مرحبا كويتيات .. شخباركم حبيباتي ..؟
هذا أول موضوع أكتبه .. وبصراحة من زمان كان ودي أكتب لكم سالفتي بس كل مرة أتردد مدري ليه !
الأكيد بقول لكم سالفتي الحين ومابي أطولها عليكم ، وأبي رايكم فديتكم ..
بنات أنا متزوجة من فترة أقل من سنة ، المهم إني خذيت زوجي وهو يحبني ويموت فيني وحب طفولة على مايقولون
ومن أيام شهر العسل إكتشفت شغلات مدري شلون طوّفتها ، خبركم الوحدة بشهر العسل للحين ماعرفت زوجها عدل
وحابه تكتشف هذا الرجال أكثر .. صدت عليه محادثات ومسجات من بنات وصور بنات بتليفونه
طوّفتها وقلت يمكن شغلات قبل الزواج ولا قلت حق أحد ولما ردينا الديرة من فترة لـ فترة أشيّك على تليفونه وصادفت
مسجات من وحدة مو راضية تخليه
وهو زفها وإرتحت لما دريت .. ونسيت السالفة بس والله يابنات كل مرة أكتشف شي قبلها ينغزني قلبي وأحس فيه شي
ولما أفتش ألاقي شي ، لاتقولون ليش تفتشين وش لج بالغثا ! وربي صعبة إنج تحبين زوجج وتدرين إنه يحبج وتدرين إنه
يلعب بذيله من وراج ، أنا كنت بشوف لوين بيوصل بالضبط !
وعقبها إكتشفت كذا مرة مسجات ومكالمات وكل مرة يحلف لي إنها نزوة وخرابيط وعدّت ويحلف إنها ماتكرر وأعديّها !
وربي يابنات إني مو مقصره معه في شي وللعلم أنا الحمدلله راضية عن نفسي ووربي إنه يقول وربي أنا ماخذ كيكة
أنا ماخذ قمر < يعني الحمدلله معجبته وتارسه عينه ، وكل مرة أكتشف خياناته أقول له أنا مقصرة بشي ؟ يقول لا وربي
مو ناقصني شي بس نزوة وعديّها يالغالية !
ومرة تزاعلنا وكان هو الغلطان ورحت لأهلي 5 أيام وربي يابنات مارفع السماعة ، كل يوم كنت أبكي أقول معقولة هذا
اللي يحبني ؟ هذا اللي مايقدر على فرقاي ؟ المهم أنا اللي دزيت له مسج خامس يوم وردني اليوم اللي وراه
وربي يابنات مو مخليه عليه قاصر مدلعته ومدللته ! والظاهر هذا اللي مخليه شايف نفسه علي !
أكتب فيه قصايد وخواطر وأدزها له .. ومايرد إلا بـ ( فديتج ) بس ! صراحة تعب نفسه ..
بنات زوجي مو كبير .. عمره 22 سنة !
ساعات يعصب ويتنرفز لما أدز له مسج ( أنت وينك ) يقول شنو أنتي تشخطين فيني ؟ وربي أستغرب أقول أنت شتقول ؟
شكو أشخط فيك ؟ يقول ليش ماتقولين وينك ؟ أنت وينك يعني متنرفزة !!!!
< بـ الذمة أنتوا شرايكم ؟ شفتوا عقله شلون صغير ؟
المهم هذا كله بصوب واللي بقوله الحين صوب ثاني !
أنا مسافرة شهر برا الديرة ، وكذا مرة يقول لي متى تردين ؟ وأشتقت لج ؟ ولما أشبك وياه ع الماسنجر وطبعا ً كل يوم
يتحجج لي بسالفة مايشبك إلا بعد طلعة الروح
أمس كنت شابكة وياه وأقول له كلام حلوو وأتغزل فيه ووريته آخر خاطرة كاتبتها فيه وهو يسولف لي عن بو قتادة وبو نبيل
ويسولف عن مسلسلات رمضان ومعطيني طاف كأني مو قاعدة أمدح فيه !
آخر شي ماقام يرد عليّ مشغول ؟ وقلت مع منو ؟ قال مع رفيقي ؟ أكلمه مايرد عليّ
تنرفزت ! وقلت أنا بطلع تبي شي ؟ على طول قال سلامتج ! قلت ماأحب كأني أكلم نفسي !
تهقون شنو قال ؟؟؟
قال : ورب البيت إن كبرتي الموضوع لا أخليج عند أهلج سنه سنتين لين يطيح اللي براسج !
وإذا بتطلعين أطلعي بدون بربرة !!!
أنا > بطلت عيووني ع الآخر :eh_s(12):
وقلت أوكي بطلع ، بس أبيك ترد تقرا محادثتنا من أول !
وطلعت ، والحين أنا متضايقة وفيني غصه ، بنات أنا أحبه وأدري يحبني بس تهقون رد لخرابيطة ؟
فيه أحد تارس قلبه عليّ ؟ وإلا جاهل ويبي يثبت لي رجولته !
الأكيد / إحنا بنرد بعد يومين !
الحين وش الحل معاه ؟ أنا قررت ماأرد على مسجاته ولا مكالماته وحتى لاوصلنا ماني داقه عليه ولا أقول له تعال !
شرايكم ؟ : (
