عندي خمسة الاف....شسوي فيهم شوروا علي

[المحاره]

انا اقول لج صويلج مشغل وجيبي 2فلبينيه وسويه بالبيت وراح تكسبين ان شاء الله وأدعي لي الله يوفقني ويشافيني

 

[انوار الفهيد]

حبيبتى أشترى لج أرض بالسعوديه بالمناطق القريبه من الكويت وسعر الارض 2000 دينار وخليها فتره بعدين بيعيها أنا مجربه فيها فايده كبيره وربح والله يوفقج وأذا تبين أى مساعده أنا حاضره أرسلى على الخاص

 

[قطوه ورديه]

اشتري بيت وخليه للتاجير

 

[brettey]

اضمن شي العقار
او وديعه
لاتخاطرين بشي ثاني وانتي شايف الازمه الاقتصاديه
الله يبارك لج فيهم

 

[سرب النوارس]

شوفي يالغاليه اولا خلي 3000 وديعه وهالشيء اضمن لج و200 دشي شريكه لصالون وادرسي عدل هالمشروع قبل تجازفين
انا ادور شريكه لي بسوي لي صالون بس باخذه علي ضمان يعني باخذه لمدة سنه وبدفع الصاحبه 150 كل شهر صاحبه رفيج اخوي
وودي ادرس مشروع عدل قبل كل شي وعسى ربي يوفقنا يارب

 

[espresso]

إذا تعرفين بالبورصة ... حطيهم في شركة زينة بس الحين خسرانة و الاقتصاد يبيله حول السنة ونص سنتين و يرد يضرب فوق

آنا متابعة اوبرا ومستشارتها المالية ... قالت في حلقة من حلقاتها اللي عنده كاش و ما يبيه ألحين ألحين خل يدخله في البورصة .. وتقول راح تسمعون اسامي مليونيرية جداد في السنتسن اليايين ..
قلت هالكلام حق أبوي .. قال صحيح الناس تستغل الشركات الزينة اللي طاحت أسعارها و تشتري و بعدين تنطر تبيع

تصوري سهم تشترينه ب 70 فلس أو 50 يصير عقب سنتين 200 فلس يعني تقريبا ثلاث دبلات
لو تحطين 5 آلاف تصير ... *3 = 15 ألف

اللهم وفق وبارك

 

[@hawazen najed@]

حبيباتي انا اخذت لي قرض بقيمة 5000

وابي استفيد منه.....ابي من هالمبلغ مردود شهري
لا تقولون وديعه.............او بضايع من الانترنت
عطوني مشروع

انا من رايي تعطينياااااااااااااهم لووووووووول صدقه يابنت الحلال

تكفين اضحكي لا تكفخيني