عندي اختبار المناعه اللي قالت عنه الاخت sweeta77

[Swan]

هلا والله
انا حطيت هالموقع بالموضوع
http://www.sharedjourney.com/infertility.html
فيه كل التفاصيل عن علاقه امراض المناعه بالعقم

الموقع بالانجليزي
وتقدرين تترجمينه في موقع قوقل للترجمه

 

[Swan]

ترى وصلت نتيجه تحاليلي وطلع فعلا عندي مناعه بالجسم
وبراجع دكتورتي واشوف شنو تقولي وابلغكم ان شاء الله

 

[Swan]

ادري قاعده اسولف مع نفسي
بس حبيت ابلغكم باللي صار عشان تستفيدون من حالتي..

لما شافت الدكتورة التحاليل قالت لي ان عندي مناعه قوية
وعطتني بيبي اسبرين مع فوليك اسيد وفيتامينات آخذهم كل يوم ما اهدهم
وبتعيد لي تحليل ما بعد الجماع
وقالت اذا صار في حمل ان شاء الله بتعطيني أدوية ثانيه للسيوله مع البيبي اسبرين
والله كريم

 

[sweeta77]

ادري قاعده اسولف مع نفسي
بس حبيت ابلغكم باللي صار عشان تستفيدون من حالتي..

لما شافت الدكتورة التحاليل قالت لي ان عندي مناعه قوية
وعطتني بيبي اسبرين مع فوليك اسيد وفيتامينات آخذهم كل يوم ما اهدهم
وبتعيد لي تحليل ما بعد الجماع
وقالت اذا صار في حمل ان شاء الله بتعطيني أدوية ثانيه للسيوله مع البيبي اسبرين
والله كريم

حبيبتي ...الحمدلله انك عرفتي شنوفيك...الظاهر انتي مثل اختي
بس عندي خبر جديد....
اكو دكتوره اول مره اسمع عنها اسمها......ماجده كميخ
يقولون انها تعرف بهذا الموضوع
واي شي تبين كلميني على الخاص ...... اذا كنت اعرف بساعدك
الله يوفقك

 

[Swan]

مشكورة حبيبتي على المتابعه
وصج احس ارتاحت نفستي لما عرفت شنو فيني
لأني بالاول ماكنت مصدقه الدكاتره لما يقولون لي ان مافيني شي

بس حابه اعرف شنو تخصص الدكتورة ماجدة ؟
وياليت على العام عشان الكل يستفيد من الموضوع

ومشكورة على الرساله الخاصه
رديت عليج

 

[m e m e]

ترى امس رحت سويت التحاليل عند طيبه كلينك
وقالولي بيدزون التحاليل بره وبعد عشر ايام توصل
وان شاء الله اذا طلعت النتيجه ببلغكم فيها

وين صاير طيبه كلينك ؟ و جم كلفج التحليل؟ و سنو اسم التحليل بالانجليزي اذا عارفته ماعليج امر

يعطيج العافيه

 

[Swan]

طيبه كلينك موجود بصباح السالم
بس ترى موجودة التحاليل بكل المختبرات
وانا خذيت اسامي التحاليل من هالموقع
http://www.sharedjourney.com/articles/advanced.html
الجدول مبين فيه التحاليل بحسب الحاله

المهم انا بحسب حالتي خذيت هذي التحاليل
Anticardiolipin (IgG or IgM)
Anti-Phospholipid Antibodies
Lupus Anticoagulant
Anti Thyroglobulin
(AMA) anti microsomal
Anti nuclear
Anti sperm

وكلفتني 180 دينار
بس اذا انتي مو عارفه اي تحليل تسوين بحسب حالتج
طلبي من دكتورتج هالتحاليل واهيا اللي تقرر شنو يناسبج عشان ما تسوين شي زايد عن حاجتج

 

[m e m e]

يعطيج العافيه ماتقصرين انا من ودي اسوي Anti Sperm
Antibodies
(ASA)
لما قلت حق الدكتور قالي ماله داعي مو مهم ! حيروونه هادكاتره و الله

المشكه مو فيني اب زوجي بس زوجي قبل سنه و نص تحليله كان زين مافيه شي و هم ماصار حمل
فحصت قالولي سلييمه بس هم مو مقتنعه ودي اسوي بعد تحاليل و الله كريم

 

[Swan]

اذا ودج تسوينه توكلي على الله وسويه لا تنطرين دكتورج
انا لأن كلام دكتورتي ما عجبني سويت هالتحاليل وبالاخير طلع واحد فيهم مرتفع والثاني بالطبيعي العالي باقي رقم ويكون مرتفع

اهو ترى سعره بروحه 80 دينار عن طيبه كلينك
وتطلع النتيجه بعد اسبوع الى عشر ايام

 

[sweeta77]

سوان ما اعتقد ان هذا هو التحليل لانه ياخذ 3 اسابيع دايما
والدكتوره اللي رحت لها وكلمتها عن اختي وفهمت الحاله هي د. ناهده العلي وممكن تساعدكم وعارفه العلاج
واختي راجعت عندها
وماجده كميخ سمعت انها رايحه تدرس هذا التخصص

 

[Swan]

اي تحليل اهيا سوت
لأن في وايد تحاليل للمناعه
وكل حاله تختلف عن الثانيه

 

[sweeta77]

اي تحليل اهيا سوت
لأن في وايد تحاليل للمناعه
وكل حاله تختلف عن الثانيه

عطوني وقت بس لانها قاعده تحاول تلاقي احد يسويلها اياه هني......اذا قالت لي على طول ابلغكم

 

[Swan]

ان شاء الله
لأن انا طلعت عندي كل التحاليل سليمه ما عدا الـ ANA كان مرتفع وايد
والـ lupus حده حده

 

[ملاك-77]

تحذير
الضعف الشديد في الجهاز المناعي


اختبار ذاتي الخاص بك وتدل النتائج ، ان يكون لديك المحتملة لضعف حاد في الجهاز المناعي. اكثر شمولا لاجراء تقييم موضوعي للقوى يبرر ذلك يوصي بشدة.



والواقع : المواد المغذيه المضاده للاكسده تساعد على دعم صحى والحفاظ على نظام المناعه. ويوجد الآن الثوريه اختبار يسمى اختبار ™ الحرة الراديكاليه ، وهي قادرة على قياس واحد احتياجات اضافية لدعم المناعي. انقر هنا لمعرفة المزيد أو اضغط هنا لاطلب الان.


والواقع : ان الجزء الاكبر من جهاز المناعه تكمن في القناة الهضميه. من أجل دعم والحفاظ على سلامة الجهاز المناعي ، واحد يجب أن يكون الأمثل في وظيفة الجهاز الهضمي المسالك. إختبار شامل الهضمي هو متاح الآن لاولئك الذين يرغبون في تحسين اوضاعهم الصحية على جميع. اضغط هنا لاطلب الان.


الله كريم من زمان حاسه ان ماعندي مناعه لان علطول امرض الله يشفينا ويشفي كل مريض يارب

 

[*caramel macchiato*]

ان شاء الله
لأن انا طلعت عندي كل التحاليل سليمه ما عدا الـ ANA كان مرتفع وايد
والـ lupus حده حده

شنو هذول التحاليل؟؟؟؟


الطبيبة قالتلج سويهم؟؟؟


وهل يخصون تأخر الحمل؟؟؟

 

[ديموما]

هلا اختي

انا صار لي نفس الحاله مايمدي اكتشف اني حامل الا اسبوع وينزل

والدكاترة اللي رحت لهم يقولون ماعندج موانع لا انتي ولا زوجج وكل شي اوكي ...بس للحين ماعندي عيال مع ان صار لي وقت طويل متزوجه

بحاول اسوي هالتحليل وياااارب خير ...ع الاقل الوحده تعرف شنو مشكلته

مشكورة حبيبتي ..

 

[Swan]

ملاك-77
اذا انتي لي الحين ما حملتي حاولي تطلبين من دكتورتج التحاليل يمكن تكون السبب

شنو هذول التحاليل؟؟؟؟


الطبيبة قالتلج سويهم؟؟؟


وهل يخصون تأخر الحمل؟؟؟

هذول التحاليل خاصه بالمناعه
الـ ANA عباره عن مرض مناعي وهو ان الجسم يهاجم خلاياه والخلايا الغريبه
وعشان جذيه ما يتم الحمل ويعتبر الجنين خلايا غريبه عن الجسم
والـ Lupus هو خاص بمرض الذئبة الحمراء وهو بعد مرض مناعي
ويسبب في بعض الحالات اجهاض وعقم

هالتحاليل خذيتهم من الموقع الاجنبي اللي انا حاطته لكم
وانا سويتهم بروحي من غير ما اراجع الدكتوره لأن دكتورتي القديمه تقولي ماله داعي اسويهم
فسويتهم ورحت لدكتوره ثانيه

هلا اختي

انا صار لي نفس الحاله مايمدي اكتشف اني حامل الا اسبوع وينزل

والدكاترة اللي رحت لهم يقولون ماعندج موانع لا انتي ولا زوجج وكل شي اوكي ...بس للحين ماعندي عيال مع ان صار لي وقت طويل متزوجه

بحاول اسوي هالتحليل وياااارب خير ...ع الاقل الوحده تعرف شنو مشكلته

مشكورة حبيبتي ..

الله يعوضج حبيبتي
حالتج نفس حالتي
نصيحه سوي التحاليل وتأكدي
صدقيني انا يوم سويتهم ارتاح بالي وعرفت شنو فيني
مو ست سنين واهمه يقولولي مافيج شي وبالاخير يطلع فيني !!