السلام عليكم ... صراحه هذا اول موضوع اكتبه عادة اشارك بالردود على المواضيع بس هالمره اول مره اكتب لى موضوع او بالاحرى اهي مشكله والمشكلة هذي تجاوزت حد المشكله فى تحطيم انسانه بالكامل والانسانه بدا ينهار بيتها وكل حياتها جدام عينها وهي موقادره تسوي ولا شي كل اللى تقدر عليه حاولت تسويه ولكن بدون فايده مره تنجح ومرات تفشل.... ترا هي حالها من حالكم انثي ولكن بدون الاحساس بالانوثه لاسباب عديده تكون بعضها حقيقيه وبعضها وهم المهم شنو ماكانت الاسباب الانسانه هذى قاعده تنهار او بالاحرى انهارت كل اللى تبيه الحين تجمع اشلاء بيت فعلا بدا ينهار ترا هي عايشة مجرد انها انسان عايش مافي اى مشاركات بينها وبين زوجها او اعيالها تقرا مواضيعكم تتذكر انها انثي تطيح منها جم دمعه وبس بعدها ترد شبه انثي تتمنى تحمل تتمني يكون همها مكياجها ولبسها ووووو بس في شي اكبر منها يمنعها صراع مابين تكون او لا تكون ودها تطبخ ياكلون اعيالها من ايدها تضحك تتدلع تطلع اتشارك بس مقيده والله وحده يعلم بقيدها العمر قاعد يروح فيها وهي ماتمتعت بانوثتها البرئية واللى الله فطرها عليها ولكن ..... اتمني فعلا المساعده كثر ماتقدرون على فكره ترا هي مصلية مسميه حتن لو تواجه صعوبه فى اداء العبادات ولكنها مقاومه لانها خسرت وايد اشياء وماتبي تخسر دينها..... المشكله الثانيه لصديقة لى تعاني من زوج ضعيف الشخصية ماتحس انه يفكر بطريقة عاقلة وبارد بلا مشاعر المهم انه يحبها وانه تكون جدامه وهي اتعاني من مشاكل ومحتاجه حمايته ووقفته ولكنه طلع ضعيف ويكتفي بالتفرج وحتن مو قادر حمي بيته مع انه فى السابق كان رجل اخر يمكن مثل شخصية غير شخصيته ولا انه صابه شي اهي ماتدرى عنه لانه فعلا صار ممل انسان بارد جامد بدون احساس فعلا بدون احساس شنو الحل بنات بليز شاركوني وساعدوني مليت :eh_s(11):
عندي مشكلتين
- بادئ الموضوع kunkush
- تاريخ البدء
سويت فانيلا
عضوه موقوفة
صديقتك لزام تعالج باطب النفسي قبل لا تصير مصايب ممكن سوال اختي هيا تمارس العادة السرية قبل عشان صار فيها كذي وشكرا
ســتارز
New member
الله يشافي صديقتج
ليتج تحطين مشكلتها لقسم المشاكل النفسية افضل
والمشكلة الثانية تحاول تعرف شنو سبب التغيير يمكن يمر بمشكلة تضايقة
او محتاج قراية
الله يشافيهم كلهم
ليتج تحطين مشكلتها لقسم المشاكل النفسية افضل
والمشكلة الثانية تحاول تعرف شنو سبب التغيير يمكن يمر بمشكلة تضايقة
او محتاج قراية
الله يشافيهم كلهم
ســتارز
New member
المشكله الاولي لى والثانيه لصديقتى ... مشكلتي اني مو قادره اعيش مثلى مثل اى مره ثانيه احب اليهال وما اقدر انجب لاني اخاف واحب البس بس مالى نفس البس وهكذا مو قادره اعيش حالى حال اى امرة اخرى وضايعه موعارفه الاسباب لجأت لاطباء نفسيين ومافي نتيجة احس ان فيني عقد وساعات احس ان اللى فيني بفعل فاعل مو قادره اوصل لنتيجة نهائيا
والمشكله الثانيه لصديقتي زوجها قبل الزواج كان انسان ورجل بمعنى كلمة الرجل والحين مجرد ظل رجل يعني لايحل ولايربط على الرغم انه يعشقها عشق ويعبدها ولكن شالفايده ترا الحب مو كل شي اذا نقص منه اشياء اهيا ملت منه لاعت جبدها والله قامت تشك بحبه انه مرض اتييها ايم من التعب اللى تمر فيه والمشاكل تذبل جدامه وهو مايحرك ساكن كل اللى يعرفه انها لازم تكون جدامه بس حتن كثر تقول انا لازم اموت علشان يفهم اني تعبانه؟؟؟؟اطرحت عليه فكرة القراية بس ماكو رد يعنى ممكن يكون فيه سحر مسكر حلجه؟؟؟ ترا والله اتحلف انها لو ما تخاف من الله جان العبت فيه لعب لانه خاتم بيدها وحاله مو عاجبها اعرفته انسان ينتقد يغار يخاف عليها موت الى انسان مايقدر يسوى ولا شي اهيا تحركه مثل الريموت وتقوله بويها اصحى من اللى فيه مايتكلم بس يبي يشوفها وتراها انسانه تخاف الله يعني لااهي صوب السحر ولا السوالف هذى بالعكس تقول ليته ينومني باطراق ويقعدني باطراق بس احس انه عنده مشاعر واحساس
سويت فانيلا
عضوه موقوفة
يمكن اختي لان بنت عمتي كذي الله يشفيها وايد تمارس العادة السرية ونفس وضع صديقتك لما عمتي ودتها عند دكتورة باطب النفسي وتعالج الله يوفق الجميع يارب:yaaaaaarb:
انا شكيت بان هذا السبب ورحت لمعالجة نفسية بس ما قدرت اقولها الشي هذا وماكملت معاها الله يسهل الامور وتنحل مشاكل الجميع
