عندي مشكلتين مادري صحيه او نفسيه اتمنى تنصحوني يا بنات...............

[غريبه بهالدنيا]

السلام عليكم ورحمة الله وبركاته

وكل عام وانتو بخير وعساكم من عوداه


مشكلتي يابنات ابتديت ألاحظها من شهرين تقريبا وهي النسيان!

عمري 24
يمكن ضغط الدوام واني شايله مسوؤلية هالأيام فوق طاقتي
ويمكن ستريس

ماادري صرت انسى مثلا اسامي ناس كنت اعرفهم, صرت انسى شنو كنت لابسه امس!!
انسى تاريخ اليوم......

من فتره سويت فحص للدم طلع عندي انيميا حاده وعطاني الدكتور فوار حديد أخذه مرتين باليوم مع عصير البرتقال لمدة سنه على الاقل بس يا بنات طعمه يلوع الجبد وتركته:cxxxp:
معقوله من نقص الحديد في الدم الواحد ينسى؟؟

والمشكله الثانيه
هي اني ما انام نوم كافي
:ch12:
يعني اروح الفراش الساعه 11 مثلا, اظل اتقلب يمين يسار يمين يسار افكررررر بباجر بالمستقبل بحياتي بالماضي :eh_s(13): لين تصير الساعه 2 فأنام لين ال6 واصحى اروح الدوام اذا كان دوامي صباحي, واذا مسائي اصحى 8

شسوي والله تعبت بنات, لا تقولولي روحي دكتور نفسي, لاني ما رح اروح:27d66a9c24b146327bf

في احد مثلي مثلا؟؟
:eh_s(8):

 

[الباحثات عن الجمال]

أسأل الله العظيم رب العرش العظيم أن يشفيكي.
أسأل الله العظيم رب العرش العظيم أن يشفيكي.
أسأل الله العظيم رب العرش العظيم أن يشفيكي.
أسأل الله العظيم رب العرش العظيم أن يشفيكي.
أسأل الله العظيم رب العرش العظيم أن يشفيكي.
أسأل الله العظيم رب العرش العظيم أن يشفيكي.
أسأل الله العظيم رب العرش العظيم أن يشفيكي.
الموضوع سهل جدا أنتي في شيء شاغل تفكيرك ولازم تاخدي الحديد مهم جدا جدا جدا مع تاخدي 11 حبة زبيب قبل النوم مع مشروب القرنفل ممتاز وعليكي بالصلاة والصدقة وبالعافية.

 

[bibi]

أختي انتي فسرتي سبب مشكلتج ( الضغط + الأنيميا + القلق والتفكير ) والحمدالله مو محتاجة طبيب نفسي .

نقص الحديد يسبب ضعف عام وحتى النظر يكون لج عليه ويسبب عدم القدرة على التركيز وبالتالي مشكلة النسيان شي طبيعي فحالتج ، مثل

ما قالت الأخت الباحثات عن الجمال الزبيب ممتاز للحديد والفولك أسيد وخصوصا الزبيب الأسود ، كملي الكورس وتحملي طعمه وبنفس الوقت

كثري من الجبد ، الزبيب ، البقدونس وعصير البرتقال والفليفة الباردة والكيوي .

والنوم قللي فترة نومة الظهر إذا كنت تنامين ، ووقفي المنبهات من الساعة 5 وحاولي على فراشج وانتي نايمة تشغلين نفسج بالاستغفار

والتسبيح ، عشان ما تنشغلين بالتفكير .وماتشوفين شر بإذن الله .

 

[الكرملين]

رد : عندي مشكلتين مادري صحيه او نفسيه اتمنى تنصحوني يا بنات...............

ووالله انا نفسج وناس واجد من ضغوط الحياة وسرعة الزمن لاتحاتين

 

[baby soul]

رد : عندي مشكلتين مادري صحيه او نفسيه اتمنى تنصحوني يا بنات...............

انا كنت مثلج بس انسى حتى اسامي رفيجاتي هههههههه اكلت حبوب فولكرون هذي مالت الحديد عشان الدورة كلا ادوخ تعرفين !
ومن عقبها صرت ماانسى اقول شمتغير علي هههههههههههههه

 

[اغفرلي يارب]

حبيبتي سلامات ماتشوفين شر تدرين انا نفس الحاله اليوم انا ناسيه احنا اي سنه وقبل العطله المدرسه كانو مسوين استقبال لاولياء الامور والله والله نسيت صف ولدي والمدرسات الله يسامحهم يطالعون بنظره تقصير مني وانا غصبن عني بعض الاحيان وانا اسوق سيارتي انسا وما عرف افرق بين دعسة البانزين والبريك واخاف اراجع الطبيب اخاف تطلع مشكلتي كبيره
الله يكون بعون الكل يارب والبنات ماشاء الله ماقصرو كاتبين شي يطمن الحمدلله

 

[الغنج والدلع]

عادي حبيبتي انتي قلتي السبب من الضغط وقله النوم وكثرت التفكير كلنا نمر بهالشي انتي عطي نفسج بريك من كل هالامور اخذي اجازه وريحي نفسج 3 ايام ع الاقل طلعي واستانسي غيري روتينج اليومي وراح ترتاحين تلاقين المعلومات اللي كسبتيها بفتره راحتج الذهنيه ماراح تنسينها ابد وادعيلي

 

[قطووه حلووه]

رد : عندي مشكلتين مادري صحيه او نفسيه اتمنى تنصحوني يا بنات...............

الانيميا علاجها كبدة الخروووف انشاالله تحبينها بس

تخيليها ستيك خخخخخخخ والله تفيد حيييييل انا عن نفسي ماحب الخرفان بس احبهااا

 

[بالحيـل ذباحـه]

رد : عندي مشكلتين مادري صحيه او نفسيه اتمنى تنصحوني يا بنات...............

آلله يشآإفييج حبيبتي .. آما النووم انتي نفس حالتي من زمااان يعني احط راسي ع المخده الساعه 9 ما انام الا 2 وتعودت ع الحاله هذي

 

[مغرمه]

لألأ
حبيبتي عمرج 24 سنه
حرااام لسه صغيره
التزمي بالعلااااج
صدقيني الالتزام راح تشوفين نتيجته ان شاااء الله
أما اذاخربطتي صدقيني ماراح تشوفين نتيجه لو قعدتي 100 سنه تستخدمين العلاااج..
وبالنسبه للنوم حياتي انا مثلج باللضبط بس اذا كان عندي شي شااغل بالي بوقت معين
بس غيره لأ انام عادي
وساعات اطول اقعد سااعه مااناام
ونصيييييييييييييييييييحه لاتفكرين تغصبين نفسج ع النووم
رووحي سريرج وانتي خلااص مغمضه وميته نووم
والله يشااافيج حبيبتي وماعليج شر ان شااء الله..​

 

[CUTE_LIZ]

والله ياختي فقدان الذاكرة منتشر هالايام بكثرة....يعني انا احس اني شبه فاقدة للذاكرة سويت تحاليل والحمدلله سليمه ولا اعاني من انيميا وولا افكر ولا انا من النوع الوسواسي ولله الحمد ...صرت نسايه بشكل مو طبيعي مع اني كنت ذكية ونبيهه...والحين لاحول ولا قوة الا بالله....والنوم نفس الشي نفس طريقتج....لما تأكدت اني ماعندي مشاكل صحية قررت اني راح ارقي نفسي بنفسي واسوي حجامة باذن الله....وحدة قالتلي ممكن تكون عين لأن من اعراض العين النسيان اللي مو طبيعي...فقلت بلتزم ببرنامج رقية اسويه لنفسي واسوي حجامة وان شالله ترجعلي ذاكرتي وارد انام زين....
واتمنى لج كل خير وهم انتي جربي ارقي نفسج ماتدرين الحين الناس ماتعطي خير ......