عندي مشكله وابغاء ااطرح عليكم

[الوافية2]

انا متزوجه من 4سنوات في الاربع السنوات اهله متدخليني فيه مرررره لدرجه انه يوديني او لايوديني وزوجي ضعيف الشخصيه احترات الحين تهوشنا وطلقني طلقه ووقع الطالق جاء باالعيد من تحت راس اهله يبي يخذني بدون عقد ولامهر جديد ويقول استرجعني بس ماقال لى شي ولا اكلمه من لما طلقني اتهوش هو واهلى قالوا ماراح تطلع غير بمهر وعقد عشان تكون حلال عليك من يومها ماعاد سال على عياله ولا يصرف عليهم ايش تنصحوني فيه ارجع لها او اتطلق لان الشور شور امها واخوانها وكل حياتي تحريش ونفاق

 

[نونه المنكوشه]

الله يصلح حالكم وحاولي تسكنين بسكن منفصل عنهم علشان ترتاحين

 

[iLLuMinaTion]

الله يصلح حالكم

 

[حبيبي مالكني]

انتي شنو تبين
اذا مستعده تستحملينه اهو واهله رجعي
اذا لا بس خلج مطلقه
بس انا اقول رجعي عشان عيالج واهو مارده الله بيهديه ان شاء الله

 

[زوجة عزيز]

اذا طلقج طلقه وحده يحق له يرجعج بدون عقد ولامهر يديد وانتي لج الحق ان ترفضين انج تردين له بس مشكلتج معاه بسيطه سكني بعيد عن اهله

 

[جـــواهر]

ان رديتي له بدون رضوه وبدون شررط ترا بتصغرين بعينه وبيكررها
الطلاق مو هين عشان يطلق بكيفه ويرد ع كيفه
خلي قدرج كبير ولاتردين له جذي سمع امه سمع اخوه سمع ولد جيرانهم بلعنه
موشغلج اهووة طلق وخل يتحمل وموبكيفه مايصرف ع عياله
اذامايتسنع فيه رياحيل تسنعه خلي خوانج وابوج يكلمونه

 

[فوفو22]

حبيبتي

الطلقه اذا انتي بفتره العده اللي هي 3 شهور

يستطيع الزوج ان يرد زوجته بدون مهر ولا عقد

هذا بالشرع مو من عندي

اذا تعدت مرحله ال 3 شهور وهي شهور العده

ترجعين بعقد جديد ومهر

2- موضوع استمرارج وطلاقج محد يقدر يقرره الا انتي وامكانيه تحملج له ولاهله

فوفو

 

[ناتشوو]

تردين او لا
اهله موجودين بكل حال
انت الحين عند اهلج؟
لا تفكرين بسالفة مهر مامهر
كثر تفكيرج بسكن منفصل او اي شي يضمن استمرارية حياتج معاه براحة

 

[RowTow]

إللي فهمته إنه تركج طول فترة العده ما قالج شي و لا تواصل معاج.
و بعد ما خلصت العدة رد يبيج و يقولج إنه رجعج خلال فترة العدة عشان يتهرب من سالفة العقد الجديد و المهر الجديد.

عدل هالكلام و الا لأ؟
لأن إذا كانت هاذي الحاله فتترتب عليها أشياء ثانيه غير إذا جالج خلال وقت العده يرجعج.

 

[قموووره]

فوفو وناتشو ما قصرو ولا يهونون البنات
واستخيري حبيبتي قبل راي اي احد ربج اخبر بالي فيه الخير لج​

 

[ام الحلوااات]

اللـــــه يـــهــــديـــكــــم

 

[ريما الهاجري]

اهل الزوج مصيبه لله يسامحهم انا بغوا يطلقوني من زوجي بس ربي اقوا منهم

 

[انثى عاشقة]

استخيري اول شي
بعدين فكري في حل للمشكلة مو مهر وعقد
المشكلة هي اهله فكري تسكني بعيد عنهم
او تشوفون لكم شي يخفف من تدخلهم خليك صريحة وواضحة مع زوجك
قبل لاترجعين له عشان لايتكرر الخطأ​

 

[يـاسمينا]

ماقصروا البنات ,
وأهم شي طلبي سكن خاص فيج وبعيد عن اهله ..

 

[جذابه بنت ذيابه]

الله يهديكم يارب

خلي احد كبير بالعايله يكلمه اذا مو عشانج عشان الجهال

 

[nutella22]

رأيي من رأي جواهر اذا رجعتي بدون شروط بتصغرين بعينه اشرطي لك سكن عشان تبعدين عن المشاكل وانتي القرار لك وانتي أدرى بحياتك والله يكتب لك اللي فيه الخير

 

[البطه ميمي]

اذا ماانتهت العده مافي عقد ولا مهر واذا انتهت روحي سإلي مفتي واعتقد راي جذابه حلو ييبي كبير من اهلج وكبير من اهله والصلح خير

 

[كارلوفي فاري]

الله يفرج همج