عندى مبلغ محترم بس ابى شريكة بالمجهود

[ديرتى الكويت0]

شلونكم بنات انا عندى راس مال وايد زين وموعارفة اشغله بشنو وحابه تشاركنى وحدة تكون شاطرة بالافكار وبالمجهود لان ودى اسوى فكرة تكون حلوة ويديدة
نااااااااااااااااطرتكم000​

 

[قطوووة]

يعتمد جم راس المال

عشان نعطيج افكا ر معقولة

 

[[ نور عيني ]]

جم راس المال ..
عشان نشوف المشروع المناسب ..

 

[بنت الاحلام]

حبوبه اذا المبلع كبير انصحج تشترين بيت وتاجرينه اقل محل وتاجرينه

اقل خل افكر لج بس حسب الفلوس الي عندج وفي مشاريح مربحه وما فيها خساره

نفس كواي مربح جدا

او حلاق

او مغسله سيارات تري مربحه جدا

بس حسب كم عندج

 

[ديرتى الكويت0]

المبلغ 45000الف

 

[بنت الاحلام]

ماشاء الله 45 الف دينار دام جذي انصج نفس ما قلت لج بمشروع كبير محل افضل لج واحسن لج

وفكري بمحل ما في خساره نفس المطاعم وغيره يعني كواي او مغسله او هالسوالف وتراه مربح وما يحتاج منج الا

الاداوات ومعاشات العمال
والله يوفقج وانا هالمشروع ببالي وخاطري فيه وخاطري بكذا محل بس ماسكني الماده لانه يكلف بس الربح باذن الله مضمون


وصلي استخاره

 

[Om_Ksha]

خشيه احسن ,, بلا مجازفه ,,

 

[الشمـــوووخ]

الله يوفقج

 

[قطوووة]

قطيه وديعه واستفيدي من الفوائد المركبة

 

[مستقبل]

شوفي انا لو عندي هالمبلغ اقسمه

اخلي مبلغ بشي ثابت مثل عقار ممكن يرتفع سعره او وديعه

شخصيا انصحج بقوة بعقار استثماري خارج الكويت

و انا شخصيا (مادري شفيني اليوم على شخصيا ) مقتنعه بمشروعين

الاول : شقة في منتجع في سريلانكا ملك شركة كويتية و السعر ممتاز مابين 10 الى 15 الف دك حسب الموقع و اهما ياجرونها لج و المردود لج في حال شاريتها كاش لكن اذا اقساط راح يقولون لج دفعي ربع المبلغ يعني بحدود الفين و نص و الباجي قسط بو 200 دك شهريا ممكن تدفعينه او يندفع من اجار الشقه و خلال 3 سنوات تكونين خالصه الدفع بحالة الاقساط

مميزات المنتجع هذا انه قريب من منتجع ثاني ملك لامير سعودي و انه قريب من المطار الجديد و الهاي واي الجديد و فيه اكثر من خطة لتشغيل هالمنتجع
و بحالة رغبتج لالبيع الشركة تشتري منج الشقة و تعطيج عليها نسبة ربح


الثاني : في طرف دبي ناحية الشارقه مجمعات سكنية و فلل بس هذا اسعاره اغلى تقريبا الشقة ب40 الف لكن ممكن تدفعين جزء و الباجي يندفع من اجار الشقه و اسمج ملكتي شي و بيرتفع سعره


الحين عقب ما حطيتي 15 او 20 الف بعقار استثماري حطي الباجي بمشروع

و نوع المشروع يعتمد على حجم المجهود اللي بتقدمينه بالمشروع هل بتتفرغين له تفرغ كامل وللا ادارة من بعيد لبعيد وللا ماتقدرين تبذلين فيه مجهود

يعني اذا من بعيد لبعيد سوي نفس اقتراحات البنات مغسلة او مصبغه و بصراحة انا ماحب ادخل مشروع مافهم فيه يعني هالاشياء ماعرف لها
و اذا بتشتغلين بنفسج اختاري مشروع يتناسب مع ميولج و الاشياء اللي انتي شاطرة فيها
اما اذا كلش ماتبين تبذلين مجهود شوفي مشروع اساسا بادي و ساهمي فيه عشان يتوسعون بفلوسج و تكونين ضامنه الربح لانه اساسا مشروع شغال من زمان من مشروع يديد من الصفر

و طبعا عندج مشروع ما يكلف اللي اهوا تنظيم المعارض تطلعين رخصة او تأجرينها و تأجرين لج مكان حلو و تنظمين فيه معارض خصوصا ورانا موسم رمضان
و اذا تبين انا اساعدج عندي خبرة و علاقات و رخصة بعد بس ماعندي راس مال

و استخيري قبل اي خطوة و الله يوفقج و يبارك لج

 

[امل يائس]

شنو رايج تفتحين حضانه اطفال ترى مشروع ناجح اغلب الحريم الحين موظفات و يدورون الحظانه الزينه دوره عشان يتطمنون على عيالهم عاد انتي معاج مبلغ حلو سوي حظانه مو عاديه ستايل جديد و نظام مطور نفس اوروبا
انا عشت باوروبا 16 سنة و شفت نظامهم غيييييييير عن هني و مستعده اعطيج افكار اذا تبين

 

[قطوووة]

مشروع التكسي النسائي
محل وسياارات وموظفات

توصيل للبنات والموظفات

 

[إيمي1987]

سلام عليكم

ماشاء الله عسى الله يزيدة ويطرح فيه البـركه

في عده مشاريع لهذا المبلغ

تحصلين شقق بالكويت يمكن اسعارهم على 20 الف اشتري لج وحده وأجريها واييج خير منها ان شاء الله

آنا على ايام قبل جم سنه واحد من الاهل اخذ له ب 18 الف شقه

هذا اول مشـروع

ثاني مشـروع
مثل ما قالت وحده من الخوات
اشتري لج جم باص تقريبا نقول 5 باصات وخليها تووصيل وحطي لج 5 هنود يوصلون ومعاشاتهم تمشي اكيد

هذي احسن المشاريع لأستثمارها

والباقي حطيه وديعه

وعسى الله يبارك فيهم ويزيدهم يا رب :>

 

[Programmer.Girl]

اخذيلج شقة راهيه

او شقتين صغار

وأجريهم .. مشروع مضمون ومافيه خسارة

 

[كوكو الكويت]

حبيبتي الله يبارك لج فيهم ,,, و يزيدهم حلال طيب مبارك ’’’

انا عندي مشروع و انشالله ناجح و تخصص شغلي ’’ اذا حابه راسليني عالخاص’’
و انشالله بإذن الله ناجــــــــــــــــــــــــــــــــــــــــــــــــــــــــــــح ,,,,

 

[غير كل الناس]

اشتري ارض بالخيران ولاتفكرين بالارباح الا بعد 5 سنوات

 

[أماني عمري]

ما شـــــــــــــــــــــــــــــــــاء الله

الله يبارك لج و يزيد راس مالج و يرزقج المشروع الطيب اللي تستفيدين منه

آااااااااااااااااااااااااااااااااامين

​

 

[رحلة غروب]

قناة فضائيه اعلانيه
شاركيني فيها كل شي علي
اذا وفقنا الله فيها بيرجع راس المال خلال اقل من سنه

 

[sheraZia_Q8]

الله يبارك لج فيهم
نفس ما قالو العضوات وديعه + شقه

 

[Čut!e Quèéи]

كلام المستقبل صح
واذا تبين شي بالكويت
اشتري شقتين ملك الوحده سعرها 20 الف
اجريهم على 350 بالشهر يصير مدخولج الشهري من الشقتيين 700 دينار
اجريها فقط على اجانب او كويتيين اصحاب مستوى مهني راقي عشان تضمنين الدفع الشهري
وجذي ان شاءالله يكون مدخولج السنوي 8400 دينار خلال خمس سنوات يصير مدخولج 42 الف دينار
ولا تنسين ارتفاع الاسعار احتمال مدخولج اكثر يوصل 45 الف خلال خمس سنوات