روحكم

شنو يعني السادية .؟!
وشنو قصة الي اسمها ليال .؟!
ومن شنو صارت فيها هالحالات النفسيه .؟!
وشسالفت حبها مع طلال .؟!
وشصار فيها آخر شي .؟!


كل هالاسئله بتلقون جوابها بالرواية ​

 

[7neaN]

ما أدري ليش أتخوف إني اخذ حق اي كاتب , أحب أشتري كتب حق كتّاب أعرفهم
و أثق بإصداراتهم الا اذا شدني العنوان وايد ,, وخصوصا بمعرض الكتاب لأنه يصير مره بالسنه فأحرص على
اختيار المميز , و باجي السنه أشتري هالكتب من المكتبات ..

فعلا شي حلو الي قاعدين نشوفه الحين ان الشباب قامو يتجهون حق هاذي الهوايه النافعه
بس هذا مو معناته ان كلهم قاعد ينجح و يبدع لكن البعض قدر يوصل و يترك بصمه له مثل الكاتبه المبدعه
علياء الكاظمي و كثيرين .., إلى جانب كتّاب العرب من الشباب ..

الله يوفق الجميع و يوسع من ثقافتهم و حصيلتهم اللغويه عشان يقدرون يطرحون شي راقي و متميز
يناسب عقولنا و تفكيرنا .., و أشكرج حبيبتي ع اهتمامج بالكتاب و الكاتب رغم انه ما عجبج الكتاب , هذا
إن دل يدل على كرمج و رغبتج في صقل هوايتهم .. الله يعافيج ..:ggdw:​

​

 

[كلي أنوثة]

انا مريت على الكتاب و الكاتب كان موجود و شرح لي الموضوع بس انا اخاف من هالاشياء فما شريتها..ماحب اقرا عن الرعب و العنف

 

[F.a.r.a.7]

ما أدري ليش أتخوف إني اخذ حق اي كاتب , أحب أشتري كتب حق كتّاب أعرفهم
و أثق بإصداراتهم الا اذا شدني العنوان وايد ,, وخصوصا بمعرض الكتاب لأنه يصير مره بالسنه فأحرص على
اختيار المميز , و باجي السنه أشتري هالكتب من المكتبات ..

فعلا شي حلو الي قاعدين نشوفه الحين ان الشباب قامو يتجهون حق هاذي الهوايه النافعه
بس هذا مو معناته ان كلهم قاعد ينجح و يبدع لكن البعض قدر يوصل و يترك بصمه له مثل الكاتبه المبدعه
علياء الكاظمي و كثيرين .., إلى جانب كتّاب العرب من الشباب ..

الله يوفق الجميع و يوسع من ثقافتهم و حصيلتهم اللغويه عشان يقدرون يطرحون شي راقي و متميز
يناسب عقولنا و تفكيرنا .., و أشكرج حبيبتي ع اهتمامج بالكتاب و الكاتب رغم انه ما عجبج الكتاب , هذا
إن دل يدل على كرمج و رغبتج في صقل هوايتهم .. الله يعافيج ..

حلوه نظريتج إن تاخذين الكتب المميزه من معرض الكتاب ,,, بس ماكو مانع وياهم تاخذين جم كتاب حق كاتب متواجد لأن لو يحاجيج عن روايته بنفسه او يعطيج فكره ليش كتبه بلسانه ويقدمها لج بيده اتحسين حق الروايه او الكتاب طعم خاص غير لما تشوفينه بالمكتبه وتاخذينه عشوائي


وعدل كلامج شي حلو ان تشوفين الشباب يرتقون ويصيرون مؤلفين وكوتاب حتى لو كانت محاوله مومعناتها نحتقر الي تعبوا عليه شعور حلو حقهم إن احنا ندعمهم

بالنهاية اسعدني مرورج حبيبتي... مشكوره *;

 

[F.a.r.a.7]

انا مريت على الكتاب و الكاتب كان موجود و شرح لي الموضوع بس انا اخاف من هالاشياء فما شريتها..ماحب اقرا عن الرعب و العنف

لا كلش الروايه ماكان فيها رعب ..!! نوعيتها صح عنف

امم يمكن لان فيها جريمه بس مو معناته الجريمه رعب ​

 

[~q8ia~]

يعطيج العافية و الرواية فيها قصة حب يعني على كلامج علاقتها مع طلال و لا شنو ؟؟ يمكن انه اهيا فيها حالة نفسية بعدين تحب طلال و تتغير ما ادري احس جذي لوول تاليييف

 

[7neaN]

حلوه نظريتج إن تاخذين الكتب المميزه من معرض الكتاب ,,, بس ماكو مانع وياهم تاخذين جم كتاب حق كاتب متواجد لأن لو يحاجيج عن روايته بنفسه او يعطيج فكره ليش كتبه بلسانه ويقدمها لج بيده اتحسين حق الروايه او الكتاب طعم خاص غير لما تشوفينه بالمكتبه وتاخذينه عشوائي


وعدل كلامج شي حلو ان تشوفين الشباب يرتقون ويصيرون مؤلفين وكوتاب حتى لو كانت محاوله مومعناتها نحتقر الي تعبوا عليه شعور حلو حقهم إن احنا ندعمهم

بالنهاية اسعدني مرورج حبيبتي... مشكوره *;

كلامج صح حبيبتي , أنا قصدي اني ما أجامل الي يعجبني صج اخذه و الي ما يعجبني أتركه الا إذا انحرجت
و كان لازم اخذه بس هذا قليل .. و بعدين انا وايد قريت حق كتاب شباب و الحق يقال بعضهم حلوه كتاباتهم ..
يعطيج العافيه ..:d[/color​

]

 

[F.a.r.a.7]

يعطيج العافية و الرواية فيها قصة حب يعني على كلامج علاقتها مع طلال و لا شنو ؟؟ يمكن انه اهيا فيها حالة نفسية بعدين تحب طلال و تتغير ما ادري احس جذي لوول تاليييف

لا اهيا مال إجرام مو مال حب لوووول
القصه فيها حب بس برؤوس اقلام يعني اهو الي حبها مواهيا بس دمرها
لا من الي قريته ماغيرها زاد حالتها للأسوء

القصه مومركزه على الحب بس يعني نقدر نقول فيها حب

 

[F.a.r.a.7]

كلامج صح حبيبتي , أنا قصدي اني ما أجامل الي يعجبني صج اخذه و الي ما يعجبني أتركه الا إذا انحرجت
و كان لازم اخذه بس هذا قليل .. و بعدين انا وايد قريت حق كتاب شباب و الحق يقال بعضهم حلوه كتاباتهم ..
يعطيج العافيه ..:d[/color

ماجامل الي يعجبني قصدج فيها ماجامل الي مايعجبني
بس حزتها مايمديج تعرفين شنو مضمون الكتاب او شنو داخله حتى لو تقرينه هناك بتقرين اول صفحتين بس او ثلاثه اذا كثرتي لما بتاخذينه بتجربين الكاتب بس اذا قاريه حقه من قبل وماعجبج اهني شي طبيعي ان مومجبوره تاخذين كتابه حتى لو من باب المجامله
إي في كتاب شباب مع إنهم ابداية الطريج بس يبدعون والله يكثرهم إن شاءالله

 

[قمر^خالد]

بروووح بشتري الكتااب
شكله حلوووو ....... حطو الكاتب أحمد العوضي أبتو الليل يقوول أن الساديا يعني الشذووذ مثل يعني حاله شاذة بالمجتمع ............. بس في نااس عبالها أن الساديا ممارسه العلاقه بشكل عنييف .. بس هالمفهمووم خاااطئ
أنه برووح اشتري الكتاااب ... شكله حلووو .
ومشكووورة

 

[Shiny Star]

شريتها من معرض الكتاب بس لي الحين ما قريتها شوقتيني على قراءتها

أقراها وأكتب رايي