عندي تكليف ( تقييم قصه ) شنو تنصحوني اقييم ؟

[c00L G!RL]

السلام عليكم و رحمة الله و بركاته :eh_s(17):

شخباركم عساكم بخيررر :eh_s(22):

حبايبي انا طالبه و عندي تكليف و هو تقييم قصه دسمه شوي و تكون اكثر من 5 صفحات و اقل من 50 صفحه .. :eh_s(10):
لازم اقيمها من الناحيه الشكليه و الفكريه و اللغويه :eh_s(11):

المهم .:
ابي رايكم و اقتراحاتكم حول اي قصه اختار ؟ خصوصا اني مفكره اشتري القصه من معرض الكتاب اذا افتتح ان شاء الله

اتمنى انكم تساعدوني و شكرا مقدما :eh_s(8):​

 

[نبض الجود]

مآتوقع بتلآقين كتآب او روآيه اقل من 50 صفحه !
الا اذا كآن كتآب عبآره عن مجموعه قصصيه صغيره .،

،

والقصه اللي مطلوب عليكم اتقيمونها شنو لازم يكون نوعهآ ، خليجيه او عربيه او عالميه مترجمه ؟​

 

[blue ocean]

نصيحتي لج اختاري قصه خفيفه .. يعني في كتّاب تتعبين وانتي تقرين لهم ..​

يستخدمون محسنات بديعيه وسجع وطباق ووو يتعبونج وتضيعين وانتي تقرين هذا غير اللغه مالتهم تكون قويه​

هذا الشي زين وحلو وله محبينه بس مانصحج تختارين قصه جذي .. في كتّاب اسلوبهم سلس ومرن ويوصل لكل الناس والاعمار​

وبما ان صعب تلقين قصه اقل من 50 صفحه الا يمكن قصص الاطفال اللي ماتبينها فا انصحج بكتب ماتقل عن 100 او ميتين​

صفحه .. اعتقد الكاتب عبدالله النشمي عنده والكاتبه وسميه العنزي اذا ماني غلطانه جني قاريتلهم كتب خفيفه​

موفقه باختيارج ..​

 

[Italian]

كتابات ميس خالد العثمان صغيرة. جيكي عليهم برابطة الادباء بالمعرض

الله يووووفقج

 

[Little_Queen]

اختاري قصة قصيرة من مجموعة قصصية

عندج "هناك رجل" لأميره عامر .. قصص قصيره لكن فوق ال5 صفحات غالبيتها . من دار مدارك ..
( الكتاب نفسه اسمه هناك رجل ، و لا توجد به قصة بهذا الاسم ، كل القصص تدور حول محور الرجل في الحياه ، كل قصة فيها رجل لكن بدور مختلف و بشكل مختلف و بوجود مختلف ) .. جدير بالاهتمام


عندج ايضا " كعيبر" لعبدالله العتيبي .. قصص قصيره و اكثر من 5 صفحات .. ماعندي فكره وين ممكن تحصلينها لانها مو من دار نشر معينه لكن تواصلي مع الكاتب على هالايميل [email protected]
( القصص اغلبها جميل و سهل اختاري الي تعجبج منهم )

الاصدارين الي فوق اهما اللي في بالي حاليا .. اسلوب سهل و سلس و قضايا قصصهم فيها افكار مثيره ..

و اذا بتروحين معرض الكتاب .. انصحج بجناح رابطة الادباء بتحصلين عندهم كميه وفيرة جدا من الاصدارات القصصية لكتاب القصة في الكويت ..

 

[ام غازي 2012]

اب اب اب