عندنا هالنوع من التملك بالكويت ؟؟؟

[بشه المنفشه]

السلام عليكم ورحمة الله وبركاته








خبري قبل كان فيه نظام التأجير حتى التملك للشقق يعني تدفعين قيمة الشقة على شكل أقساط شهرية


لا دفعة أولى ولا دفعة أخيرة حالج حال المؤجرين بس لما تستوفين قيمة الشقة بالكامل خلاص تصير باسمج

الحين هالنظام موجود ؟؟

واللي تعرف أي شركة تتبع هالنظام بأسعار حلوة ياريت تفيدني حتى لو على الخاص لأن أخاف يعتبر دعاية

وجزاكم الله خير

 

[في بحرهم عذبوني]

ماعندي فكرة والله يالغاليه

 

[القرآن ربيع قلبي]

لا مو موجودة هالطريقه بس موجودة للسيارات اما شقق وبيوت لا مافيه اللي هو
ايجار بصفه تملك

 

[بشه المنفشه]

نورتي حبيبتي في بحرهم

القرآن ربيع قلبي مشكورة ما قصرتي .. حسافة كان ودي بهالنوع قلت يطلع أرخص بالنسبة لي

 

[جلاديلياس]

لا مافي حبيبتي بس للسيارات

 

[بشه المنفشه]

مشكورة حبيبتي

بس ليش عاد !! الدول الثانية عندهم

 

[أمواج البحر]

جني خابره كان في هالنوع من التملك!

سالي شركات اللي تبيع شقق التملك يمكن عندهم عالنظام

 

[بشه المنفشه]

لقيت بيت التمويل عندهم هالنظام

بس هم فيها دفعة أولى ونظام مرابحة يعني يشترونها على حسابهم ويبيعونها عليج .. عاد شوفي جم تطلع

 

[عروووب99]

اختى اعتقد فى تدفعين مقدم اذا العماره تبنى ثم تكملين الباجى على فترااات شوفى الاعلانات انا شفت هالاعلان قبل فتره بس تستلمينها بعد فتره مادرى اشكثر

 

[ام سعود ديكسون]

سالي عن عمارات لؤلؤة الصراف وفي بعد جم عمارة بطريج الفحاحيل الساحلي صوب المنقف وبوحليفة جنه فيهم نظام تملك

 

[بشه المنفشه]

اي بنات التملك موجود عندنا بس في فرق بين دفع أجار عادي وبالنهاية تصير الشقة لي وبين إني أدفع مقدم اشكـــــــبره وعقب أقساط