عندي 3 بنات والرابعه بالطريج :)

[كويتانيه-90]

مرحبا بنات


انا ولله الحمدالله عندي 3 بنوتات واليوم سويت سونار قالت لي الدكتورة بنوته 100% انا ماضاق صدري عادي حتى زوجي

بس ام زوجي تضايقت حيييييييل تقول لا ان شاء الله هذا ولد وتفتخر فبناتها


وحده من بناتها حامل وفيها صبي وتقولي الحمدالله ان فلانه فيها ولد وزوجها طار فيها حيل


انا متضايقه وهذا رزق من الله احس الكل شفقان علي مادري ليش هذول نعمه من الله وانا احب البنات حيييييييييييل


ابي حل ابي ارتاح من حنتهم

 

[Miss-_-Fl0wer]

لا حول الله ولا قوة الابالله
يعني انتي مو بيدج شي ليييش هالكلام اللي اغث الله اهداها؟
ياحلو البنات والله والله اخليهم لج انشالله*

 

[إيمي1987]

رد : عندي 3 بنات والرابعه بالطريج

الله يخليهم لكم يا رب
بالعكس نعمه من الله سبحااانه


اهم شيء صحتهم وعافيتهم سبحان الله كاتب لج ان بنات 4 ورا بعض

احسن يمكن من ما ايي لج صبي لا قدر الله صحه مو زينه
جووفي الله شنو كاتب لج وكل انسان مسجل له شنو اهو وشنو يرث من بنات واولاد

لا تضايقين عمرج
وخالتج الله يهديها هذي يعني حجيه عوده المفروض توسع صدوركم

 

[لوازم العائلة]

رد : عندي 3 بنات والرابعه بالطريج

الله يخليهم لج
ويقومج بسلامه انتي والبنوته
يعني لي يبتي الولد اهمه شراح يسونلج
انتي بتحملين وتولدين وتربين وتتعبين وتصرفين
وبعدين الي ماعندها بنات ماجنها يابت عيال

 

[كويتانيه-90]

الله يجزاكم خير ماقصرتو

 

[ام زاكي]

ياحلو البنات وياحلو دخلتهم عليج عقب سنين
واهم الي يحنون على والدينهم الله يخليهم لج ويبلغج فيهم
واذا على الشياب ترا ماوراهم الا الحنه

 

[آهات الليل]

رد : عندي 3 بنات والرابعه بالطريج

وانا عندي بنتين وال3بالطريج
الله يرزقج ويرزقني بالولد الصالح
لاتحجت وقالت شي قولي كل شي بيد رب العالمين وهالشي من الزوج مومني

 

[رضاهم جنه]

اهم شي ان الجاهل بصحه وعافيه

وبزمنا هذا ما ينفعون الاهل الا البنات , ومهما تقولين لخالتج ماراح تقتنع ,اهم شي زوجج

 

[ام نوره..]

رد : عندي 3 بنات والرابعه بالطريج

وانا عندي 5 بنات فديتهم والله يحفظهم
وهالمره بعد شاكين أنها بنت
مااكذب عليج ذبحني كلام الناس من اول ماحملت
وبالذات أهل ريلي بس ش اسوي !
هذولا هبه من رب العالمين ونعمة اللهم لك الحمد
لاتهتمين دام ريلج راضي وأنتي بخير وبنتج بخير
وربج كريم يرزقنا من فضله

 

[كويت الحلا]

صحيح البنات نعمه
انا والحمدلله عندي بنتين وولد
بس اللي مثل حالتج تسعى
والله يكتب الى فيه الخير
مثلا اذا زووجج يرضى سوو التلقيح الصناعي
وبعدين بمستشفى العرف بالجهرا حبوب اذا تبيين ولد او بنت وغسول
وبعد في وحده اعرفها جابت بنتين وبعدها قاموا ما يسوون تنزيل داخل
إلا بيوم 12 و 13 من الدورة تقول هاذي الأيام حمل بولد وفعلا جابت ولد
وبعد سمعت عن شغله اسمها بيكربونات الصوديوم بس هاذي اسألي مومتأكده منها

والله يرزقج بتووووووووم عيال يارب
ويكتب لج اللي فيه الخير

اختج كويت الغلا
اذا عندج استفسار خليه على الخاص
ترا اشارك بالمواضيع وبعدها انسى
ما اجيك

 

[توكلت على الله 22]

انا بعد عندي بنااااااات وحاامل ببنت

الحمدلله على عطاااااة ورزقة

 

[جمالي ماله حدود]

رد : عندي 3 بنات والرابعه بالطريج

الله يرزقج الولد الصالح الهدي الرضي وانا مثلج الدنيا جذيه تمشى بالمقلوب لو كان عندج درزن بنات قالو نبي ولد ولو عندج درزن صبيان قالو نبي بنت
محد قانع بالي عنده البني ادم جذي
انا عندي ولد الله يخليه لي بس والله امطلعلي قرووووون لايسمع كلام احد ولايطيع احد حتى يوم بدت المدارس بدى الشقى معاه هذا دليل ان اهم شى التربيه
الواحد ماعنده الا الدعاء

 

[ديماااا]

الله الراازق ياوخيتي انتي ادعي ربج يخليج بناتج ولاتحاتين من كلامها انت اسكتي وهااذ بيد الله
ومالج الا الصبر
تخيلي خالتي عندهااااااا خمس بنات والسادس الله رزقها بولد
والحمدالله
كل بفضل الله
ووطنشت كلام النااس متاكل على ربها وصابره
انتي كثري الاستغفااار
وعسى ربي يخليهم لج

 

[الأميرة جوري]

رد : عندي 3 بنات والرابعه بالطريج

الحمد الله علي كل حال كلهم نعمه وشيء مكتوب وماتدرين وين الخيره

 

[om deaj]

خل ريلج يكلمها
انه هالشي مو بيدج بيد رب العالمين وماله داعي يغثونج بهالحجي

 

[حرم يوسف بيك]

رد : عندي 3 بنات والرابعه بالطريج

فهمي خالتج ان الريال اهوا الي يحدد بنت او ولد انتي مالج شغل وان شالله بعد هالحمله اتيبين 3 اولاد يارب يعني الحمدالله انتي راضيه وزوجج بعد مقتنع ليش اتنبها وتخلي يفكر غصب بالولد انا امي يابت اخوي وبعدين 4 بنات ورا بعض قامو ينادونها بالفريج ام البنات واخوي كان يبجي حق امي ان ماعنده اخو بس الحمدالله عقب البنات يابت 3 صبيان وانا عندي البنات ولا الاود نعمه نعمه اهم شي عندج ضنا

 

[جان دارك]

البنات في تربيتهم الصالحه يدخلونج الجنه
ومالج شغل بالناس
ياما بنات وصلوا للأربعين ماتزوجوا
وياما بنات متزوجات بس مالله رزقهم عشر وعشرين سنه
احمدي ربج وطنشي
وترى الدنيا طريج ممشي
ومسيره بينتهي والخير بالآخره ابرك

 

[nadoo]

والله في ناس يتمنوو انهم يخلفو بنت او حتى تكون حامل ويكبر بطنها الله يرزقج الولد الصالح البار

 

[روحي ابوي]

الله يصلحهن ويخليهن لج ،، ويرزقج بالولد الصااالح

 

[*ماي الورد*]

اهم الشي الخلقة التامة
اعرف واحد عنده اربع بنات تزوج على مرته علشان اييب الولد مرته الثانية يابت له بنتين
باجر هذولي البنات اهم اللي بيعزونج ويرزونج ويحطون بالهم عليج انتي وابوهم
و الولد مرده حق مرته