عندي استفسارات عن المكياج ياليت تساعدوني ياخبيرات

[لابسة نظارة]

السلام عليكم

حابه أشتري لي مكياج و ياريت لو تفيدوني بتجاربكم و نصايحكم ... أنا وحده نوعا ما مييح في الميكاج بس عندي قابلية للتعلم :eh_s(6):

استخدامي للمكياج برايمر (مو دايما) + كريم أساس + قلم كحل+ بلاشر و رسم حواجب وخلاص انتهى بالنسبة لي .. بس حابه أغير خصوصا اجازة صيفية قربت وتكثر المناسبات .. وناوية هالمرة على طلعة للسوق وعندي كم سؤال:

1. وش أفضل كريم أساس؟ .. أنا استخدمت كريم أساس شانيل و بوبي براون.. هم زينين لكن مادري ليش اي كريم أساس أحطه يصير وجهي مقشر يبين اني حاطه شي .. مع اني ارطب وجهي قبل المكياج بكريمات ولو عندي مناسبة احط فازلين قبل لا أنام يصير أفضل بس مو النتيجة المطلوبة بشرتي مافيها حبوب ولا مسامات عادية و أحط اقنعه واسوي تنظيف بشرة.. والجفاف عندي من جوانب الشفايف و فوق عند خدودي هل يعني ان يشرتي جافة؟

2. وش أفضل كونسيلر؟ .. أنا ما عمري استخدمته بس أشوف في الفيديوات يعطي نتيجة حلوه ويستخدموه للكونتور!

3. وش أفضل كونتور للوجه يعني شي استخدامه سهل و طبعا وش الفرش اللي تستخدموها حق الكونتور ...


5. وش أفضل ايلاينر ويكون سهل استخدامه و ثابت؟

ياريت لو توثقوا كلامكم بالصور والشرح عشان أفهم كيف طريقة الاستخدام و أعرف وش اشتري .. والمحلات القريبة مني سيفورا و ماك


يعطيكم العافية و آسفة اذا طولت عليكم​

 

[Aiiishaaa]

حبيبتي انتي انا بقولج الي بقدر عليه
الفونديشن دولتشي اند غابانا حلو سعره تقريبا 22 21 من هالطقه
و من ناحية الكونسيلر اذا تبين فل كفر ماك برو لونغ وير بس مو للاستخدام اليومي لان يتعب البشره من كثر ما اهو ثقيل يعني للمناسبات فقط و ميكاب فور ايفر كونسيلرهم حلو
واذا تبين كونسيلر رخيض وحلو ريفلون من درق ستور رخيص و يمشي الحال بس ساعات يخطط يعني يبيله برايمر
و الكونتور عندج نوعين من الكونتور اكو كريمي اكو بودر انا احب البودر و يصير تحطين الكريمي و عقب تثبتينه اب بودر و يصير تحطين البودر خالي مثال على الكنتور البودر
كونتور مييبيلين حلو
و بهاما ماما من ذا بالم
و كونتور انستازيا بيفرلي هيلز هم وااايد حلو
و مثال على الكريمي عندج
كونتور كيريولان
و كونتور ميبيلين الستيك
ومن ناحية الفرش عندج
فرش من ماك للكونتور
و عندج بيوتي بلندر حق دمج الكونتور الكريمي
و عندج ايضا فرش من انجلوت حق كونتور الخشم
و هم عندج من سيفورا
و ميكاب فور ايفر
وريل تكنيكس من درق ستور واااااااااااااااااااااااايد حلوييييييين سعرهم مناسب جداا 12 دينار علب فيعا يمكن4 فرش
وبالنسبه للايلاينر عندج جل لاينر و عندج قلم ايلاينير
الجل لاينر
جل انجلوت حلو
و جل لوريال هم حلو
و القلم عندج من
نيكس nyx درق ستور
و من سيفورا
و من بورجوا
و من محموود سعيد
و في وايد بس هذول امثله بسيطه و رخيصه

و بس خلصنا

 

[Tom ♥ Jerry]

حبيبتي الأساسيات على حسب نوع بشرتج يختلف من وحده ليه وحده ، بالنسبة لي أفضل فونديشن makeup for ever , و أفضل برايمر سماش بوكس و ميكي فور أفر و بينفت و أفضل كونسيلر ماك برولونق وير و أفضل ايلاينر محمود سعيد لكن ما انصح فيه للمبادىين وأيد ليكود