عندي استفسار عن معهد جمعية المعلمين (فيت)

[نشـــامي]

شوقتوني اشترك يصير لغير المعلمات؟

 

[حنون المزيون]

ايه يصير للكل
واللي عندهم عضويه جمعيه المعلمين يسوون لهم خصم

 

[بدوره]

الاشتراك شهري والا كل ثلاث اشهر والا شلون؟؟
انا قريت كاتبين 120؟؟
بالشهر؟؟
والا الثلاث اشهر؟
وشلون النادي عود؟؟..نظيف؟؟ في متابعه؟؟​

 

[حنون المزيون]

الاشتراكات على حسب المده اللي تبينها
والله النادي بالنسبه لي عود ونظيف ومدرباته حبوبات

 

[ناني سيكرتس]

بنات انا رحت شفت النادي, حده عجيب من كثر ما اهو حلو وهادي وما احد ونظيف, حمام السباحه صافي ومحد فيه حتى بغيت اطب فيه بهدومي من كثر ما اهو يشوق والمدربات حلوين كل من في النادي سلم علي وانا فتر بالنادي بصراحه عجبه, انشاء الله بشترك فيه الشهر الياي.
بس محد قالنا اشلون تدريبات الرقص فيه..؟

 

[فرحه عمر]

مون 14 و ملاله كويتيه شسالفه اشوف سويتو رابطه لكم انتو الثنتين و قعدتوا لايكون عشان انتو ربع هزي يا وز شفتو روحكم علينا؟؟؟؟
على فكره اذا في خاطركم نتواعد بالكفتيريا ما عندي مانع بس حددوا عالأسبوع الياي و انا تقريبا كل سبت و اثنين و خميس احضر عند حنان سباحه 7:30( عليميه ) بس حسافه وقتها ما يناسب مع الشرقي

 

[ملاله كويتيه]

قوه بنات اشلوونكم

مون ترى جني عرفتج كله توقفين بالزاويه

بس ماتجرأت أييج الصراحه استحيت

فرحة عمر ليش حبيبتي وقت السباحه مايناسب وقت الرقص

عندج يوم الاثنين الساعه 9 ونص في أيرو دانس عجيييب رياضه على رقص والجسم كله يتحرك الصراحه شي ’ وهم يوم الخميس بالعشر ونص في رقص شرقي والله صج تعالي رقصاي وسعي صدرج

بالنسبه لحنان انا وحده ماأواااطنها بعيشة الله مادري ماعندها ذوق بالتعامل

مره بغت اتناديني جان تقول لي : بسسسسس . مارديت عليها جان اتيني قلت لها انت ناديتيني بلغة القطاوه وانا مو قطوه عرفاي اشلون تكلمين خلق الله تالي تعالي حاجيني بسسسس شنو وين قاعدين مالت عليها اهيا ودبتها

ياااااااااو مااشتهيها بعيشة الله

ولا تبين نتواعد بالكافي انا ماعندي مانع بس خل نتفق عالخاص علشان لا نلقى ام نصور ذيك ناطرتنا عند الباب هههههههههههه

أدري طولت عليكم بس شسوي
اي صج ماقلت لكم ذاك اليوم رحت حصة الرقص ولا النادي مافيه كهربا جان ترقصنا دينا من غير موسيقى ههههههههههه

دينا ماشالله عليها نفسها طويل بموسيقى من غير موسيقى ترقصج ترقصج

بس لاريسو خلفه ههههههههههههههههههه مو طبيعيه مسكينه تكسر الخاطر غبييييييه نفس الحركات تعيد لج اياهم على كل انواع الموسيقى .. ابيكم تشوفونها بحصة الكالنتيكس يمممممممممممه تخرع انا اول يوم دخلت معاها حسيت نفسي جني مع اشباااح

مون لا انتي ذيك لي تخزني واخزها عطيني اشاره

يلا فمان الله

 

[رتاج]

انااا بسجل يوم السبت انشالله

قولولي يسوون لي جدول منظم هناك بالتمارين والسباحه؟؟؟

واهم شي ابي الرقص الشرقي ؟؟

نوروني الله ينور عليكم دنيا آآآآآآآآخره

 

[ملاله كويتيه]

اي رتاج يعطونج جدول فيه حصص الرياضه وعاد انتي شوفاي الوقت الي يناسبج وتعالي

وبعدين اول ماتدخلين تاخذج المدربه وتاخذ قياساتج ووزنج ونسبة الدهون وبعدين تعطيج برنامج معين تمشين عليه يوميا لاتبين تضعفين او حق المناطق لي تبين اضعفينها وتعلمج عالاجهزه وكل جهاز شوله ينفع غير حصص الرياضه طبعا

 

[ناني سيكرتس]

مشكوره ملاله عالتوضيع وما قصرتي ,انا انشاء الله بس اخلص مهرض راح اشترك وياكم ونلتقي كلنا هناك.

 

[حنون المزيون]

ملالة كويتية
هلا والله فيج وصدقيني ماانتبهت ان كنت اخز احد والا لا :d
وهالاسبوع ماحضرت الا مره وحده رقص وطلعت بنص الوقت
ضحكتيني على الزاويه بس دايم اكون يمين يم الجام بس مو بالزاويه

فرحة عمر
نتشرف اختي بس انا اروح الضحى دايم

 

[ملاله كويتيه]

هلا ناني حياج الله

بس ماقلتي لي اي مهرض على قولتج الي عندج ووين فيه

علمينا


مون عيل مو انتي ذيك لي نتخازز انا وياها
ابدور لي وحده ثانيه صوب الجام اخزها اجود تطلعين انتاي ههههههههههه