عندي حاليا 68 كتاب ..

[( مي )]

شلونكم بنات















عندي حاليا 68
كتاب
الكتب اللي أفضلها نوعين
كتب تنمية الشخصية وتربية الأطفال + كتب الحياة الزوجية مثل كتب فوزية الدريع

يمكن أفضل كتاب قريته وحسيت أنه صج غيّـر فيني شي ،، لاني وانا اقراه احس انه مكتوب لي أنا بس ههههه ، لأن أمثلته تعبر عني أهو كتاب

( لا تكون لطيفا أكثر من اللازم )



وحاليا طاق براسي كتاب ( أهوال يوم القيامة )


عقب كل هالكلام
بقولكم مشكلتي
اللي اهي
مستحييييييييييييييييييييل أخلص كتاب كامل الا بعد معاناة يمكن اضل شهر اقراه كل جم يوم جم صفحة
بسبب الدوام الصبح ، واليهال بعد الدوام ، عقب ما ينامون أقعد مع زوجي ، واذا طلع اشوف التلفزيون او اللاب توب

مع اني اموت عالكتب ،، وغرامي أدخل فيرجن المارينا يمر الوقت وانا انبش بالكتب احس صج أستانس

ابس بيكم تعطوني اقتراحات
انتوا شلون تخلصون كتبكم ؟ بالذات اذا كان كتاب كبير ودسم مثل كتاب النساء من الزهرة والرجال من المريخ ، او كتاب اللمس لفوزية الدريع ، أو بعض الكتب النفسية وتنمية الشخصية الدسمة واللي يبيلها تركيز وصفحاتها وايد

وعندي رواية
الجانب الآخر لمنتصف الليل



من زمااااااااااااااااااااااان عندي بس مو قادرة اتفرغ لها لانها كبيرة ( ياريت اللي قروها يقولون لي اذا تسوى أقراها ولا لأ :bbbiu: )


وناطرة حلولكم بأفضل طريقة تخلصون فيها الكتب بالذات الدسمة

:eh_s(7):​

 

[ليلو جبريت]

رد : عندي حاليا 68 كتاب ..

بصراحه انا لما اقراء كتاب ما احب اتركه لين اخلص منه الا في حاله وحده اذا كان مو حلو
ويمكن انتي تختارين كتب ماتناسب ميولج عشان جي تملين مثلا انا لما قرايت لبثينة ماقدرت اخلصها ورميتها غير لما قرايت لاثير يمكن تميت ماسكه لكتاب من الساعه 11 لي العصر وخلصت منه لان يشد

دوري كتب تشدج وبالنسبة لسيدني اليوم فتحت روايته السماء تتهاوى واحس اسلوبه وايد حلو ويشد
انتي حاولي تقراين قبل النوم ​

 

[فرقى ولايف ..]

أهلاً مي ^_^

إذا الكتاب كان كبير و دسم..
أعطي نفسي مُسبقاً مدة محددة للانتهاء من قراءته..

و ما أقراه بمكان واحد ..

مثلاً أبلّش الجمعة الصبح
وأقعد بالصالة أبطّل الدرايش إذا الجوّ حلوّ
وأستمتع بالهدوء والقهوة والقراءة ..

بعدين أوّقف وأكمل السبت العصر مثلاً بس بصالة ثانية أو بداري ..

وحتى لو مع أهلي أقرأ منه وكل شوية أوقّف وأقول لهم تدروووون ؟
وأخرّ لهم المعلومات اللي قريتها .. عاد تعالي شوفي الشخال >_<
لأني كله داشة بوقت غلط ومقطّعة سوالفهم

وأكمله الأحد بالطريج لي الجامعة لأني أروح مع السايق
وأقرى بطريج الردة، وإذا كان حجمه زين أنزّله معاي
وأقرا منّه بالمحاضرات المليقة والجامدة ..

و جذي كل مرة أغيّر مكاني فـَ بالتغيير ما أملّ وأخلصه بسرعة ..

 

[( مي )]

الله يعطيكم العافية بنات


بالعكس ليلى انا اشتري الكتاب اللي بالضبط نفس ميولي

فرقى ولايف
يمكن انتي متفرغة أكثر مني ،، لا زوج ولا عيال :bbbiu: الله يوفقج حياتي بدراستج

بنات
المشكلة مو اني اتملل من القراءة ،، لأ
المشكلة اني اتملل من كثر مقاطعتي وانا اقرا
ماعندي وقتي الخاص للقراءة


يكني مثلا عندي كتابين ابي اقراهم ماني قادرة ،، ويبيلهم هدووووووووووء وذهن صااااااااااااافي وتركيز

الكتاب الأول

قوة عقلك الباطن للدكتور إيان ماكماهان ،، شلون تستخدمين العقل الباطن والإيحاء بتنفيذ أمور تتمنينها



الكتاب الثاني بس باللغة العربية ( تعلم الطريقة الصينية لقراءة الوجه وغير حياتك _ حكمة وجهك ) ل جين هانر



وهالكتابين تقريبا كلهم بحدود ال 300 صفحة او 280 صفحة ،، بس ماني قادرة اتفرغ لهم
واي ببجي :eh_s(11):

مع ان ابي اقراااااااااااااااااااااهم
:eh_s(16):​

 

[ليلو جبريت]

رد : عندي حاليا 68 كتاب ..

صح اكره شي حد يقاطعج وانتي تقراين

عشان جي انا انبه الكل لما امسك كتاب لاحد يكلمني او تحملوا عصبيتي واحط سماعات عشان محد يزعجني

ولا تقراين كتابين في نفس الوقت امسكي واحد وبعد ماتخلصين ابتدي فالثاني وخلي جمبج الورق الاصفر الي يلصق وقلم عشان تحطين ملاحظاتج عن لكتاب لان هالنوع من الكتب اعتبرها كمرجع يعني تقدرين تستعيني فيها مره ثانيه وثالثه ورابعه

 

[رحيل المرافيء]

رد : عندي حاليا 68 كتاب ..

اقريهم بليل قبل النوم اليهال نايمين وريلج نايم
او توه مارجع من براااا
هذا افضل وقت
ما احب اقرى بالنهار ابد كله بليل وبالفراش اتسدح واتبطح ما اعرف اقرى وانا قاعدة لووووووول ما اركز

 

[عهود الحب]

رد : عندي حاليا 68 كتاب ..

تتهنين فيهم يارب

 

[LUXURY]

شوفي حبيبتي
مافيها شئ قبل لا تنامين تقرينلج 20-30 صفحه كل يوم
خليه واجب يومي وبتتعودين
ماعتقد ريلج بيتضايق بتكونين قاعده معاه وخلصتي وصار وقت النوم وتقرين
بهالطريقه تاخذين عالكتاب اسبوعين عالكثير ويخلص باذن الله
وشدي حيلج وخلصيهم

 

[أم روعة]

انا غالبا اقرا بالليل قبل النوم بفراشي يكون هدوء والكل نايم ... بس اذا شدني الكتاب حيل اخذه معاي كل مكان واخلصه بيومين او ثلاثه بالكثير
وطبعا قراءتي قلت عن قبل مع الزواج واليهال ... وخصووووصا الانترنت ماخذني عن القراءه شوي

 

[أم روعة]

انا غالبا اقرا بالليل قبل النوم بفراشي يكون هدوء والكل نايم ... بس اذا شدني الكتاب حيل اخذه معاي كل مكان واخلصه بيومين او ثلاثه بالكثير
وطبعا قراءتي قلت عن قبل مع الزواج واليهال ... وخصووووصا الانترنت ماخذني عن القراءه شوي

 

[( مي )]

تسلمون بنات

عاد الجو اليوم صج صج صج مال مشترى كتب
لووول​

 

[ليلو جبريت]

رد : عندي حاليا 68 كتاب ..

خذي رواية احببتك اكثر مما ينبغي

 

[غزاله شارده]

رد : عندي حاليا 68 كتاب ..

انا عادة اقرا بالليل قبل النوم لين ما عيوني
خلاص ماكو مجال افتحهم اغلق الكتاب وانام
بس طبعا الكتاب يشدني

 

[( مي )]

أمس بنات شريت كتابين
واحد لمحمد العريفي ( نهاية العالم )
يتكلم عن العلامات الكبرى والصغرى ليوم القيامة ويعتبر أول متاب مصور بهذي المواضيع



الكتاب الثاني
ذا سيكرت
كل مرة اشوفه في فيرجن واقول ياربي شنو هالكتاب !!!!! لأنه مشكلته أنه مغلف ،، واشوفه بالمكتبة وهم اطيح فيه خز ههههه
عاد آخر شي شريته واللي فيها فيها هههه



بديت أقراه واعجبتني طريقة التفكير اللي فيه ،، يشجع على التفاؤل
بس طبعا حسيته بعيييييييييد عن شي اسمه ( القضاء والقدر وأن الله كاتب لج هالشي )
واتوقع القدر موجود عند كل الديانات مو بس عند المسلمين
الا ان الكتاب مو صوب هالشي كللللششششش

وان حاضرنا وماضينا عبارة عن طريقة تفكيرنا اللي نجذي فيه أمور شبيهه للي نفكر فيه

انا للحين ما كملته وما أدري شنو بقرا فيه بعد ​

 

[غروري بطيبتي]

كتاب العريفي بيشدج وان شاءالله تخلصينه بسرعه لان المعلومات اللي فيه مهمه

والسر كثير ذموه كنت ناويه اشتريه وهونت بعد الذم

ورجال من المريخ نساء من الزهره ذكرته من مشاركتي بموضوعج لا يكون فتحت جروحج وانا مادري
شوفي هالكتاب اول مابطلته حسيته ملل
اقريه من النص بعدين بيشدج بعدين ردي اقري البدايه عرفتي
اهو الكاتب مطول فيه لانه مخليه على شكل قصه خياليه
بس الاشياء المهمه اللي يكون مقسمها
لما ذاكر ان الرجل يفعل كذا اذا قصده كذا والمراه تقول كذا وتظن بها شي اخر
عرفتي عن اي جزء اتكلم

وصدقيني اهم شي المزاج انا مو متزوجه وعندي وقت فراغ بس مالي خلق اقرا كلش

على نفسيتج مشتهيه تقرين كتاب بتخلصينه

 

[lailosh]

اول مره اشوفج بمكان غير عن الحياة الزوجيه

لا تاخذين كتب كبيره اذا ما عندج وقت واذا ودج فيه اقري كل يوم جم صفحة قبل ما تنامين او بالسياره اذا في احد يسوق او اماكن الاستراحه

والكتب الي نقيتيهم حلوين عليج بالعافيه

واخر كتاب رووعه واصحج فيه وما راح تقدرين تهدينه كان لي معاه ذيكريات وتاثرت فيه وايد

قراءه ممتعه ^^

 

[وهج الحب]

السلام :
حبيبتي الزمي نفسك كل يوم كم صفحة اخذيها من حساب النت ..او خلي يوم للنت ويوم للقراءة ..وحطي اعزكم الله جميعا الكتاب بالحمام واقريه اذا جلستي بالحمام ..يعني مثل انا اذا الكتاب بايخ جدا جدا احطة بالحمام واقراة اذا دخلت الحمام ..
بس اهم شئ الزمي نفسك كل يوم او يوم ايه ويوم ترك بعدة صفحات او فصل تخلصينه ...النت مش لازم تجلسين عليه كل يوم ..

 

[راعية الطويلة]

أحب العمل إلى الله أدومه و إن قل
يعني حطي أقل قدر ممكن إنج تقرينه في اليوم
و بجذي
بتنمين هوايتج و تمارسينها
الله يوفقج الغالية

 

[( مي )]

lailosh
إي انحرفت قمت ادخل أقسام ثانية هههههههه


الله يعطيكم العافية بنات على اقتراحاتكم ​

 

[رفرف]

حدديلج وقت حقج مقج .. اذا صعب بالبيت طلعي بره البيت كافيه او مكان هادي يمج قهوتج مثلا تقعدين نص ساعة او ساعة مرتين او حتى لو مرة بالاسبوع تقرين على راحتج ومحد يقاطعج وهم تاخذين نفس من اليهال وتردين نفسيتج احسن..

عادة هالوقت يكون لما كتاكيتي يزورون مع ابوهم او يكونون نايمين مبجر ايام المدارس