عند أي دكتوره أروح؟ افيدوني

[Om 3abas.]

السلام عليكم
صباح الخير على احلى قسم باحلى منتدى
اشلونكم خواتي انشالله بخير

بنات أبي دكتوره زينه حق مراجعه و مره وحده ابيها حق ولادتي
عند منو تنصحوني اروح ؟
انا حاليا بالدوام وناطره نطره على ما يخلص الدوام علشان اروح حق دكتوره زينه عفيه قولولي عند منو اروح؟
ما اعرف شي انا

ويالله تثبت حملي وتسهل على كل حامل يا رب

 

[دلوعة مبارك]

حبوووووووووووبة يمدحون ناهدة العلــــــــــــي ..... روحي لها ....
واللة يسهل عليج يارب

 

[Om 3abas.]

الله يسمع منج دلوعه

بنات عفيه غير ناهده العلي ابي وحده مجربينها
ردوا علي راح اكون شاكرتلكم

 

[_زينه_]

عن تجربتي وتجربة ناس وايد من اهلي

انصحج في ماجده كميخ في رويال حياة صج روووووووعه

وعندج خالده المجيبل هم في رويال حياة بس ماجربتها بس حيييل يمدحونها بعد

 

[kooka83]

عن تجربه
ناهدة العلي ..

 

[MaRoRa]

ناهدة العلي
والله تهبل انا اراجع عندها و انتشالله اهيا تولدني
تينن و على طول تذكر ربها و كل كلمه مشالله و مريييحه تحسسج انها ام تينن​

 

[ح ـــــور~]

انا انصحج بدكتوره عاليه انا اراجع عندها وان شاءالله اولد عندها

واستخيري ربج في كل شي ربي يثبت حملج

 

[ملح الدنيا فيني]

د هدى الزكري رقمها بالجريده عيادتها بالجابريه

 

[Om 3abas.]

الف الحمدالله على نعمتك يا رب
وبفضل الله ثم زوجي ثم دكتوووورتي الغالية د.معصومة الرضى
يبت أغلى بنووووتة بهالدنياااا
صج كنت خايفة لأني بجر وماعرف شي بس من كثر ما الدكتورة روعة ما حسيت بالولادة أصلا
والحمدالله ولدت طبيعي الف شكر لك يا رب على احلى نعمة بالحياة الدنيا

والحين انا حامل للمرة الثانية و ما أفكر أروح حق غير دكتوووورة معصووومة العسل
كافي نفسيتها الحلوة وروحها الأحلى

 

[أتقهوى عذابك]

افيدونا بنات الله يجزاكم خير
ابي وحده نفسيتها حلوة وتولد طبيعي

 

[!الجادل الصعب!]

نفسيتها حلوه ناهده العلي ..

طبيعي او لا وقت العمليه يبين وناهده م تستعجل الا
اذا حاله طارئه شكثر اعرفهم طبيعي
ورفيجتي قالت لها وضعج طبيعي بس بيوم الولاده
وهي بجر ظلت تطلق يوم كااامل لين تعبت وتعبً البيبي
وحولتها قيصريه

كله بيد الله مو بيد الدكتوره .. الله يهون عليج

 

[أتقهوى عذابك]

اجمعين ياقلبي وماقصرتي فديت قلبج

 

[روح الأحزان]

دكتورة معصومة ماشاء الله عليها وايد زينه وماتستعيل