عندي أمراض كثيره تمنع الحمل لكن ربي بيشفيني ان شالله :فضفضة

[خلود القصيميه]

السلام عليكم
حبيت أفض فضلكم لأني من العام وانا أراجع دكتورات كل ثلاث شهور عند وحده
وكل وحده تطلع لي مرض الي قالت تكيس والي هرمون حليب والي ضعف تبويض
وانا كل شهر ككلميد وبر تنشيط الى ان انقطعت الدوره :eh_s(11):
صارت تجئ يوم وتنقطع فقط يوم لاغير
قلت مافيها الا الطب الشعبي
رحت للطب الشعبي قالت لي الله يعوضك يابانيتي
انتي فيك تكيس وضعف بالتبويض وسدد وهرمون حليب
أنا صار شكلي كذا:eh_s(2):
وعطتني كيس كله أعشاب ابداء استخدمها اذا جت الدوره
هذي قصتي
السؤال مين معكم صار لها كذا وحملت حمل طبيعي

 

["*آآآنؤؤؤقهـ*"]

استمري بالدعاء والعلاج والله يرزقج

كل امورج بها اعلاج استمري بعلاجات شوي شوي

والله يرزقج الحمل ي رب

 

[خلود القصيميه]

امين يارب أنا يستمر بالعلاج ان شالله وبالدعاء
والله من الضيقة الي فيني كتبت الموضوع
لان خليته بصدري ولا ابي أطلعه لاحد
حتى أمي ماقلتلها ما ابي تخاف ع وتشيل همي
يمكنني قرفت كثير بس اطلع ما بقلبي



ربي لا تذرني فردا وانت خير الوارثين

 

["*آآآنؤؤؤقهـ*"]

خخلي زووجج يفحص المني العدد والحركه والالتهابات

يمكن يحتاج علاجج معاج .. والله يرزقكم من حيث لاتحتسبون ...

 

[ماي زهر]

السلام عليكم و رحمة الله و بركاتة

لا تعتمدين على كلام المره !!!
الطب تطور ...... روحي لدكتور تخصص
و سوي تحاليل و عدلي دورتج
و التكيس يخففه الكلوكوفاج
و إذا شديد سوي كي مبايض

و إذا أعشاب مو معروفه لا تاخذينها
مرات الأعشاب تطلع أكياس
يعني البرقدوش مفيد و معروف ينظم الدوره


و أستعيني بالرقية الشرعية
و سورة البقرة
و الأستغفاااااااااااااااااااااار
و الصدقة
و قيام الليل
و ترك الذنوب و التوبه
و الإلحاء بالدعاء



والله يرزقني و يرزقج و يرزق كل محرومه و محروم من الذرية الصالحة

 

[qoot]

السدد سوي اشعة الصبغه

التكيس نزلي وزنج حيل

الهرمون علاجه سهل وماينخاف منه

ضعف التبويض في وايد اشياء تقوي المبايض من حبوب وابر بس يبيلج صبر وطولة بال

وهم خلي ريلج يفحص على روحه وانتي روحي لدكتوره او دكتور ثقه واستخيري قبل ماتروحين

والله يسهل لج امورج ويرزقج بالذريه الصالحه عاجل غير اجل

 

[خلود القصيميه]

الله يسلمك والله أنكم خوات
أختي أنا تعبت من الكلوفاج مامنه فايده ابد
وخايفه من الكي مررررره
زوجي ان شالله بيسوي التحاليل

 

[M!SS.LOBY]

الله يرزقج بالذرية الصالحة

 

[M!SS.LOBY]

سبحان الله

 

[M!SS.LOBY]

الحمدالله

 

[M!SS.LOBY]

الله أكبر

 

[M!SS.LOBY]

استغفرالله

استغفرالله

استغفرالله

 

[Katkoota85]

حبيبتي اشعة الصبغه ماتفتح السدد
اشعة الصبغه مجرد اشعه تكشف اذا الانابيب مفتوحه او مسكره وهذا على حسب الماده اللي يحقنونها وطريقه سيرها بالانابي

وطبعاً ضررها اكبر من نفعها . مالج شغل من كلام المنتديات انا اتكلم عن تجربه

فتح السدد يكون بعملية المنظار الرحمي والبطني

انا سويت اشعة الصبغه وانتلفت الانابيب عندي وكانوا وقت العمليه مفتوحين
بعد المنظار عقب الاشعه بسنه ونص شافت الدكتوره ان الانابيب منتلفه وبسبب اشعة الصبغه

انصحج بدكتوره رائده الفضلي اهيا اللي عرفت مشكلتي ودكتوره فاهمه وشاطره

والله يشفيج ويرزقج يارب وكل المحرومين بالذريه الصالحه

 

[Pink_Roses]

نفي ما قالت الاخت أستعيني بالرقية الشرعية
و سورة البقرة
و الأستغفاااااااااااااااااااااار
و الصدقة
و قيام الليل
و ترك الذنوب و التوبه
و الإلحاء بالدعاء

وخلي ثقتج بالله كبيرة ولاتيئيسن وجربي طفل الانابيب مرة ومرتين ناس كانو فاقدين الامل والله رزقهم

 

[خلود القصيميه]

أنا فكرت اسوي أشعة الصبغه بعد الدوره
لكن من كلام لا خفت خلاص ما راح أسويها
ان شالله ما قطعت الأمل بالله لكن الأنابيب فكره مستقبليه
لكن ادعي ربي متصل لها المرحله ويكون حلمي طبيعي

 

[حبي مودي..]

ليش ليش كذا حبيبتي لاتيأسين من رحمة الله الله قادر على كل شي هرمون الحليب علاجه سهل تاخذين حبوب وقت الدوره وان شاء الله يتعدل،، يااختي انا فيني تكيس وضعف مبايض ومتوكله على ربي الحمد لله رب العالمين استخدم جلوكوفاج لتكيس ومنشطات لتبويض واقرأ الرقيه الشرعيه وصلاة الليل ولاتنسين بكل وقت وبالصلاة رددي ربي لاتذرني فردا وانت خير الوارثين اشربي ماء زمزم والاستغفار،،واستمري على العلاج اللي تكتبه دكتورتك لاتقطيعينه اما اشعة الصبغه مااقدر أفيدك لأني خفت ازينها ..لاتشيلين هم وتفكرين اكثر البنات معهم نفس اللي تشكين منه وربي رزقهم كل شي بيده سبحانه وتعالى..
أسف على الثرثره الله يرزقك وكل بنت نفسها بيبي ياحي ياقيوم ياكريم..

 

[خلود القصيميه]

امين يارب ترزقني وكل بنت مشتاقه لضمة طفل

 

[fofowa_q8]

الله يشافيج حبيبتي كل شي له علاج لاتحاتين وماكو شي بعيد عن ربج

الاشياء اللي فيج تتعالج مو صعبه عالجي شي شي وان شاالله ربي بيرزقج

شربي ماي وايد وحاولي تخففين وزنج اذا وزنج زايد عشان التكيسات

وهرمون الحليب علاجه سهل وبسيط باذن الله حبوب بس

وعليج بالدعاء وارقي نفسج دايما وتصدقي بنية الحمل

حاولي تغيرين جو تسافرين ترا والله وايد يفيد هالشي وشيلي من بالج او حاولي تتناسين

الحمل لاتحاتين وتفكرين خليها على ربج

و الله يرزقج ويرزق كل محرومه

 

[هيبة ملك]

الحمدلله كل. امورج طيبه وسهله.ومو جايده يالله لك الحمد

الطب تقدم وكل ماذكرتي. له علاج

يبي. لج متابعه طبيه. مع رقية شرعيه ودعاء وتهجد وتوكل ع الله سبحانه
وقريب بتبشرينا بحمالج ان شاءالله

 

[الكبيرة]

حبيبتي خليج ع المرا الي تعالجج طب شعبي رفيجتي نفسج وراحت لمرا عالجتها بالاعشاب وحملت السدد مايعرفون علاجه الا الحريم الي يداون بالاعشاب صدقيني خليج عليها وشوفي