عندي حلم غريب وابي تفسيره ضروري ضروري ادشون جزاكم الله خير

[شقره كيوت]

السلام عليكم شلونكم خواتي ...



الله يسلمكم رفيجتي حاامل .. توها باول الاشهر وتقول حلمت حلم غريب ومن يومها تعبانه وتحاتي من كثر التفكير ...

اللهم اجعله خير .. اللهم اجعله خير .. اللهم اجعله خير

عفيه بنات ولا تفسرون من كيفكم لان سمعت مو زين والله اعلم !

الحلم الاول : (اختها احلمت فيها)
تقول اخت رفيجتي : حلمن انها يايتني ولا تشوف بيدي سوااره وتقوم رفيجتي تحن على اختها ابيها ابيها ابي السواره واهيا مو راضيه جان تقوم اختها تشيل السواره تحطه بيدها !!

الحلم الثاني : (رفيجتي حلمانه بنفسها)
رفيجتي حلمت ان بطنها كبيره جنها حامل ب6 او 7 او 8 اشهر المهم انها اكبر من بطنها (بالصج)
وكانت لمن اطالع بطنها اتشوف شي يتحرك ببطنها (يعني شي غريب يدز بطنها من داخل ويخلي شكل بطنها جنه طالع لها (صعروره) من نواحي ابطنها )يعني مو مكوره بطنها من الشي اللي يتحرك داخل ! وتحس بألم !! قامت شافت اهلها وريلها وتقولهم شوفو بطني وحدها خايفه ومتعوره يوم ورتهم بطنها ولا... بسم الله الرحمن الرحيم ... بطنها (منخفسه) شكلها تقول يخرررررررع .. وتبجي ويودونها الطبيب ولا تشوف دكتورها اللي ولدها من قبل جان يقولها انتي اجهضتي ولازم عمليه .....


وبس هذا اللي اتذكره ومسكينه نفسيتها صااااااارت زفت !!
يا ريت لو تفسرونه عشان انطمنها !! :eh_s(7):

 

[souhaila]

خليها تخرج صدقة
انا حلمت يومين ورى بعض بنتي تطيح على راسها و كل الحلم ابكي و متضايقة و اقوم متخرعة اركض اشوف بنتي نايمة في امان في سريرها
و ثالث يوم بالفعل بنتي طاحت من السرير على راسها وندمت لاني ما تصدقت عليها هاليومين
خليها تتصدق ممكن فيها عين ولا واحد حاسدها

 

[American.Life]

الحلم الأول الأول يدل إنها حامل في بنت والله أعلم

 

[iLLuMinaTion]

الشيخ صالح النهام

 

[شقره كيوت]

يعني 34 وحده ادش وماكو الا جم رد !!!
تره مو حاطه موضوع للطماااشه ... وانا طالبتكم عفيه ردو علييي

 

[QYtiya.com]

المفروووض ماتحطينه عالعام لانه الحلم يتفسر على اول تفسير يعني لو اي وحده تفسره وهي موعاارفه شي بالتفسير يمكن يصير تفسيرها

دزي مسج للخوان ام وليد و فرفشه منعنشه مايقصرووون الله يجزاهم خيير وعندهم خبره بالتفسير

 

[شقره كيوت]

انزين بنات شلون اتواصل مع الشيخ صالح النهام؟؟؟

 

[شقره كيوت]

فرفشه ومنعشه
وام وليد
شاون احصلهم ابي ادز لهم الحلم جزاكم الله خير

 

[rtoj]

اهم شي طلعي صدقه


بس حلمج انا اشوفه عادي لاني اول ما حملت كنت كله اتحلم احلام مزعجه وتخرع .. يمكن من كثر المحاتاه والتفكير

 

[توكلت على الله 22]

مادري
اللهم اجعله خير

بس حبيت ارفع لج الموضوع

 

[برميت]

احلام الحامل مو كلها تصدق
مسكينه من التعب و السهر و المحاتاه تصير افلام

انا طول حملي احمل اني اطير و اشدخ بالارض و ينزل علي دم و تطيح اسناني
بس ماكنت اقول حق احد ..

لا تخاف ... قوليلها اشلون تخافين من قضاء الله و قدره ..الله الي خلقه و بث فيه الروح و ربج اهو الي يحفظه لج ان شاءالله