عندي شهادة إعاقه لولدي وبعدين ؟؟؟؟

[سارا ديور]

السلام عليكم ورحمة الله وبركاته

ولدي فيه تأخر في النطق عمره الحين 6 وثمان شهور

توها تطلع له شهادة الإعاقه

شخصو له

تأخر شامل بسيط في التطور اللغوي

مع العلم الحمدلله

قام يتكلم لغة عربيه فصحى

مثل سفونج بوب

الحين السؤال

شنو اسوي

اشلون ادخل ولدي مدرسه خاصه تابعه لشؤون المعاقين ؟ ومتي التسجيل ؟

واي مدرسه التعليم فيها بالعربي؟

وشنو حقوقه كطفل يحمل شهادة إعاقه

وشاكره لكم حبيباتي​

 

[النشبه]

ياريت اقدر افيدج

انشالله الله يشافيه ويعافيه ويحرسه

وان شالله تقدرين ترتبين له اللي يناسبه

الله يخلي لكم عيالكم

 

[غلا-زوجي]

حبيبتي تختارين مدرسه قريبه منج وتتأكدين ان فيها اخصائيه تخاطب
تودين معاج
شهاده الاعاقه
موافقه المجلس الطبيه
صور 4-6
صورة عن جوازة وجنسيته و شهاده ميلاده
وصور عن كل تقاريرة الطبيه اللي عندج
وورقه صغيرة كتبي فيها اسماء الادويه اللي ياخذها

والله يشافيه ..

 

[سارا ديور]

حبيبتي تختارين مدرسه قريبه منج وتتأكدين ان فيها اخصائيه تخاطب
تودين معاج
شهاده الاعاقه
موافقه المجلس الطبيه
صور 4-6
صورة عن جوازة وجنسيته و شهاده ميلاده
وصور عن كل تقاريرة الطبيه اللي عندج
وورقه صغيرة كتبي فيها اسماء الادويه اللي ياخذها

والله يشافيه ..

مشكوره حبيبتي

بس شنو موافقة المجلس الطبيه

وبعدين اهوا ما عنده جنسيه توا صغير علي جنسيتي وعلي جنسية ابوه

والحمدلله ماعنده علاج

 

[غلا-زوجي]

اذا كان كويتي اقصد فالمجلس يعطيه موافقه ورقه موافقع عشان يدش اي مدرسه على حساي الدوله بكامل المصاريف اما اذا كان مو كويتي فأنتي تتكفلين بمصاريف دراسته..

 

[سارا ديور]

لا كويتيين الحمدلله

 

[غلا-زوجي]

خل افيدج بمعلومة بسيطة لولدج..
لما تكلمينة خل يطالع شفايفج وانتي مقطي شفايفج خل يشوف حركة الشفايف مع التهجأه واذا مارضى مسكية من حنجه خل يشوف حلجج وكرري الكلمه خل يقول وراج هالشي يسااااااعد واااايد
ثاني شغله بالجمعيات تعرفين الصابون النفخ (الببلز) اللي صابون سائل وننفخ يطلع فقاقيع ... خل ينفخ فيه يساعده على سرعه النطق ويمرن فكه بعياده التخاطب لازم يستخدمونه

 

[اوراد جاسم]

اعتقد ان وجود شهادة الاعاقة من المجلس هذه اهم شيء لا استطيع ان افيدك في هذا
ولكن افيدك في نقطة ثانية وهي ان المجلس يعطيكي كشف باسماء المدارس التابعة له وبها قسم لذوي الاحتياجات ويمكن ان تزوري هذه المدارسة وتشاهديها وتقرري في اي مدرسة تقدمي فيها والدوام الرسمي للمعلمين يبدأ 5\9 فحاولي ان تسجيلي حتي يبدأ الطفل مع بداية العام الدراسي للطلاب لان اليوم بيفرق في تطور الطفل وإنشاء الله سوف يتقدم في الجانب اللغوي مدام انة يستطيع ان ينطق كلمات ويتواصل بها فالدمج مع الاطفال سوف ينمي اللغة اكثر بالاضافة طبعا الي التدريس بوسائل تعليمية والبرنامج الذي يعد له

 

[الصابرة المحتسبة]

وعليكم السلام

تفضلي

@@@كل مايخص الهيئة العامة لشئوون ذوي الإعاقة@@@استفسارات -أخبار- متجدد

المستندات المطلوبة لفتح ملف تعليمي ‏

((ألف مبروووك اقرار قانون المعاقين))تم دمج جميع المواضيع + الإستفسارات


أرقام المدارس العربية وثنائية اللغة التي تندرج تحت مظلة الهيئة العامة