عندي اساله تهم نفاس ----- حياكم ((مساعده))

[Noosha Mnfoosha]

سلام حبايبي


في عندي شغلات و ابيكم اساعدوني فيه

ابي رقم احسن رداده وسعرها حلو
و ترديد حق ولاده طبيعيه من متي اي يوم

وابي رقم حريم يطبخون حق نفاس و يسون عصيد و الحسو
و اكل نفاس
اخاف ما اقدر وقت الاربعين اسوي

وابي اعرف اليوم السابع يوم السبوح شلون و الديايه اللي اتبخر فيها و اكلها
شلون

وابي البيبي شلون يدهنونه مع الام و يسبحونه وليش يخطون افلوس داخل الماي

ادري سالت وااايد بس لانه هاذي المرا كل شي بسويه حق نفسي
بالاول بيبي تعذبت
الحمدالله

فاتمنه تفيدوني و تفيدون اللي مثلي مطره كل شي اسويه بروحه
وابي البيبي

:eh_s(7)::eh_s(7):​

 

[ام الحلوااات]

ااااااااااااب

 

[ام فواازي]

وابي اعرف اليوم السابع يوم السبوح شلون و الديايه اللي اتبخر فيها و اكلها
شلون ​

وابي البيبي شلون يدهنونه مع الام و يسبحونه وليش يخطون افلوس داخل الماي​

شنو هذا ؟؟ جد مافهمتج اصلا اول مره اسمع بهالاشياء؟
انتي كويتيه؟
السبابع قصدج نفس اهل مصر السبوع؟؟ اشوف جذي بافلامهم
الدجاجه ليش تبين تتبخرين بمايها شالقصد؟

باقي اللي سألتي عنه مااقدر افيدج الله يخليلي امي متكفله بهالاشياء بس ممكن تجيبين طباخه مؤقته تطبخ لج بنفاسج ترى مو شرط الاكل خاص انا نفاسي اكل اكل عادي بس اكل لهوم ورا كل وجبه والحمداله شزيني جبت 3 ماتغير فيني شي اهم شي وقت النفاس ماتجوعين و تاكلين عدل مو تطفحين بزياده هم كثرة الاكل مو زينه و تتدفين عدل مدل لين يوقف الدم و تنظفين وعليج بالرشاد تعفسينه مع التمر وشوي سمن حيل مفيد ينظف عدل

 

[مشتطـه]

ديايه تتبخرين فيها ؟؟؟؟


فلوس بالماي ؟


شتخربطين أمبي شهالخرافات ؟

 

[LiL MaMa]

انتي كويتيه!!!

شنو يعني السبوع؟؟
و الديايه ؟؟؟
و فلوس بالماي؟؟؟
شهالسوالف الغريبه من وين يايبتها

 

[هذا اناا]

الرداده ام اسد عجيبه وتنصح من قلب

 

[Noosha Mnfoosha]

هاذا اللي شفته يسونه حق ولدي الاول طبعا خالتي ام ريلي
و خلتني 7 ايام ترديد اليوم 4 و 5و 6 و 7 اتسبح فيه ولما اطلع تكون امسويه ديايه داخله حشوه و بهارات
ولما اطلع تحط نفس الشرشف علي و دخل الجدر اللي فيه ديايه معاي وتبطله وتقول تنسمي خلي البخار يدش فيج

 

[Noosha Mnfoosha]

اي انا كويتيه
هاذا خالتي سوته و معاي و خالتي فليكاويه
ولما ولدي تسبح اول مرا حطت بالماي فلوس و تقول عشان بعدين حطتهم بشارع تقول اللي يخذهم حلال عليه

 

[Noosha Mnfoosha]

امانه قولولي خرافات عشان ما اسويه لانه اهم عندهم وايد معتقدات
غريبه حتى لما قلت حق امي تضحك تقول ما ادري اول مرا اسمع بس كيفهم ولادهم

 

[شوكلاتة سويسرية]

انتي اكيد لاكويتية ولاسعودية صح؟
انا اشوف السبوع حق المصريين بالتلفزيون وودي اسوي
بس اللي نشوفه ان يدورون ويغنون على البيبي ويوزعون حلاو خرابيط وبس
مافيه تبخر الدجاج وفلوس بالماي ماقد سمعت عن هالاشياء
هذا وين؟؟؟؟

 

[LiL MaMa]

اي حبيبتي سالفة الفلوس خرافات
و الترديد مو من رابع يوم
انا سألت امي و خالاتي يقولون شهالسوالف

ليش ما تقعدين عند امج احسن

 

[Noosha Mnfoosha]

اي حبيبتي سالفة الفلوس خرافات
و الترديد مو من رابع يوم
انا سألت امي و خالاتي يقولون شهالسوالف

ليش ما تقعدين عند امج احسن

ما اقدر اقعد عند امي

بليز شوفيلي متى الترديد

 

[على الطيب تربيت]

مثل ماقالوا عندج خرافات وانتبهي

التردد مدري ماعمري سويته وان شاء الله يفيدونج


واكل النفاس انا تسويلي طباخه ام يوسف وروعه اكلهاااا


وهذا رقمها


٩٧٤٤٨٤٩٣


انا الحين انفاس واطلب يوميا منها وسعرها حده حلو

 

[روحي82]

يااحيااتي كله خرفااات شووفي حبيبتي اذا ولدتي ثالث يووم تسبحي عاادي بس لا يدشج الهووالبسي ملابس دفيييج ولدج انا عن نفسي اخلي الطبيب قبل اطلع يسبحوونه اطلب منهم وقعد اربع اياام مسح جسمه عااد اذا ورجع ولاوضخ عمره اسبحه اممم الاكل عاادي الصبح عصيده والظهر غداج شووربه بالدويات ولاعيش والعصر شربي جااي وقهوه وبليل قبووط واكلي اللهووم مع لحليب بليل