عندي مشكلة وهــم مايعلم فيه الا ربي

[ابي حضن يضمني]

السلام عليكم ورحمة الله وبركاته
اليوم حبيت اتكلم معاكم واتمنى انكم تقدرون تساعدوني حتى لو بدعوه عن ظهر غيب
انا مطلقه من 4 او 5 سنوات " ملجه بس " وطبعا المطلقه عند بعض المجتمعات عار على اهلها ومجتمعي كذا
عندهم البنت ماتتطلق الا من عيب فيها ، مع ان الكل يدري اني انظلمت وتعذبت على ماتطلقت
المهم بدخل بمشكلتي الرئيسيه
انا كل احلم باحلام غريبه وتخووف ومره فسر لي شيخ احلامي وقال ان معي "تـــابـــعـــة " هذه التابعة تمنعني من النصيب حتى لو اتزوج برجع اتطلق
وفي شيخ ثاني فسر احلامي يقول معي عين قويه وحسد
ومو عارفه كيف اتعالج والا شلون اتصرف
تكفون ياجماعه اذا في احد فيكم يعرف شنهو حل مشكلتي يعلمني لاني محتارة ومو عارفه كيف اتصرف وودي بالستر مابي اكبر اكثر بدون زواج اتمنى تروح العين او التابعه اللي فيني عشان ربي يستر علي ويعوضني وارتاح من شماتته الناس ونظراتها اللي ماترحم .

 

[مها يعقوب]

حبيبتي مو كل شي ينقال يتصدق خلي ايمانج بالله قوي وصلي واقري قران واستخيري وماكو اله الا فيه وموكل شي يتفسر يطلع صج

 

[اسيل الصمت]

حببيبتي الله يكون بعونج
ياقلبي لازم تسالين المختصين دقي على شيخ افضل

ربي يوفقج ويكتب لج اللي فيه الخير يارب

 

[miss.unique]

انا عرف وحده كانت عندها تابعة
بس راحت عند شيخ يقرى عليها وعطاها ادعية وجذي و صارت زينة

حالتج لها علاج

 

[لمى الهاجري]

شوفي تسبحين بسدر مطحون وملح كل يوم بعد صلاة العصر تملين البانيو وبسدر مطحون ملح بس جسمج بدون شعرج وتجبين زيت زيتون وتقريت عليه وتدهنين فيه جسمج او تخلين شيخ يقرا على زيت الزيتون ويقرا على الماي وتشربينه وتنثرين بالغرفة ملح وماي مقري عليه

 

[اشلون يعني &]

اسهل شيء بالدنيا هو تفسير الاحلام
حتى مدامعها نيري اذا عطيتيها وجهه بحلمك بالسبت على مزاجها
لاتصدقيين تجار الأوهام

الحل الي يشفى ويجيب الحظ ويقضى على كل امر هو ثلاث اشياء
الاستغفار
الدعاء
القران
رمزي عليهم وينفرج همج

 

[ليه الجفآ]

اقري عند شيــخ ..

واكثري استغفار .. موفقه ان شاءالله ..



..​

 

[راقية بذوقها]

اول شي الله يشفيج ولازم تتاكدين عند شيخ يمكن يكون مافيج شي ثاني شي اذا كنتي فعلا محسوده بنصحج باشياء وعن تجربه اقري سوره البقره يوميا ثاني شي جيبي زيت زيتون ومسك اسود واقري عليه ايات الرقيه اخذيها من النت وتدهني فيها قبل النوم كل يوم ثالثا سمعي كل يوم بالمايك عندج الرقيه بالبيتيوب شوفي الرابط حقي دخليه رقيه مفيده ان شاءالله او سمعي لرقيه السديس فعاله فعلا وركعتين اخر الليل صلي وادعي واهم شي الثقه بالله انج راح تشفين وكثري من الاستغفار وقول لاحول ولا قوه الا بالله وعندج السدر تسبحي فيه دايما صدقيني اذا طبقتي اللي قلته لج مع التوكل والثقه بالله راح تشفين وسورة الرحمن والحشر والصافات والواقعه ركزي عليهم وربي يشفيج وادعيلي لاني للحين اتعالج بس تحسنت الحمدلله بفظل ربي

 

[Dr.Genius]

شوفي حبيبتي مــــافي شي يحميك ولآ يبعد عن آي شر بذي الدنيـا غير الله سبحانه وتعالى قادره على شفـائك وقـادر على إبتــــلائك

قوي علاقتك بربك شوفي صلآتك وحـافظي عليهـا والتحصين والدعـاء وقيام الليل وسورة البقرة لهــــــا تأثير كبير دآومي على قرآتهـا وقيام الليل والدعــــــاء بصدق نيـــــــــه وإن شاء الله حيـاتك تتغير للأحســـــن حبيبتي

ومـــــــاتدرين يمكن كل تأخيره وفيهـا خيره ومــــــاتدرين كمآن وين الخير مكتوب لك وأدعي الله دايم والله يسعدك دنيـاه وآخره ويبعد عنك كل شر حبوبه
وبشريني عنك

 

[تحت ظلك]

أتمنى موضوعي يفيدج

http://www.q8yat.com/t995100.html

 

[♥ SWeeRa ♥]

شنو يعني تابعه .!!

 

[الهنوؤوفـ]

انا انصحج تروحي عند مطوع وافضل انج ما تتاخري لان كل ما تاخرتي تقوى العين

واقري سورة البقرة لمدة45يوم وكثري من الاستغفار وسبحان الله والحمدلله ولا اله الا الله والله اكبر ولا حول ولا قوة الا بالله وان شاء الله ما يمر الشهر الا وانتي مبشرتنا يااااااااااارب

لج منا اختي كل الدعاء

لا اله الا الله محمد رسول الله

 

[ابي حضن يضمني]

مشكورين وماقصرتوا
قريت سورة البقرة لمده 40 يوم وتحسنت شوي والحين صار لي فتره مداومه عليها كل يوم اسمعها والا ستغفار ملازمته ولله الحمد
الحين ودي اروح ل شيخ يقرأ علي او مطوعه بس مشكلتي ماعرف شيوخ الا مفسرين احلام وبس
عشان كذا مالي الا الرقيه عن طريق النت مثل ماقلتوا لي " وجزاكم الله خير "


اذا عندكم نصايح اكثر تكفون لاتبخلون علي

 

[_كلي دلع_]

الله يشفيج ..

بس إستممري ع سورة البقره ورقي نفسج عندج الرقية للتدكتور الشيخ عبد الله السدحان ..^

 

[زعنوفه]

حببيبتي الله يكون بعونج
ياقلبي لازم تسالين المختصين دقي على شيخ افضل

ربي يوفقج ويكتب لج اللي فيه الخير يارب​

 

[معزوفة عشق&]

الزمي سورة البقره قراءة واستماع
وحملي الرقيه الشرعيه بعد قراءة واستماع

 

[Patcholli]

عليج بالرقيه الشرعيه والاغتسال بالملح الخشن ..

 

[Tom ♥ Jerry]

.

عليج بسورة البقره كل يوم
و الاستغفار و الدعاء و المحافظه على الصلاه

 

[نونه المنكوشه]

الله يرزقج بولد الحلال اللى يسعدج وحبيبتى ع اى اساس صدقتيها اتكلى ع الله ومافيج اله العافيه انا مره دقيت ع مفسره وقالتلى انتى داسه ع شى مادرى شنو خربطة على وماصدقتها لانى انا الحمدالله متكله ع الله ودايم اقره الاذكار واللى الله كاتبه بسير لاتوسووسين (قل لن يصيبنا اله ماكتب الله لنا ) وعيشى حياتج والوحده شتسوى اتموت يعنى بعد هذا نصيبها تاخذ واحد عوى مالج شغل بنظرت الناس عيشى حياتج وخلى عندج يقين الله الرزاق كلامهم لابيجدم ولاياخر وموفقه

 

[قمر بيت أبوها]

ياروحي ماعليك من كلام الناس مااحد سالم منهم لا متزوجه ولا مطلقه
أهم شي ياروحي توكلي علي الله وافعلي الاسباب وغيره لاتوسوسين
الله يوفقك ويسعدك يالغلا