عندي استفسار وياليت احد يجاوبني ؟؟؟

[كبرياء الروح0]

السلام عليكم ..

كيفكم يا أحلى عضوات ؟؟؟

بصراحه انا متزوجه صارلي 3 سنوات والى الحين ما حملت بسب ارتفاع البرولكتين ( هرمون الحليب ) ... المهم مالكم بالطويله اخر مره استخدمت حبوب تنظيم الهرمون في رمضان وقالي الدكتور ترا الهرمون ماله علاج بس تتركين الحبوب بيرجع يرتفع ...المهم سويت تحليل الهرمون قبل يومين طلع مره مرتفع هو حده الطبيعي الى 511 انا طلع عندي 1285 والغريب في السالفه ان هرمون الحمل كمان مرتفع ...

سألي هل ممكن يكون حمل مع ارتفاع الهرمون ؟؟؟
مع ان الدكتور قالي الاباضه عندك صفر ...!!!

وسويت تحليل البول وانتم بكرامه ماطلع شي ...

حبيت اسألكم قدام ما أسوي تحليل ثاني ...

أسأل مجرب ولا تسأل طبيب ...

 

[FJ style]

انصحج راجعي دكتور ثاني واخذي راي ثانيوسوي تحليل دم اضمن

 

[منتهى الرقه89]

حبيبتي اضمن شي تحليل الدم اذا متاخرة عليج روحي سوي تحليل دم عقب مايطوف ع موعد دورتج ٥ ايام تقريبا

والله انا بحمالاتي اسوي تحليل منزلي مايطلع شي بالنتيجه نيغتف و عقبها اروح اسوي تحليل دم اطلع حامل ..

والله يرزقج بالذريه الصالحه اللي تسعدج وتبرج اامين ..

 

[om-s3ood]

حياتي انا سويت تحليل هرمون حليب وطلع مرتفع حيل وبنفس الشهر حملت علماا ان صارلي ٦سنوات ماحملت وحملت بالشهر الي صار عندي الهرمون مرتفع واتمني لج كل الخير وتوفيق والحمل عااجلاا غير اجل ياارب

 

[ام الحلوااات]

مــــا عـــنــــدي فـــكــــره
اللـــــــــه يــــكــــتــــب لـــــج الـــحــــمـــــل عـــــــاجــــــــلآ غـــيــــر آآآجــــــــل
يـــــاااربــــــــــي يــــاااكـــــــريــــــم

 

[كبرياء الروح0]

يسلمووو ع الردود ياعسولات ...

التحليل الي سويته لمعرفة الهرمون تحليل دم ...

واخر مره جات اش سمه في شهر 11 هجري بعد استخدام حبوب التنظيم وغبت عن زوجي تقريبا شهر ...

 

[N0oNa]

الله يرزقج الذريه الصالحه يارب و تكونين حامل باذن الله

 

[كبرياء الروح0]

امين الله يسمع منك ياعسل ...

 

[خبيرة اعشاب]

انتي خلال ها ال 3 سنوات صار في حمل او اجهاض ؟؟

 

[AVE.NJ]

على الله مو بعيد

 

[كبرياء الروح0]

خبيرة اعشاب ..

لا ماصار لا حمل ولا شي ...

 

[اخت خالتهم]

كبرياء جم نسبة هرمون الحمل ؟

 

[كبرياء الروح0]

الهرمون 1285.. وهوه الطبيعي من 79 الى 511 ...

 

[حنان1983]

ما عندي فكره بس حبيت ادعبلك الله يسعد قلبك ويكرمك بالذرية الصالحه عاجلا غير اجلا ان شاء الله واهم شى النفسية ما تحطين اى شى ببالك وربك راح يكرمك باذن الله
تابعى مع الدكتور عشان التبويض مع الدوا اللى ينزل الهرمون وان شاء الله يرزقك الحمل ان شاء الله

 

[كبرياء الروح0]

يسلمووو حنان .. فديتك والله ..

 

[أأأميرة الورد]

الله يرزقج بالحمل يااارب

 

[hano0oda]

الله يرزقج ان شاءالله

 

[عروسة ريلها]

حبيبتي انا بقولج عن تجربة رفيجتي نفس حالتج عندها هرمون الحليب كلا مرتفع ولما تاخذ علاج ينزل ولما تتركه يرتفع تأذت منه عاد انصحتها دكتورتها انها تكمل عالعلاج ليييين تحمل يعني كانت تاخذ نص حبه كل اسبوع لمدة شهر بعدين خلتها نص حبه كل اسبوعين لييين حملت تبارك الرحمن..

 

[كبرياء الروح0]

مشكورين حبايب قلبي ...

لا حرمني الله منكم ..