عند زوجي غييير

[ديمــا و ريمــا]

مرحباااا
أنا وحدة شخصيتي حلوة عند زوجي أضحك وأسولف وأسوي جو اهو يستانس مني

بس مشكلتي مجتمعي أستحي منهم ما أدري ليش خواتي حمواتي والبنات كلهم

تصير شخصيتي غير هادية وعاقلة لأبعد الحدود ومحترمة لدرجة حتى مع اليهال

بس أنا من داخل مو جذي أقصد عندي طاقة ماني قادرة أطلعها

كل يوم أقول اليوم بسولف وأضحك بس ما أقدر

بليييز بنات ابي حل للسكوت , وغير جذي ابي شنو تنظرون للوحدة الهادية والساكتة ؟؟؟ لان حدي متعقدة من الموضوع​

 

[ملاآاآك الشماآل]

رد : عند زوجي غييير

بالعكس احس احسن لك الهدووء وانك تكونين محترمه عشان تفرضين احترام غيرك لك

واحسن من يقال فلانه قالت وفلانه قالت ويزخررفون سوالفك حتى لو مزحه خلو من الحبه قبه

بالذات عند اهل زوجك كل كلمه وتصرف بميزان عشان يحترمونك

 

[خاب ظن الشوق بك]

رد : عند زوجي غييير

شوفي

حاولي تدربين على سالفه تضحك وتقولينها وقت اليمعه

لاتخافين انتي فيج رهبه لما تكلمين مع ناس وايد

انا مرات جذي اذا كنا قاعدين 10 بنات وماعرفهم حيل يعني مو بنات خالاتي ولا بنات عماتي اخاف
بس المفروض خواتج وحماتج تتعودين على الوضع
ابدي بسالفه صغيره رتبيها بمخج وقوليها بكل التفاصيل
وشوي شوي تتعودين
واي شي قوليه غصبي نفسج على السوالف والضحك
تتعودين شوي شوي

وحلوو وايد شخصيتج تكون عند زوجج غير وعند الناس غير بس حاولي تتكيفين مع حمواتج وخواتج لانهم بيوم بيصيرون اقرب الناس لج

 

[الـحـ الاول ـب]

حاولي تبلشين شوي شوي بس مو تندفعين مره وحده

يعني لاشفتيهم قالو سالفه حاولي تناقشينهم اذا تعرفين شي عنها
اخذي واعطي معاهم بالحجي سولفي قولي لهم سالفه حلوه
موقف صار لج شي شفيته واستغربتي منه مع الايام تسولفين

بس نصيحه الا سوالفج الخاصه مع زوجج لاتسولفين عنها نهائي
حطي في بالج هالشي خاص فيج ولا تجرأين احد عليج
وحمواتج مهما يكون انتي جنه رحتي والا جيتي لو شنو الميانه بينكم وصلت
خليج معاهم رسميه بس مو زياده عن اللزوم
ساليني مانفعني طيبة قلبي واعتبرتهم خواتي كل شي اقولهم حتى اللي بيني وبين زوجي
اخر شي يعايروني انتي خبله لو انتي مراه جيده ما سولفتي عن زوجج
وانا اقسم بالله على نيتي وعلى انهم خواته وحسبتهم خسبة خواتي
والحين مانفع معاهم الا لما صرت رسميه معاهم اتكلم قد السالفه واذا شي ما يخصني ولا لي شغل فيه ما اسولف
وحتى قعدتي معاهم قبل يوميا حتى اهم الخوات مايشوفون بعضهم الا بالايام واهم في بيت واحد
كل ووحده بدارها والحين انزل لهم مرتين او ثلاث بالاسبوع ونهاية الاسبوع ارو لاهلي واحضر جمعتهم مره بالشهر
ولا عند الناس يقولون عني اني خبله وبسرعه ينقص علي واذا اهما الخوات يجوني ووحده تحش باختها عندي
بس انا ما انطر منهم شي قسما بالله لارحت لهم ولا تشرهت بس ربي ياخذ حقي

ادري طولت عليج بس نصيحه من وحده مجربه وبالعه الهم

 

[حياتي فراغ]

رد : عند زوجي غييير

أنا نفسج و هالشي مجنن الكل
يقولون هذي كله ساكته شلون قدرت تخلي ريلها خاتم بايدها ويموت فيها

و السر
اني عند ريلي غيررررر

 

[ديمــا و ريمــا]

رد : عند زوجي غييير

ملاك الشمال ............
مشكورة حبيبتي على الرد بس أنا هم ابي اسولف واخذ واعطي مع الناس اوكي انا هادية وراح اظل هادية بس ابي اسولف هاهاهاها
خاب ظن الشوق بك............
مشكورة على الرد تصدقين يمكن اللي فيني رهبة ,انا لما اقعد اقول بيني وبين نفسي بسولف عن الدوام بعدين اقول لا لا ما عندي شي اقوله رحت داومت وجيت ما كو سالفة تنقال بعدين اقول ابي اسولف عن السوق مثلا وهكذا بالاخير ما اطلع بسالفة
الحب الاول...........
مشكورة على الرد، حبيبتي اشكرج على النصيحة لان خواتي انصحوني قبل لا اتزوج ان الي بيني وبين زوجي ما يطلع برا, وانتي الله يعينج على هالحمولة بس انا الحمدلله احسهم حيل يحترموني

 

[ديمــا و ريمــا]

رد : عند زوجي غييير

حياتي فراغ
اولا..... مشكورة على الرد
ثانيا ...... فعلا هذي مشكلة الناس تستغرب منا هاهاهاها بس الحمدلله خففتي علي مشكلتي مو بس انا بروحي
ان شاء الله نتغير للأحسن

 

[AmoOona_29]

رد : عند زوجي غييير

الثقل صنعة والسكوت من ذهب
ياحلاة اللي ساكته عند الحريم وربي الغموووض والسكوت يخليهم يحترمونج
احسن من القيل والقال وانتي الزم ما عليج زوجج دامج عاجبته خليج جذي ولا تحاتين شي ~
..

 

[..<< ندى الورد >>..]

رد : عند زوجي غييير

الثقل صنعة والسكوت من ذهب
ياحلاة اللي ساكته عند الحريم وربي الغموووض والسكوت يخليهم يحترمونج
احسن من القيل والقال وانتي الزم ما عليج زوجج دامج عاجبته خليج جذي ولا تحاتين شي ~
..

وانا معاها

 

[ديمــا و ريمــا]

رد : عند زوجي غييير

amooona_29
تعب قلبي
مشكورات حبايبي على الرد

 

[معكرونه أسبكتى يم يم]

رد : عند زوجي غييير

الرسالة الأصلية كتبت بواسطة amooona_29
الثقل صنعة والسكوت من ذهب
ياحلاة اللي ساكته عند الحريم وربي الغموووض والسكوت يخليهم يحترمونج
احسن من القيل والقال وانتي الزم ما عليج زوجج دامج عاجبته خليج جذي ولا تحاتين شي ~
..

ياحلووو السنع والركاده..... انا معاه

 

[ديمــا و ريمــا]

رد : عند زوجي غييير

حبايبي انا مشكلتي ما اسولف مع الناس بس ازعاجي وسوالفي عند زوجي
بس انا قلت ابي اسولف انا ساكتة طول القعدة بس أعلق تعليق بسيط

 

[Ray.Bana =$]

رد : عند زوجي غييير

ترا حسن جذي يكوون لج هيبهـ كثر الضحك والغشمرة تخلي ماعندج هيبهـ محد يحسبلج حساب ويجرحونج ويقول عادي اهيا مو جادة بس تضحك خليج جذي احسن يحسون انج غامضهـ

 

[الـــغـــلآ]

رد : عند زوجي غييير

احسن لج بس موو حيل تصيرين خفيفه عند زوجج ترآ الريآجيل ينقدوون ../

 

[~ FOOSY ~]

رد : عند زوجي غييير

السكوت من ذهب

 

[الصعيريه]

رد : عند زوجي غييير

بالعكس أحسن لج..

 

[tt2tt]

رد : عند زوجي غييير

انا اعطيج نصحيه عاد انتي مو تكونين ساكته طول اليوم عند الحريم عند زوجج تفلتيين عاد الوسط في كل شي زيين سولفي اشوي واسكتي اشوي حتي عند زوجج السواالف الواايد مو عدله

 

[Petite]

نصيحه لاتغيرين طبعج

 

[aṕriliå]

رد : عند زوجي غييير

حلووو مو حلووو
حاولي تتغيرين شي بسيط

 

[كويتيه مذهله 87]

انا مثلج
عند زوجي هبله لووول وعند الاهل هاديه لوووول

بس ريلي يحب اكون هاديه براااااا

,,,