عندها مبلغ وما تبي تتاجر فيه ساعدوها وتبي تزيد الفلوس

[بنت الاحلام]

قوه بنات


رفيجي عندها مبلغ حوالي 3 الف دينار من مهرها


والحين تبي تزيدهم واهي مو موظفه ولا تعرف تتاجر ولا شي
وتستحي من كل شي

وحابه تزيدهم بطريقه حلال ومضمونه وم فيها خساره



يعني مو اسهم وتقول حطتهم وديعه ارباحهم ما طلعت زكاتهم


شنو الحل

لان الوديعه بالبنك الاسلامي مبلغها قليل


احد يعرف شي مضمون ويزيد لها المبلغ مالها بدون مشاريع او غيره


جزاكم الله خيرر​

 

[^kloOot^]

ماعندي فكره

بس حبيت ارفعلج الموضوع

 

[Miss-LuLu]

ليش ماتخليهم راس مال حق مشروع ويديره غيرها وتاخذ فيه نسبه بعدين

 

[بنت الاحلام]

ما تفهم بهالسوالف والمشاريع مو شي مضمون واهي تبي شي مضمون

 

[سعودية!!!]

هممم دامها خويتكـ وطالبتكـ النصيحة وانت لكـ بالتجارة يصير تشغلينها لها بنسبه

 

[امراة]

رفع لعيووونكم

 

[سعودية بيضاء]

نطري الذهب ينزل شوي عن 1140 دولار للأونصة ..واشتري ذهب بــ50% من المبلغ من البورصة او من السوق(الصايغ) سبايك او من البنك يبيعون سبائك ذهب وايخزنونها عندهم ولا عندك ..وانتظرية يرتفع خلال السنة الجاية 2010 ...وعي لي ودعي للي وصاني علية ..بعد ماتبيعينة ..ونقاط البيع لما يوصل 1200 -12300-1500 وهو اخر سعر للذهب ..حسب كلام المحلل دافور.نت
دعواتك لي وللأستاذ دافور.نت المحلل العظيم

 

[بنت الاحلام]

انا ماحب يكون معاي شريك للاسف لان الي عنده صاحب عزيز لازم ما يشاركه يخسره والتجاره ربح وخساره
اما سالفه الذهب ما فكرت فيها بقول لها اياها

 

[أحلى^حياه]

خليها تصير سيدة اعمال وتبيع بالمنتدى

 

[اسرار الغلا]

ياليت نعرف تفاصيل عن شراء الذهب للي عندها فكرة

 

[بنت الاحلام]

توها عرس وطالبه جامعه ما تعرف اصلا تبيع وتشتري


< سكرتها من كل الجوانب

 

[حجيه هيونه]

يمدحون الذهب مثل ما قالت الاخت الي قبلي

 

[الريادة]

لازم تدخل مشروع أو أسهم أو شركة تسير عضوة فيها ..
لازم تتحرك ما ينفع جذي قاعدة بالبيت و تبي تييها الفلوس و اهيا نايم .

 

[om.5doja]

حبيبتي ماعندها غير سبايك الذهب خل تراقب اول ماينزل سعر الذهب عن ال 11 يعني يوصل بو 9 او 8 ان شاءالله خل تشتري وتخشهم

متى مارتفع مره ثانيه لين 11 او اكثر تبيعهم ونفس الحركه من اول ويديد ينزل ترد تشتري وتبيع

عاد قبل جم يوم تقريبا جنا كان واصل 9 وشوي الجرام خل تتاكد

بهالطريقه تربح من غير تعب

وموفقه يارب

 

[مندوبة ام بندر]

البنات ما قصرو وفكره الذهب حيل حلوه واتوقع فيها ربح

 

[kaify q8ya]

الله يبارك لها فيهم ويزيدهم

ودي افيدج بس صاحبتج ماتبي تسوي شي بس تبيهم يزيدون -- مادري شلون صعبه

والبنات الي قالو تشتري ذهب واذا ارتفع سعره تبيعه اعتقد فكره حلوه مع اني ما اعرف شي عن هالموضوع

 

[J.A.H]

اذا عندها خدامه قديمه خليها تجيب خواتها والي تعرفهم وتبيع الخدم صدقيني ربح مو طبيعي والاحلى والاحلى ان يكون مثلا 700 بجذي زباينها وايد

 

[ام سالم وايه]

الذهب فيه ربح بس اذا حال عليه الحول فيه زكاه والله يوفقها