عندي مقابلة في الجامعة باجر بس ما أعرف وقتها .. منو عنده فكرة

[أبلة مس]

السلام عليكم و رحمة الله و بركاته ..

اتصلوا علي الجامعة و قالوا إن مقابلتي للوظيفة باجر بإذن الله .. لكن لأني تنّحت على التلفون ما انتبهت أي ساعة المقابلة ..

يا ريت اللي عندها فكرة عن مواعيد المقابلات في الجامعة تقول لي .. بعد ما أبي أرتز من الساعة 8 و أنطر :eh_s(10):

و الله يجزاكم خير جميعاً

 

[حبيبي عبووودي]

ابله مس اناعندي مقابله عقب باجر هم دقوا علي اليوم
وقالولي الساعه ٩:٣٠
انزين علميني شنو ندرس ياربي محتارة

 

[Chevy]

ردي دقي عليهم لان كل وحده وقتها غير انا كنت 12 و في بنات 9 يعني على حسب فا اتدقين على الرقم اللي دق عليج أحسن

 

[frawlah_83]

دقي عليهم مره ثانيه اكيد بتكون اوقات مختلفه

 

[أبلة مس]

مشكورين جميعاً ..
أنا دقيت عليهم الصبح و ردت علي موظفة ثانية و قالت إن المقابلات تبدأ 9 .. بس ما تدري متى مقابلتي بالضبط .. عموماً أنا باجر باروح لهم 9 إلا ربع .. و إنشاءالله خير

 

[أبلة مس]

ابله مس اناعندي مقابله عقب باجر هم دقوا علي اليوم
وقالولي الساعه ٩:٣٠
انزين علميني شنو ندرس ياربي محتارة

والله آنا مثلج ماني عارفة عن شنو بيسألوني .. بس أكيد عن شغلي الأولي .. و ليش هديته ؟ و شنو هدفي من الالتحاق بالجامعة ؟ و شنو ممكن أضيف لهم إذا اشتغلت معاهم ؟ و من هالحجى ..

بصراحة آنا كنت قاعدة أمشي بأوراقي لأني انقبلت بالأوقاف .. بس سبحان الله اتصلوا علي و قلت راح أدخل المقابلة و اللي الله كاتبه فيه الخير .. مو شرط يقبلوني .. و يمكن آنا يعجبني المكان بالأوقاف و أرفض الجامعة .. و يمكن العكس .. ما يندرى

عموماً الله يوفقكم جميعاً ..

 

[مشمشة برتقالية]

الله يوفقج حبيبتي بس حبيتي ابي اسال شنو القسم اللي قمتي فيه في الجامعة والأوقاف لأني تخصصي انجليزي
ومشكورة وايد

 

[عزتي مالها حد]

مووووووفقه ان شالله

 

[صريحة جدا جدا]

للرفع حببتى شنو مؤهلاتج والوظيفه اللى قدمتى عليها والله يكتب لج الخير ولا تنسين تطمنينا عقب مقابلتج

 

[رشيقة خانم]

السلام عليكم

بغيت اسالج شنو مؤهلج الدراسي ؟

و بالتوفيق

 

[أبلة مس]

الله يوفقج حبيبتي بس حبيتي ابي اسال شنو القسم اللي قمتي فيه في الجامعة والأوقاف لأني تخصصي انجليزي
ومشكورة وايد

هلا حبيبتي .. في الجامعة مقابلتي في العلوم الاجتماعية أما الأوقاف في المسجد الكبير .. و مسماي " مترجم "

 

[أبلة مس]

مووووووفقه ان شالله

مشكورة حبيبتي

السلام عليكم

بغيت اسالج شنو مؤهلج الدراسي ؟

و بالتوفيق

آداب انجليزي و عندي خبرة عشر سنين

 

[أبلة مس]

للرفع حببتى شنو مؤهلاتج والوظيفه اللى قدمتى عليها والله يكتب لج الخير ولا تنسين تطمنينا عقب مقابلتج

أنا عندي آداب انجليزي .. مسماي هناك مترجم .. و الحمدلله خلصت المقابلة اليوم و إن شاءالله خير ..

 

[حبيبي عبووودي]

ابله مس شلون مقابلتج