عندي لكم غسول للوجه عجيب بس غالي .. عندكم بديل له؟؟

[نور^عيونه]

مرحبا صبايا

بغيت اسألكم عن غسول للوجه .. يشيل الفاونديشن والمكياج اللي ضد الماي .. نفس استي لاودر .. و ديور .. وماك اللونغ وير فاونديشن .. لاني ماحب ادعك وجهي بكريمات ومنظفات وبعدين اغسل وجهي .. احب ع طول اغسله بماي وغسول عشان اتحاشي الدعك والشد والجذب ههههاي

قبل كنت استخدم نيفيا .. ينظف مكياج العين بس الفاونديشن الثقيل يتم مايروح :eh_s(4):

بعدين استخدمت من ((ماتيس)) غسول واااااايد حلو .. صج صج يشيل المكياج وينظف البشرة
حتى اثقل اساس يشيله بس مشكلته سعره فوق ال 200 :eh_s(16):

هذي صورته

اللي عندها شي نفس مواصفات المزيون اعلاه بس بسعر احسن تقولي ... :eh_s(22):

 

[الأميرة جوري]

200شنو؟؟ريال والادينار<<<مصدومه!!!!

 

[رمـــانـــه]

200 دينار @@ ولا ريال ولا درهم؟
جربي من قارنيه الملك وتالي التونيك يشيل اللي ماينشال ورقيق عالبشره وعلى فكره فيه للبشره العاديه والمختلطه اللي لونه اخضر وفيه اللون الوردي جنه للبشره الحساسه شي جذي اخذي اللي يناسب بشرتج واخذي مرطبهم عجيبين انا طحت عليهم من فتره وبشرتي تينن صارت افضل من الغسول والصابون اللي دمر بشرتي عالمدى الطويل

 

[نور^عيونه]

الأميرة جوري

200 ريال مو دينار خخخخخخ

Bentحبيبها

والله فكرة غارنييه وايد اسمع انه حلو .. مشكورة ذكرتيني فيه

 

[درة أهل الطولات]

جربي غارنية انا احبه

 

[OM-TURKY]

انا استخدم كلينك الاخضر عجيييييييييييييييييييب​

 

[ضماي هو وهناي]

في مثله يشيل الميك اب من اول مره بس والله مااذكر شنوو اسمه لانه الحين خاااااالص للاسف وبصراحه فقدته لانه يوفر لي وقت وااااايد

اخذته من عياده بيلا كلينك من الدكتوره ميسون ولقيته بصيدليه الشاميه لونه اخضر وسعره بست دنانير ويستاهل اكثر,,,,,,لما رحت مره ثانيه باخذ منه للاسف شايلينه عن مكانه .... ومالي خلق اسأل لان هناك المندوبين والمندوبات يبطون الجبد صج .
وجيرلان 18 دينار ونفس النتيجه ....

 

[&موناليزا&]

عزيزتي رفع لعيوووووووونج

 

[عذووبة]

ضماهي هو وهناي اتوقع تقصدين غسول الويه الي اسمه perfect O
خوش غسول طبي ويفتح البقع ووايد زين للحبوب

 

[نور^عيونه]

درة أهل الطولات
مشكورة ع الرد حياتي

OM-TURKY
بشوف كلينيك بعد .. تسلمين ع المرور

ضماي هو وهناي
ممم ياليت لو تعرفين اسمه لاني مو من الكويت .. بس بعد كلج ذوق ومشكورة ع الرد ..

&موناليزا&
رفع الله قدرج

عذووبة
بدوره ياليت احصله شكله حلو من مدحكم له ..